لاک ڈاؤن: پوری طرح بند نہیں دہلی میٹرو، خاص لوگوں کے لیے جاری ہے مفت سروس

Source: S.O. News Service | Published on 1st April 2020, 5:01 PM | ملکی خبریں |

نئی دہلی،یکم اپریل (ایس او نیوز؍ایجنسی) کورونا وائرس کے خطرہ کو دیکھتے ہوئے پورے ملک میں لاک ڈاؤن کا اعلان ہونے کے بعد دہلی میٹرو نے بھی اپنی خدمات فوری اثر سے بند کرنے کا اعلان کر دیا تھا۔ لیکن ایسا نہیں ہے کہ میٹرو کی خدمات پوری طرح سے بند ہیں، بلکہ کچھ خاص لوگوں کے لیے دہلی میٹرو پانچوں لائنوں پر اپنی خدمات جاری رکھے ہوئے ہے۔ دلچسپ بات یہ ہے کہ یہ خدمات دہلی میٹرو مفت میں مہیا کر رہی ہے۔

دراصل کورونا وائرس کے خلاف جاری جنگ میں پولس بہت اہم کردار نبھا رہی ہے اور ان پولس جوانوں کے لیے ہی دہلی میٹرو نے اپنی خدمات جاری رکھے ہوئے ہے۔ ان سے ٹکٹ کا کوئی پیسہ بھی نہیں لیا جاتا اور پانچوں لائنوں پر ان کے لیے میٹرو چل رہی ہے۔

'نو بھارت ٹائمز' میں شائع خبر کے مطابق پولس اہلکاروں کی سہولت کے لیے کل 14 ٹرینیں چلائی جا رہی ہیں جن میں ریڈ، یلو اور گرین لائن پر 2-2، وائلٹ لائن پر 3 اور بلو لائن پر 5 ٹرینیں چل رہی ہیں۔ این سی آر میں بڑی تعداد میں پولس اہلکار رہائش پذیر ہیں، اس لیے ان لائنوں پر خصوصی طور سے ٹرینوں کو چلایا گیا ہے۔ ان ٹرینوں کو چلانے کے لیے ایک ٹائم ٹیبل بھی تیار کیا گیا ہے اور اس کو تیار کرنے میں پولس اہلکاروں کی ڈیوٹی ٹائمنگ کا خاص خیال رکھا گیا ہے۔ میٹرو صبح 7.15 سے 9.15 اور شام کو بھی اسی وقت پر چلیں گی۔ اس کے ساتھ ہی بلو لائن پر دوارکا سیکٹر 21 سے میٹرو نوئیڈا الیکٹرانک سٹی تک جائے گی، اور نوئیڈا سے چلنے والی میٹرو بھی دوارکا تک جائے گی۔ حالانکہ ویشالی تک چلنے والی ٹرین یمنا بینک تک ہی چلے گی اور وہاں سے ٹرین بدل کر دوارکا جانا پڑے گا۔ کیرتی نگر اور بہادر گڑھ کے درمیان سیدھی ٹرین ملے گی لیکن منڈکا سے اندرلوک کے درمیان ٹرین بدلنی پڑے گی۔

اس طرح دیکھا جائے تو پہلے کے مقابلے میں ٹرینیں کافی کم کر دی گئی ہیں اور وقت بھی طے کر دیا گیا ہے اور اس کی وجہ یہی ہے کہ پولس اہلکاروں کی ڈیوٹی کا خیال رکھتے ہوئے ہی انھیں یہ خدمات دی جا رہی ہیں۔ 'نوبھارت ٹائمز' میں شائع رپورٹ کے مطابق میٹرو چلائے جانے سے متعلق ٹائم ٹیبل سبھی پولس اہلکاروں کو دے دیا گیا ہے تاکہ وہ اپنے شیڈول کا خیال رکھ سکیں۔ ذرائع کا کہنا ہے کہ میٹرو پولس ڈی سی پی کی طرف سے اس سلسلے میں سبھی پولس اہلکاروں کو 24 اور 25 مارچ کو ہی جانکاری دے دی گئی تھی۔ سبھی پولس اہلکاروں کو یہ مفت خدمات 14 اپریل تک دی جائیں گی۔ واضح رہے کہ ہندوستان میں لاک ڈاؤن کے لیے بھی 14 اپریل تک کی تاریخ ہی پی ایم مودی نے دی ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...