بنگلوروشہر کی ترقی کے متعلق منتخب نمائندوں سے نائب وزیراعلیٰ کا تبادلۂ خیال

Source: S.O. News Service | By Shahid Mukhtesar | Published on 14th May 2019, 1:00 PM | ریاستی خبریں |

بنگلورو،14؍مئی(ایس او  نیوز) نائب وزیراعلیٰ اور وزیر برائے ترقیات بنگلور ڈاکٹر جی پرمیشور نے آج اپنی رہائش گاہ پر شہر کے اراکین پارلیمان ، ار اکین اسمبلی ، کونسل ، میئر اور ڈپٹی میئر کے ساتھ شہر کے مختلف ترقیاتی منصوبوں کے بارے میں تفصیلی بات چیت کی ، میٹنگ کے بعد اخباری نمائندوں سے بات چیت کرتے ہوئے ڈاکٹر پرمیشور نے بتایاکہ انہوں نے شہر کے تمام منتخب نمائندوں سے یہی گزارش کی کہ وہ شہر کی ترقی کے لئے متحد ہوکر کام کریں۔ بی بی ایم پی کی حدود میں اسپتالوں ، پارکوں اور کھیل کے میدانوں کو ترقی دینے پرزور دیا ۔ انہوں نے کہا کہ میٹنگ کے دوران بعض اراکین اسمبلی نے شہر کو ترقی کی طرف لے جانے کے بارے میں چند مشورے پیش کئے جن پر عمل کا فیصلہ کیا گیا ہے۔ انہوں نے کہاکہ بی بی ایم پی کی طرف سے شہر میں بہترین سہولتوں سے آراستہ اسپتالوں کی تعمیر پر زور دیا گیا۔ 2018-19 کے بی بی ایم پی بجٹ میں اس کے لئے فنڈز مہیا کرائے گئے ہیں۔ یہ یقینی بنایا جائے گا کہ جلد از جلد ان پراجکٹوں کو منظوری دی جائے اور کام کی شروعات ہوجائے۔ ڈاکٹر پرمیشور نے بتایاکہ ریاست میں کمار سوامی کی قیادت والی مخلوط حکومت نے شہر کی ترقی کی جانب پوری توجہ دی ہے۔ آنے والے دنوں میں بھی پوری توجہ کے ساتھ کام کیاجائے گا۔ میٹنگ میں اراکین پارلیمانی کپیندرا ریڈی، کے سی رام مورتی، ریاستی وزیر کرشنا بائرے گوڈا ، میئر گنگامبیکے ، اراکین اسمبلی سومیا ریڈی، ایس ٹی سوم شیکھر، رکن کونسل سرونا، اور دیگر موجودتھے۔
 

ایک نظر اس پر بھی

ریاستی حکومت نے آئی ایم اے فراڈ کیس کی جانچ سی بی آئی کے حوالے کیا

ریاست کی سابقہ کانگریس جے ڈی ایس حکومت کے دور میں کی گئی مبینہ ٹیلی فون ٹیپنگ کی سی بی آئی جانچ کے ا حکامات صادر کرنے کے دودن بعد ہی آج ریاستی حکومت نے کروڑوں روپیوں کے آئی ایم اے فراڈ کیس کی جانچ سی بی آئی کے سپرد کرنے کا فیصلہ کیا ہے۔

کیا شمالی کینرا سے شیورام ہیبار کے لئے وزارت کا قلمدان محفوظ رکھا گیا ہے؟

کرناٹکاکے وزیراعلیٰ  ایڈی یورپا نے دو دن پہلے اپنی کابینہ کی جو تشکیل کی ہے اس میں ریاست کے 13اضلاع کو اہمیت دیتے ہوئے وہاں کے نمائندوں کو وزارتی قلمدان سے نوازا گیا ہے۔اور بقیہ 17اضلاع کو ابھی کابینہ میں نمائندگی نہیں دی گئی ہے۔

بنگلورو: نشے میں دھت شخص نے فٹ پاتھ پر 7 لوگوں کو کچل دیا

شراب کے نشے میں دھت ایک شخص نے بہت تیز رفتار کار فٹ پاتھ پر چڑھا دی اور فٹ پاتھ پر چل رہے 7 افراد اس کار کی زد میں آ گئے۔ زخمیوں کو فوراً اسپتال پہنچایا گیا اور خبر لکھے جانے تک ان لوگوں کی حلات نازک بنی ہوئی ہے۔ یہ واقعہ بینگلورو کے ایچ ایس آر لے آؤٹ علاقے کا ہے۔