ایران میں بوٹ میں نظر بند بھٹکل سمیت اُترکنڑا کے ماہی گیر بہت جلد رہا ہونے کی توقع

Source: S.O. News Service | By Abu Aisha | Published on 31st December 2018, 9:13 PM | ساحلی خبریں | خلیجی خبریں |

بھٹکل:31؍ڈسمبر (ایس او نیوز) دبئی سے ماہی گیر ی کے دوران  ایران سرحد پارکرنے کے الزام میں  ایران نیوی  کی تحویل میں بوٹ میں ہی نظر بند بھٹکل ، کمٹہ سمیت اترکنڑا ضلع کے 18ماہی گیر وں کی رہائی کے لئے جاری قانونی کارروائی آخری مراحل میں ہے۔

ذرائع سے ملی اطلاع کے مطابق ایران کی عدالت کے حکم نامے کے تحت ضلع کے ماہی گیروں کی   تین ماہی گیر کشتیوں کا جرمانہ اداکیاجاچکاہے۔ایران کے وکیل ایڈوکیٹ جمشید کریمی نے ماہی گیروں کو بتایا ہے کہ آئندہ دوچار دنوں میں سبھی ماہی گیروں کے رہا ہونے کی توقع ہے۔ اُدھر تہران میں موجود ہندوستانی سفارتکاروں کے آفسران نے خبر دی ہے کہ ایران کی  عدالت میں ماہی گیروں کی رہائی کولے کر آج کل میں اگر کوئی فیصلہ نہیں ہوتاہے تو آؤٹ پاس کے ذریعے ماہی گیروں کو رہاکرکے بھارت بھیجنے پرغور کیا جارہا ہے اور اس تعلق سے بھی کاغذائی کاروائی جاری ہے۔ خبر ہے کہ اگر ایران میں عدالتی کارروائی مکمل ہونے کے بعد ماہی گیروں کی رہائی ہوتی ہے تو سبھی ماہی گیر  دبئی واپس لوٹ سکیں گے، لیکن اگر آوٹ پاس کے ذریعے رہائی ملتی ہے تو پھر سبھی ماہی گیروں کو ایران سے سیدھے انڈیا روانہ کیا جائے گا۔

ایران میں بوٹ میں نظر بند  ماہی گیروں نے ’’ساحل آن لائن ‘‘سے وہاٹس ایپ کے ذریعے معلومات فراہم کرتے ہوئے  بتایا کہ ایران میں موجود ہمارے وکلاء نے 29ڈسمبر بروزسنیچر کو ہی عدالت میں جرمانہ اداکیا ہے، وکلاء بوٹ کے مالکان کی طرف سے رقم کا انتظام کیا گیا  ہے۔ چونکہ ہمارے وکلاء کو ایرانی زبان فارسی کے علاوہ کوئی زبان نہیں آتی ہے جس کے نتیجے میں ہمیں بھی  زیادہ معلومات حاصل کرنے میں دقت پیش آرہی ہے۔ بوٹ پر نظر بند ماہی گیروں کے مطابق ہمیں صرف جرمانہ ادا کرنے اور بہت جلد رہاکئےجانے کی بات سمجھ میں آئی ہے، اور ہم جلد ہی رہاکئے جانے کے انتظار میں ہیں۔

متعلقہ معاملہ کے متعلق اترکنڑا ضلع ڈپٹی کمشنر ایس ایس  نکول نے ساحل آن لائن سے فون پر گفتگو کرتے ہوئےبتایا  کہ ایران میں پھنسے ماہی گیروں کی رہائی کے لئے وہ مسلسل تہران  میں موجود ہندوستانی سفارتکار اور متعلقہ  افسران کے رابطے میں ہیں۔ ماہی گیروں کی رہائی کے لئے بہت ساری کارروائیاں انجام دی گئی ہیں، اس تعلق سے وہ زائد معلومات نہیں دے سکتے کیونکہ کام جاری ہے۔انہوں نے یقین دلایا کہ اگلے دو چار دنوں میں  سبھی ماہی گیر رہا ہونے کی توقع ہے۔

ایک نظر اس پر بھی

سرسی تعلقہ کے دیہات کو شراوتی جنگلات میں شامل کئےجانےکی مخالفت میں دیہی عوام کا راستہ روک کراحتجاج

شیموگہ ضلع کے  شراوتی جنگلات حدود سے تعلقہ کے ہیبری ، ہوسور، بگڑی دیہات کو فاریسٹ علاقے سے باہر کرنے کا مطالبہ لے کر دیہی عوام نے راگی ہوسلی روڈ روک کر ،سرکاری حکم نامے کو نذر آتش کرتے ہوئے احتجاج کیا۔

بھٹکل نیو شمس اسکول میں عالمی یوم ِ مادری زبان کا پروگرام :زبانیں معاشرے کی خیر سگالی اور بھائی چارگی میں اہم رول ادا کرتی ہیں

