بنگلورومیں بارش کے ساتھ ڈینگی معاملات میں اضافہ، 15دنوں میں 177نئے کیس سمیت جملہ 717متاثرین

Source: S.O. News Service | Published on 19th October 2021, 11:29 AM | ریاستی خبریں |

بنگلورو،19؍اکتوبر(ایس او نیوز)راجدھانی بنگلورومیں بارش کی مقدارمیں اضافہ ہوتاجارہاہے،سلسلہ وارحادثات بھی پیش آرہے ہیں،ا س کے ساتھ ڈینگی بخار کے معاملات میں اضافہ ہورہاہے۔برساتی موسم سے پہلے یعنی ماہ مئی میں 102ڈینگی معاملات دکھائی دئے تھے،اکتوبر میں اس تعدادمیں 717تک اضافہ ہوگیا،گزشتہ 15دنوں کے دوران ڈینگی کے 177نئے معاملات درج ہوئے ہیں۔بنگلورومیں ڈینگی کے ساتھ وائرل بخاربھی دکھائی دے رہاہے۔تمام سرکاری اسپتال بخارسے متاثرہونے والوں سے بھرے ہوئے ہیں۔وائرل بخارمیں مزیداضافہ ہواتوعوام کوعلاج فراہم کرنامشکل ہوجائے گا۔بی بی ایم پی کی جانب سے ڈینگی بخارپرقابوپانے کے لیے بہت سارے اقدامات کئے گئے ہیں،اس کے باوجودچندعلاقوں میں وائرس پھیل رہاہے،جہاں بھی بخارکے معاملات بڑھ رہے ہیں وہاں لارواکی افزائش کی روک تھام کے لیے فاگنگ کرنے کے اقدام میں اضافہ کیاجائے۔ڈینگی سے متعلق آگہی لانے کے لیے بی بی ایم پی کی جانب سے بیداری مہم بھی چلائی جارہی ہے۔جہاں جہاں پانی ٹھہراہواہے ان مقامات کی نشاندہی کرتے ہوئے پاکی صفائی انجام دی جارہی ہے۔ڈینگی بخارایجس ایجپٹائی نامی مچھروں سے پھیلتاہے،جمع شدہ بارش کاپانی، خالی ٹائر،ٹیوب،پرانے بکیٹ،برتنوں میں جمع پانی میں اس قسم کے مچھروں کی افزائش ہوتی ہے۔ڈینگی بخارکا پتہ لگانے کے لیے ریاستی حکومت کومرکزی حکومت کی جانب سے امیونوگلوبلین ایم ٹیسٹ کٹس تقسیم کئے گئے ہیں،یہ کٹس ڈینگی کاپتہ لگانے میں معاون ہوں گے۔ڈینگی بخارکی روک تھام کے لیے مچھروں کے دن میں کاٹنے سے بچناہوگا،پاک وصاف اورگرم کرکے ٹھنڈاکیاہواپانی پینے کے لیے استعمال کرناہوگا۔پانی جمع کرنے کاسماور،ٹنکی،ٹینک کے ڈھکن کومضبوط طریقہ سے بندکرناہوگا۔پتیلیوں اوربرتنوں میں زیادہ دن تک پانی جمع کرنے سے احترازکرناہوگا۔گھرکے اطراف واکناف کہیں بھی پانی جمع ہونے سے روکناہوگا،چھینکتے یاکھانستے وقت دستی کومنہ پررکھیں۔گھروں میں مچھروں کوداخل ہونے سے روکنے کے لیے کھڑکیوں کے دروازوں کومیش یامچھرکش دوائی کاچھڑکاؤکریں۔

ایک نظر اس پر بھی

جے ڈی ایس امیدواروں کی جیت کے ذریعے پارٹی کارکن اپنی طاقت کا مظاہرہ کریں: انیتاکمارسوامی

بنگلورو دیہی لوکل باڈیز حلقے سے ریاستی قانون ساز کونسل کیلئے ہورہے انتخابات کو جے ڈی ایس پارٹی نے سنجیدگی سے لیاہے اور اس انتخابات میں پارٹی امیدواروں کوکامیاب کرکے پارٹی کارکنوں کو اپنی طاقت کا مظاہرہ کرناہوگا۔یہ بات رکن اسمبلی انیتاکمار سوامی نے کہی۔

منگلورو : طلبہ کے درمیان گروہی تصادم - کئی طلبہ ہوئے زخمی -  پولیس نے مارا ہاسٹل پر چھاپہ - 6 طالب علم گرفتار ۔ مقامی لوگوں کا احتجاج ۔ ہاسٹل خالی کروانے کا مطالبہ  

شہر کے ایک ڈگری کالج میں زیر تعلیم اور گوجرکیرے علاقے میں واقع ہاسٹل میں قیام پزیر طلبہ کے دو گروہ آپس میں لڑ پڑے جس کے نتیجے میں بعض طلبہ زخمی بھی ہوگئے ۔ مار پیٹ اور تصادم کی اطلاع ملنے پر پولیس نے دیر رات ہاسٹل پر چھاپہ مار کر کئی طالب علموں کو گرفتار کر لیا ۔

چامنڈی پہاڑ پر زمین کھسکنے کے واقعات: نندی مجسمے کے راستے کو پیدل چلنے والے راستہ میں تبدیل کرنے اپیل

گزشتہ چند دنوں سے میسورو ضلع میں مسلسل بارشوں کی وجہ سے میسور کے قریب واقع چامنڈی پہاڑ پر زمین کھسکنے کے واقعات پیش آرہے ہیں جس کی وجہ سے پہاڑ پر واقع چامنڈیشوری دیوی کے درشن کو پہنچنے والے زائرین کو کافی پریشانیوں کا سامنا کرنا پڑ رہا ہے۔