مرکزی حکومت سیلاب زدہ آسام کی مدد کرے:دیو ے گوڈا

Source: S.O. News Service | Published on 18th July 2020, 12:48 PM | ریاستی خبریں |

بنگلورو،18؍جولائی (ایس او نیوز؍یو این آئی) سابق وزیر اعظم اور جنتادل (سکیولر) کے قومی صدر ایچ ڈی دیوے گوڑا نے آسام کے سیلاب سے متاثرہ لوگوں کو مرکزی حکومت سے ہر طرح کی امداد فراہم کرنے کی اپیل کی ہے۔

ایک ٹویٹ میں مسٹر دیوے گوڑا نے ریاست میں سیلاب کی بھیانک صورتحال کے بارے میں تشویش کا اظہار کرتے ہوئے کہا کہ آسام کے عوام کو سیلاب کی وجہ سے شدید بحران کا سامنا ہے، لاکھوں افراد بے گھر ہوگئے ہیں۔

انہوں نے کہا کہ یہ بہت بدقسمتی کی بات ہے کہ جب لوگ کووڈ 19کی وبا کے خلاف جدوجہد کر رہے ہیں، امداد نہ پہنچنے سے سیلاب نے ان کی پریشانی مزید بڑھادی ہے۔انہوں نے کازیرنگا نیشنل پارک میں سیلاب کی وجہ سے جنگلی حیات کے خسارے پر بھی درد و غم کا اظہار کیا۔

ایک نظر اس پر بھی

بنگلورو: ملک کا سب سے بڑا کووڈ کیئر سینٹر بند کردیا گیا، دس ہزار بیڈ کا انتظام تھا مگر ڈیڑھ ہزار سے زائد بیڈ استعمال میں نہیں آسکے؛ سرکاری فنڈ کے غلط استعمال کا بھی لگا الزام

کورونا مریضوں کیلئے بنگلورو میں قائم کئے گئے ملک کے سب سے بڑے کووڈ کیئر سینٹر کو اب بند کردیا گیا ہے۔ بتایا گیا ہے کہ اس سینٹر میں دس ہزار بیڈ لگانے کا منصوبہ تھا مگر صرف دیڑھ ہزار بیڈ ہی استعمال میں لائے گئے۔ ذرائع کے مطابق  مریضوں کی کمی کو دیکھتے ہوئے سینٹر کو بند کرنا پڑا۔ ...

شیموگہ: پتلون کی جیب میں موبائل فون پھٹ پڑا۔ بائک سوار شدید زخمی

انوٹّی پولیس اسٹیشن کے حدود میں جب ایک بائک سوار اپنی گاڑی میں کہیں جارہاتھا تو ایک تالاب کے قریب اس کی پتلون کی جیب میں موجود موبائل فون  دھماکے سے پھٹ پڑا جس کی  وجہ سے بائک سمیت سوار بھی اچھل کر قریبی تالاب میں جا گرا۔

گلبرگہ میں دو گانجہ فروش گرفتار

موضع سنگاپور، تعلقہ چنچولی ضلع گلبرگہ میں کرناٹک تیلنگانہ سرحدکے قریب پولیس نے ایک گانجہ فروش کو گرفتار کرکے اس کے قبضہ سے 1.2لاکھ روپیوں کے گانجہ کے پودے ضبط کرلئے گئے۔

شہری حقوق تنظیموں نے بنگلور کے دو علاقوں میں ہوئے تشدد کیلئے پولیس کی سستی کو قرار دیا ذمہ دار، گرفتار شدگان پر یو اے پی اے عائد کرنے پر اُٹھائے سوال

 بنگلورو کے کاڈو گوڈن ہلّی (کے جی ہلّی)  اور دیور جیون ہلّی ( ڈی جے ہلّی)  میں 11؍اگست کو پیش آنے والے پر تشدد واقعات کے متعلق شہری حقوق تنظیموں نے اپنی تحقیقاتی رپورٹ میں  پولس کی سُستی کو تشدد کے لئے ذمہ دار قرار دیتے ہوئے کہا ہے کہ فیس بُک پر  اسلام مخالف پیغام پوسٹ کرنے پر ...

بنگلورو تشدد معاملہ : علماء کرام و ملی تنظیموں کے وفد کی وزیر اعلی یڈ ی یورپا سے ملاقات

بنگلورو کے ڈی جے ہلی ، کے جی ہلی علاقوں میں پچھلے ماہ پیش آئے تشدد اور اس معاملے میں بڑے پیمانے پر ہوئی گرفتاریوں کے سلسلے میں اکابر علماء کرام اور ملی تنظیموں کے وفد نے وزیر اعلی بی ایس یدی یورپا سے ملاقات کی۔