مادری زبان کسی بھی شخص کو پیدائش سے لےکر آخر تک اس کی ہمہ جہت ترقی میں اہم رول ادا کرتی ہے۔ بھارت ایک ہمہ لسانی ملک ہے، یہاں بے شمار زبانیں بولی جاتی ہیں، ہرایک زبان اپنی تہذیب کی نمائندگی کرتی ہے۔پرارتھنا پرتشٹھان کے صدر گنگادھر نائک نے ان خیالات کا اظہار کیا۔

کمٹہ کے چنداور میں نوتعمیر شدہ  مسجد سیدنا عثمان بن عفان کا بھٹکل کےقاضی مولانا محمد اقبال ملا ندوی کی دعاسے افتتاح

کمٹہ سے قریب چنداور گاؤں  کے توحید محلے میں نوتعمیر شدہ مسجدِ جامعہ سیدنا عثمان بن عفان کا جماعت المسلمین بھٹکل کے قاضی مولانا محمد اقبال ملا ندوی کی دعا سے  افتتاح عمل میں آیا۔

سپریم کورٹ کے ریزرویشن فیصلے پر نظرثانی کا مطالبہ لےکر بھٹکل بلاک کانگریس کا احتجاج

سپریم کورٹ کی طرف سے دئیے گئے ایک فیصلے میں ریزرویشن کو بنیادی حق قرار نہیں دینے سے پسماندہ ذات، پچھڑی ذات اور پسماندہ طبقات کی  بےچینی میں اضافہ کردیا ہے۔ متعلقہ فیصلے کے خلاف مرکزی حکومت فوری نظر ثانی کی عرضی داخل کرنے کا مطالبہ لےکر سابق رکن اسمبلی منکال وئیدیا کی قیادت میں ...

بنگلورو کےپروگرام میں ’پاکستان زندہ باد‘ کا نعرہ ؛ امولیا کو سی اے اے مخالف احتجاجیوں نے کردیا باہر ؛ کیا تھا امولیا کا منشاء ؟

شہریت قانون کی مخالفت میں ٹیپو سلطان فرنٹ کے زیراہتمام بنگلور کے فریڈم پارک میں منعقدہ احتجاجی جلسہ میں اچانک  امولیا نامی خاتون مقرر نے پاکستان زندہ باد کے نعرے لگانے شروع کردیے  جس پر منتظمین اور اسٹیج پر تشریف فرما حیدر آباد کے رکن پارلیمان اسد الدین اویسی  حیرت میں پڑ ...

جدہ میں بھٹکل کمیونٹی کی جانب سے "پیغام انسانیت اور دورِحاضر میں ہماری ذمہ داریاں" کے موضوع پر خوبصورت پروگرام

معروف عالم دین ، داعی اور کل ہند تحریک پیام انسانیت کے جنرل سکریٹری  مولانا بلال حسنی ندوی کی عمرہ کے لئے مکہ مکرمہ کی آمد پر  پیر  17فروری کو بھٹکل کمیونٹی جدہ کی جانب سے جدہ میں "پیغام انسانیت اور دورِحاضر میں ہماری ذمہ داریاں" کے موضوع پر ایک پروگرام منعقد کیا گیا جس ...

سعودی عرب: ٹرانسپورٹ سے متعلق جُرمانوں کی نئی فہرست میں 221 خلاف ورزیوں کا تعین

سعودی عرب میں ٹریفک کے نظام کی بہتری کے لیے نئے اقدامات کا سلسلہ جاری ہے۔ اس حوالے سے تازہ ترین پیش رفت میں ٹرانسپورٹ اور بسوں کو کرائے پر دیے جانے کی سرگرمیوں سے متعلق 221 خلاف ورزیوں کا تعین کیا گیا ہے۔ ٹریفک کے نظام کے تحت ان میں سے بعض خلاف ورزیوں پر جرمانے کی رقم 5 ہزار ریال تک ...

 کیا نئے قطری وزیراعظم بدعنوانی کے کیس میں ماخوذ ہیں؟

قطر کے نئے وزیراعظم شیخ خالد بن خلیفہ آل ثانی کامبیّنہ طور پر ملک میں کھیلوں کے عالمی مقابلوں کے انعقاد کے لیے بدعنوانی کی ایک ڈیل سے تعلق رہا ہے۔شیخ خالد قطر کے شاہی خاندان کے رکن ہیں۔وہ ملک کے وزیر داخلہ بھی رہ چکے ہیں۔فرانسیسی آن لائن تحقیقاتی جریدے میڈیا پارٹ اور برطانوی ...

سعودی وزارت ثقافت کی جانب سے’نیشنل تھیٹر پروجیکٹ‘کا آغاز

سعودی عرب میں وزارت ثقافت کے زیر انتظام ’نیشنل تھیٹر پروجیکٹ‘ کا آغاز ہو گیا ہے۔ پروجیکٹ کے آغاز کا اعلان منگل کی شام درالحکومت ریاض کے ’کنگ فہد کلچرل سینٹر‘ میں وزیر ثقافت شہزادہ بدر بن عبداللہ بن فرحان کی سرپرستی میں ہوا۔ اس موقع پر نامور فن کاروں، دانش وروں اور سعودی عرب ...