دہلی میں 2018 کےسڑک حادثوں میں مرنے والے45فیصد لوگ پیدل چلنے والے ہیں: ٹریفک پولیس
نئی دہلی ،22؍اگست ( ایس او نیوز؍آئی این ایس انڈیا ) دہلی ٹریفک پولیس نے دارالحکومت میں 2018 کے روڈ حادثوں کی ڈیٹا لیسٹ جاری کی ہے جس میں سامنے آیا ہے کہ 2017 میں سڑک حادثوں میں ہوئی 1584 اموات کے مقابلے 2018 میں 1690 لوگوں کی جان گئی ہے۔اس رپورٹ میں سامنے آیا ہے کہ 2018 میں دہلی میں کل 6515 حادثات ہوئے جن میں6086 افراد زخمی ہوئے، وہیں 1690 لوگوں لے اپنی جان گنوا ئی۔حادثوں میں جان گنوانے والوں میں 6.69فیصد کا اضافہ ہوا ہے اور کل حادثوں کی تعداد میں 2.36 فیصد کمی آئی ہے۔2018 میں ہوئے حادثوں میں مرنے والے سب سے زیادہ لوگ پیدل چلنے والوں تھے جو کل تعداد میں 45.86فیصد ہیں۔اس کے بعد اسکوٹر اور دو پہیہ گاڑی کے ڈرائیور آتے ہیں جن کی موت کا فیصد 33.72 ہے۔ 2009 کے مقابلے حادثوں میں ہوئی موت کے اعداد و شمار گرچہ کم ہیں لیکن گزشتہ سال یہ ٹرینڈ واپس آ گیا ہے جس میں باقی ریاستوں سے آئے گاڑیوں سے دہلی میں حادثوں کی تعداد بہت بڑھ گئی ہے۔کل 1657 حادثوں میں سے 150 ہریانہ کے رجسٹریشن والے گاڑیوں سے ہوئے ہیں۔