کورونا وائرس انفیکشن کے بعد دنیا بھر میں ماسک کی طلب اور قیمتوں میں بھاری اضافہ

Source: S.O. News Service | Published on 4th March 2020, 5:03 PM | عالمی خبریں | ان خبروں کو پڑھنا مت بھولئے |

جینیوا،4؍مارچ(ایس او نیوز؍ایجنسی)عالمی اداراہ صحت (ڈبلیو ایچ او) نے کہا ہے کہ کورونا وائرس ’کووڈ-19‘ کا انفیکشن پھیلنے کے بعد سے دنیا بھر میں نجی بچاؤ کا طریقہ یعنی ’ماسک‘ کی قلت پیدا ہوگئی ہے جس کی قیمت تقریباً چھ گنا بڑھ گئی ہے۔

ڈبلیو ایچ او نے وارننگ دی ہے کہ مانگ بڑھنے سے وائرس سے نجی بچاؤ کے سازوسامان جیسے ماسک، دستانے وغیرہ کی سپلائی میں کمی آرہی ہے۔ ان چیزوں کی اندھادھند خرید اور کالا بازاری کے لئے ذخیرہ بھی شروع ہو گیا ہے۔ اس نے صنعتی شعبہ سے ان کی پیداوار بڑھانے اور حکومتوں کو اس کے لئے اقتصادی طورپر مدد دینے کی اپیل کی ہے۔ اس کا اندازہ ہے کہ ان چیزوں کا پروڈکشن 40 فیصد بڑھانے کی ضرورت ہے۔

ادارے کے ڈائریکٹر جنرل ڈاکٹر تیدروس اے گیبریئسس نے بتایا کہ کووڈ 19 کے پھیلنے کے بعد سے سرجیکل ماسک کی قیمت چھ گنا، این 95 ماسک کی تین گنا اور ڈاکٹروں کے ذریعہ پہنے جانے والے گاؤں کی قیمت دو گنی ہوچکی ہے۔ انہوں نے کہا کہ سپلائی کو معمول پر لانے کے لئے مہینوں لگ سکتے ہیں اور بازار میں سب سے اونچی قیمت دینے والوں کو یہ چیزیں بیچی جا رہی ہیں۔

بچاؤ کے طریقوں اور چیزوں کی کمی کی وجہ سے کووڈ 19میں مبتلا مریضوں کا علاج کرنے والے ڈاکٹروں، نرس اور دیگر میڈیکل اہلکاروں کے لئے خطرہ بڑھ گیا ہے۔ انہیں دستانوں، میڈیکل ماسک،عام ماسک، چشمے، فیس شیلڈ، گاؤں اور ایپرون کی محدود سپلائی میں کام چلانا پڑ رہا ہے۔

گیبریئسس نے کہا کہ ’’بغیر مکمل سپلائی کے طبی اہلکاروں کے سامنے حقیقت میں خطرہ ہے۔ صنعتوں اور حکومتوں کو ان کی سپلائی جلد از جلد بڑھانی چاہیے، برآمدات پر پابندی میں ڈھیل دینی چاہیے اور ذخیرے کو روکنے کے اقدامات کرنے چاہیے۔ طبی اہلکاروں کی حفاظت کو اولین ترجیح دیئے بغیر ہم کووڈ19 کے انفیکشن کو نہیں روک سکتے۔‘‘

ڈبلیو ایچ نے اب تک 47 ملکوں کو نجی بچاؤ کے سازوسامان کے تقریباً پانچ لاکھ سیٹ بھیجے ہیں، لیکن سپلائی تیزی سے کم پڑ رہی ہے۔ ادارے کا اندازہ ہے کہ کووڈ 19 سے نمٹنے کےلئے ہر مہینے 8.9 کروڑ میڈیکل ماسک،7.6 کروڑ ڈاکٹر کے پہننے والے دستانے اور 16 لاکھ چشموں کی ضرورت ہوگی۔

ایک نظر اس پر بھی

امیتابھ-ابھیشیک کے بعد ایشوریہ اور بیٹی ارادھیہ بھی کورونا سے متاثر

ملک میں لگاتار پھیل رہے کرونا وائرس کی زد میں اب بالی وڈ بھی آ چکا ہے۔ ہفتہ کی رات امیتابھ بچن اور ان کے بیٹے ابھیشیک بچن کے کورونا پازیٹو پائے جانے کے بعد لوگ ان کے خاندان کے تئیں فکرمندی کا اظہار کر رہے ہیں۔

کرناٹکا کے وزیر سی ٹی روی سمیت معروف فلم ایکٹر امیتابھ بچن کی رپورٹ بھی کورونا پوزیٹیو

کرناٹک میں کورونا کا پھیلاو اتنا زیادہ ہوگیا ہے کہ اس سے کوئی  محفوظ نظر نہیں آرہا ہے۔ آج  کرناٹکا ٹورسم منسٹر سی ٹی روی کی رپورٹ بھی کورونا پوزیٹیو آنے کی اطلاع ملی  ہے، وہ کرناٹک کے پہلے وزیر ہیں جن کی رپورٹ پوزیٹیو آئی ہے حالانکہ لوک سبھا ایم پی سومالتا امبریش، ایم ایل ...

بھٹکل شمس اسکول کا میٹرک میں شاندار پرفارمینس، چوتھی مرتبہ لگاتار صد فیصد نتائج

تربیت ایجوکیشن سوسائٹی کے تحت چلنے والے نیو شمس اسکول (آئی سی ایس ای) کے میٹرک امتحان میں  پھر ایک بار شمس نے شاندار تعلیمی پرفارمینس پیش کرتے ہوئے چوتھی مرتبہ لگاتار صد فیصد نتائج دینے میں کامیاب رہا ہے۔ 

گرین ویلی نیشنل اسکول شیرور کی شاندار کارکردگی کا سلسلہ ہنوز جاری،ICSE میں پھرسو فیصد نتائج

پڑوسی علاقہ شیرور کے گرین  ویلی نیشنل اسکول نے ہمیشہ کی طرح اس بار بھی شاندار تعلیمی کامیابی حاصل کرنے کا سلسلہ جاری رکھا ہے اور اس بار بھی آئی سی ایس ای(ICSE)  گریڈ X میں  پھر ایک بار صد فیصد کامیابی درج کرتے ہوئے نہ صرف پورے اُڈپی ضلع بلکہ پورے کرناٹک میں اپنے اسکول سمیت علاقہ ...