بنگلورو میں نااہل قراردئیے ارکان اسمبلی بی جےپی میں شامل : ضمنی انتخابات میں روشن بیگ کو چھوڑ کر دیگر تما 13ارکان کو بی جے پی نےدیا ٹکٹ
بنگلورو:14؍نومبر(ایس اؤ نیوز)ملیشور میں واقع بی جےپی دفتر کے سامنے منعقد ہوئے پروگرام میں وزیر اعلیٰ بی ایس یڈیورپا کی موجودگی میں نااہل قرار دئیے گئے ارکان اسمبلی بی جے پی پرچم کو حاصل کرتے ہوئے بی جے پی میں شامل ہوئے۔البتہ روشن بیگ بی جے پی کی ٹکٹ سے محروم رہ گئے۔
16نااہل ارکان اسمبلی جمعرات کو بی جےپی میں شامل ہوتے ہی پارٹی نے 13افراد کو ضمنی انتخابات میں میدان میں اتارنے کا فیصلہ لیتے ہوئے انہیں بی جےپی کا ٹکٹ بھی تھما دیا ہے۔ مگر بی جے پی نے حیرت انگیز طو پر شیواجی نگر سے ایم شرون کو بی جےپی کا ٹکٹ دیا جہاں کا ٹکٹ حاصل کرنے سابق کانگریس لیڈر روشن بیگ ایڑی چوٹی کا زور لگا نے کی بات میڈیا کے ذریعے معلوم ہورہی تھی۔
بتایا جارہا ہے کہ حالیہ مہینوں میں روشن بیگ نے کانگریس سے استعفیٰ دینےکے بعد بی جےپی سے بہت قربت بڑھاتے ہوئے شیواجی نگر ودھان سبھا حلقہ سے بی جےپی کی طرف سے انتخابات لڑنے کی کوشش میں تھے جس میں ناکام ہوئے ہیں۔اسی طرح رانے بنور ودھان سبھا حلقہ کے لئے بی جےپی نے ابھی تک ٹکٹ کا اعلان نہیں کیا ہے۔
بی جے پی کے 13امیدواروں کی فہرست : گوکاک سے رمیش جارکی ہولی۔ ہنسور سے ایچ وشوناتھ۔ اتھنی سے مہیش کومٹلی۔ کاگواڑ سے شریمنت گوڈا پاٹل۔ یلاپور سے شیورام ہیبار۔ ہیرے کیرور سے بی سی پاٹل ۔ ہوسپیٹ کے وجئے نگر سے آنند سنگھ۔ چکبلاپور سے ڈاکٹر کے سدھاکر۔ کے آر پور سے بھیرتی بسوراج۔ یشونت پور سے ایس ٹی سوم شیکھر۔ مہالکشمی لے آوٹ سے گوپالیا۔ کے آر پیٹے سے نارائن گوڈا۔ ہو سکوٹے سے ایم ٹی بی ناگراج ۔