دہلی فساد: آصف اقبال تنہا اور نتاشا ناروال سمیت تینوں سماجی کارکنان کو راحت، عدالت کا فوری رہائی کا حکم

Source: S.O. News Service | Published on 17th June 2021, 11:49 PM | ملکی خبریں |

نئی دہلی،17؍جون (ایس او نیوز؍ایجنسی) دہلی تشدد سے متعلق معاملہ میں جامعہ کے طالب علم آصف اقبال تنہا اور پنجرا توڑ کی سماجی کارکن نتاشا ناروال اور دیونگنا کالیتا کو بڑی راحت حاصل ہوئی ہے۔ دہلی کی کڑکڑڈومہ عدالت نے ان تینوں کو ؎فوری رہا کرنے کا حکم صادر کیا ہے۔ دہلی ہائی کورٹ سے درخواست ضمانت منظور ہونے کے بعد بھی تاحال تینوں کو رہا نہیں کیا گیا تھا۔

کڑکڑڈومہ عدالت میں جمعرات کے روز اس معاملہ پر سماعت کے بعد فیصلہ سنایا گیا، جسے عدالت کی جانب سے ای میل کے ذریعے تہاڑ جیل انتظامیہ کو بھیجا جائے گا، تاکہ رہائی ممکن ہو سکے۔ خیال رہے کہ تینوں کارکنوں کے ذریعہ دعوی کیا گیا ہے کہ دہلی پولیس ان کی رہائی میں رخنہ اندازی کر رہی ہے۔ وکلاء کے ذریعہ کہا گیا ہے کہ پولیس نے جان بوجھ کر تصدیق کرنے میں تاخیر کی ہے۔

تینوں کارکنوں نے فوری رہائی کا مطالبہ کرتے ہوئے دہلی ہائی کورٹ سے بھی رجوع کیا تھا۔ تینوں نے اپیل میں کہا کہ ضمانت منظوری کے فیصلہ کے 36 گھنٹوں کے بعد بھی تینوں کو رہا نہیں کیا گیا ہے۔ وکیل کی جانب سے کہا گیا کہ اب تک رہا نہ ہونے کی وجہ سے ان کے حقوق پامال ہوئے ہیں، کیونکہ سپریم کورٹ اور ہائی کورٹ کا حکم ہے کہ ضمانت منظور کئے جانے کے بعد رہائی ہو جانی چاہیئے۔

سماعت کے وران عدالت نے پولیس کے وکیل کے تئیں سخت رویہ اختیار کیا۔ سوال پوچھا گیا کہ تمام ملزمان ایک سال سے آپ کی تحویل میں ہیں تو اب کس طرح کی تصدیق کی ضرورت ہے۱ وکیل کا کہنا ہے کہ تصدیق میں کچھ پریشانی ہوئی ہے، جس پر ٹرائل کورٹ نے ہمیں حکم دیا ہے۔

گزشتہ روز ہونے والی سماعت کے دوران پولیس نے تینوں کے پتوں کی تصدیق کرنے کے لئے تین دن کا وقت طلب کیا تھا۔ دہلی پولیس دہلی ہائی کورٹ کے فیصلے کے خلاف پہلے ہی سپریم کورٹ سے رجوع ہو چکی ہے۔ دہلی پولیس نے تینوں کی درخواست ضمانت منظور کرنے پر اعتراض ظاہر کیا ہے۔

خیال رہے کہ دہلی فساد معاملہ میں ان تینوں کے خلاف ’یو اے پی اے‘ کے تحت مقدمہ درج کیا گیا تھا لیکن ہائی کورٹ نے دہلی پولیس کو سرزنش کرتے ہوئے تینوں کی درخواست ضمانت منظور کر لی تھی۔

ایک نظر اس پر بھی

زوردار بارش کے دوران مدھیہ پردیش کے بھِنڈ میں ڈسٹرکٹ جیل کی دیوار منہدم، 22 قیدی زخمی، 2 کی حالت نازک

 مدھیہ پردیش کے ضلع بھِنڈ میں ہفتہ کی صبح اس وقت ایک بڑا حادثہ پیش آیا جب ضلع جیل کی ایک خستہ حال دیوار موسلادھار بارشوں کے دوران بھربھرا کر گر گئی۔ اس سے بیرک نمبر 6 میں قید 22 قیدی زخمی ہو گئے، جن میں سے 2 کی حال نازک بتائی جا رہی ہے۔

سی بی ایس ای 12 ویں کلاس کے نتائج :ختم ہوا انتظار

  آخر کار طویل انتظار کے بعد ، سنٹرل بورڈ آف سیکنڈری ایجوکیشن (سی بی ایس ای) نے 12 ویں کلاس کے نتیجہ جاری کر دیے ہیں۔ طلباء اپنے نتائج ویب سائٹ cbseresults.nic.in ، cbse.gov.in پر دیکھ سکتے ہیں۔ اس سال 99.37فیصد طلبہ کامیاب ہوئے ہیں۔

گئوشالہ میں 50 سے زائد گایوں کی موت پر ہنگامہ، تحقیقات شروع

گئوشالاؤں میں موجود گایوں کی دیکھ بھال کے نام پر سرکاری امداد حاصل کرنے اور اس کو ہضم کر جانے کے کئی معاملے سامنے آ چکے ہیں۔ تازہ معاملہ راجستھان کے ضلع جیسلمیر کا ہے جہاں رام گڑھ واقع کوہریوں کا گاؤں علاقہ میں چل رہی 200 گایوں پر مشتمل گئوشالہ میں تقریباً 50 سے زائد گایوں کے ...

ذات پر مبنی مردم شماری کے حق میں ہیں نتیش کمار، پی ایم مودی کو جلد لکھیں گے خط

بہار کے وزیراعلیٰ نتیش کمار نے اپوزیشن لیڈر تیجسوی یادو کو ایک ملاقات کے دوران یقین دلایا کہ وہ ذات پر مبنی مردم شماری کے لیے وزیر اعظم نریندر مودی کو خط لکھیں گے اور ساتھ ہی قانونی طریقے پر بھی غور کریں گے۔

ہندوستان میں کورونا کے یومیہ معاملات میں معمولی کمی، 41649 نئے کیسز، 591 مریضوں کی موت

  ملک میں کورونا وائرس (کووڈ 19) کے یومیہ سامنے آنے والے معاملات میں معمولی کمی آئی ہے، تاہم نئے کیسز کی تعداد 40 ہزار سے زیادہ رہی۔ دریں اثنا ، جمعہ کو 52 لاکھ 99 ہزار 36 افراد کو کورونا کی ویکسین لگائی گئی۔ اب تک ملک میں 46 کروڑ 15 لاکھ 18 ہزار 479 افراد کو ویکسین دی جا چکی ہے۔