نئی دہلی،10ستمبر(ایس او نیوز/آئی این ایس انڈیا) دہلی کے نائب وزیر اعلی منیش سسودیا نے کہا کہ جلد ہی دہلی کا اپنا تعلیمی بورڈ ہوگا لیکن وہ سی بی ایس کی جگہ نہیں لے گا، بلکہ یہ اگلی نسل کا بورڈ ہوگا جو جی ای،نیٹ جیسے داخلہ امتحانات کی تیاریوں میں طالب علموں کی مددکرے گا۔نائب وزیراعلیٰ نے کہاہے کہ دہلی حکومت بورڈ کو ایسے طور پر دیکھتی ہے جو موجودہ حالات کی تشخیص کرے۔موجودہ میں طالب علم اسکولوں کی مددسے بورڈ امتحانات کی تیاری، لیکن انہیں انجینئرنگ اور میڈیکل کاداخلہ امتحان پاس کرنے کے لیے کوچنگ سینٹروں کاسہارالینا پڑتاہے۔منیش سسودیا نے کہاکہ یہ المیہ ہے کہ ہلی میں کوئی تعلیمی بورڈنہیں ہے۔ہم دہلی کو اپنا تعلیمی بورڈ دینے کی تیاری کر رہے ہیں۔انہوں نے کہاکہ ہم نے2015 میں اس کے بارے میں سوچنا شروع کر دیا اور اس پر کام کرنا بھی شروع کر دیاہے۔لیکن جب ہم نے عمارتوں کی حالت دیکھی اور کلاسوں میں تعلیم کے ماحول کو محسوس کیا تو ہمیں لگا کہ نیابورڈبنانے کی بجائے پہلے بنیادی ڈھانچہ کو بہتر بنانے کی ضرورت ہے۔انہوں نے کہا کہ دہلی کا اپنا تعلیمی بورڈ بنانے کا وقت آ گیا ہے۔منیش سسودیا نے کہاکہ حکومت اس پر کام کر رہی ہے۔یہ سی بی ایس کی جگہ نہیں لے گابلکہ نئی نسل کا بورڈہوگا۔یہ بورڈ اور اس کا کورس کیسا ہوگا، اس کے بارے میں انہوں نے کہاہے کہ سرکارمختلف موضوعات پر مختلف گریڈ دینے کا ارادہ رکھتی ہے۔