دہلی تشدد: مسجد پرپتھرائو کیس میں ملزمان کے خلاف الزامات طے
نئی دہلی ،25؍نومبر(آئی این ایس انڈیا) دہلی کی ککڑڈوما کورٹ نے فروری 2020 کے ایک معاملے میں باپ بیٹے کے خلاف الزامات طے کیے ہیں۔ اس معاملے میں مبینہ طور پر ایک مسجد کو آگ لگانے، اس میں توڑ پھوڑ اور فسادات کے دوران پتھراؤ کرنے کا الزام ہے۔اس واقعے کے حوالے سے دی گئی شکایت کے مطابق 25 فروری 2020 کو دہلی کے کھجوری خاص علاقے میں جے شری رام کے نعرے لگاتے ہوئے ایک مسجد میں توڑ پھوڑکی گئی۔
مٹھن سنگھ اور ان کے بیٹے جانی کمار، جو مبینہ طور پر پرتشدد ہجوم کی توڑ پھوڑ میں ملوث تھے، کو ملزم بنایا گیا ہے۔ملزم نے اعتراف جرم نہیں کیا۔عدالت نے دونوں ملزمان کے خلاف متعلقہ دفعات کے تحت فرد جرم عائد کی اور انہیں ان کے وکلاء کی موجودگی میں مقامی زبان میں وضاحت کی۔ اس نے جرم کا اعتراف نہیں کیا اور مقدمے میں ٹرائل کا کہا۔