پیرس میں مظاہرے، ’ہنگامی حالت نافذ کی جا سکتی ہے‘

Source: S.O. News Service | By Jafar Sadique Nooruddin | Published on 3rd December 2018, 12:36 AM | عالمی خبریں |

پیرس: 2/دسمبر (ایس او نیوز/آئی این ایس انڈیا)  فرانسیسی صدر ایمانوئل ماکروں نے ارجنٹائن سے وطن واپسی کے فوری بعد اتوار کے دن پیرس میں واقع تاریخی آرک دے ٹریومف کا دورہ کیا اور وہاں ہفتے کے دن ہوئے پرتشدد مظاہروں کی وجہ سے ہونے والے نقصان کا براہ راست معائنہ کیا۔خبر رساں ادارے روئٹرز نے بتایا ہے کہ فرانسیسی صدر ایمانوئل ماکروں نے اتوار کے دن پیرس میں تاریخی آرک دے ٹریومف( Arc de Triomphe) کا دورہ کیا۔ارجنٹائن کے دارالحکومت بیونس آئرس میں منعقد ہوئی جی ٹوئنٹی کانفرنس میں شرکت کے بعد وطن واپس پہنچنے پر ماکروں آرک دے ٹریومف گئے اور وہاں مظاہروں کی وجہ سے ہونے والے نقصانات کا مشاہدہ کیا۔ہفتے کے دن کئی ہزار مظاہرین نے اس مقام پر پرتشدد مظاہرے کیے جبکہ ساتھ ہی لوٹ مار اور املاک کو نقصان پہنچانے کے واقعات بھی رونما ہوئے۔ پیلے رنگ کی جیکٹوں میں ملبوس ان مظاہرین نے ایندھن کی قیمتوں میں ہونے والے اضافے کے خلاف مظاہرے شروع کر رکھے ہیں۔فرانسیسی ٹیلی وڑن چینلز پر نشر کیے گئے مناظر میں دیکھا جا سکتا ہے کہ مشتعل مظاہرین نے آرک دے ٹریومف کو نقصان پہنچایا اور کئی جگہوں پر نعرے بھی لکھ دیے۔ان مظاہروں کے بعد فرانسیسی حکومت نے ہنگامی حالت نافذ کرنے کو خارج از امکان قرار نہیں دے دیا ہے۔ تجویز دی گئی ہیکہ مستقبل میں ایسے مظاہروں کی روک تھام کی خاطر ایمرجنسی لگا دی جائے۔حکومتی ترجمان بینجاماں گریوَو نے کہا کہ ایسا لازمی نہیں کہ ہر ہفتے ہی اس طرح پرتشدد مظاہرے ہوں۔ تاہم انہوں نے کہا، ’’پبلک آرڈر اور سلامتی کو یقینی بنانے کی خاطر تمام آپشنز پر غور کیا جانا چاہیے۔‘‘بینجاماں گریوَو نے صحافیوں سے گفتگو میں کہا ہے کہ صدر ایمانوئل ماکروں اتوار کی شام اعلیٰ حکومتی عہدیداروں سے ملاقاتیں کریں گے۔ اس دوران حکومت اس طرح کے مظاہرین سے نمٹنے کی خاطر اپنی حکمت عملی کو طے کرنے کی کوشش کرے گی۔فرانسیسی حکومت کی طرف سے بتایا گیا ہے کہ ہفتے کے دن کم ازکم پانچ ہزار افراد نے مظاہرے کیے، جو پرتشدد رنگ اختیار کر گئے۔ اس دوران سکیورٹی فورسز نے مشتعل مظاہرین کو منشتر کرنے کی خاطر آنسو گیس کے شیل برسائے اور تیز دھار پانی برسایا۔سکیورٹی فورسز اور مظاہرین کے مابین تصادم کی وجہ سے متعدد پولیس اہلکار زخمی بھی ہوئے۔ اس دوران سو کے قریب مظاہرین کو گرفتار بھی کیا گیا۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...