شاہین باغ مظاہرہ: خواتین کو ملی خوشخبری، مظاہرہ ہٹانے کی عرضی ہائی کورٹ سے خارج

Source: S.O. News Service | Published on 11th January 2020, 12:44 AM | ملکی خبریں | ان خبروں کو پڑھنا مت بھولئے |

نئی دہلی،10/جنوری(ایس او نیوز/ایجنسی) دہلی ہائی کورٹ نے جمعہ کے روز شہریت ترمیمی قانون (سی اے اے) کے خلاف احتجاج و مظاہرہ کر رہے مظاہرین، جن میں ایک بڑی تعداد خواتین کی شامل ہے، کو شاہین باغ سے کسی دوسرے مقام پر منتقل کرنے کی عرضی کو خارج کر دیا۔ علاوہ ازیں عرضی میں ڈی این ڈی فلائی وے سمیت تمام علاقہ میں ٹریفک کو صحیح طریقہ سے چلانے کے مقصاد سے لگائے گئے بیریکیڈس اور رکاوٹوں کو ہٹانے کا مطالبہ کیا تھا۔

اندرا گاندھی نیشنل اوپن یونیورسٹی (آئی جی این او یو) کے اسٹوڈنٹ تشار سچدیو کی طرف سے دائر کی گئی عرضی کو چیف جسٹس ڈی این پٹیل اور جسٹس ہری شنکر کی سربراہی والی بنچ نے خارج کر دیا۔

عرضی میں کہا گیا تھا، ’’لاکھوں لوگوں کو پریشانی کا سامنا کرنا پڑ رہا ہے اور یہ صورت حال لوگوں کے لئے ایمرجنسی کے مترادف ہے۔ مظاہرین نے سڑکوں کے دونوں اطراف میں بیریکیڈس اور بھاری پتھر لگا دئے ہیں اور پیدل چلنے والوں کو بھی آنے جانے نہیں دیا جا رہا ہے۔ مظاہرین نے ڈیوائڈرس اور سرکاری خزانے سمیت دیگر عوامی املاک کو بھی نقصان پہنچایا ہے۔‘‘

واضح رہے کہ شہریت ترمیمی قانون (سی اے اے) اور قومی شہریت رجسٹر (این آر سی) کے خلاف تقریباً 25 دونوں سے دہلی کے شاہین باغ میں دھرنا جاری ہے اور اس میں بڑی تعداد میں خواتین شرکت کر رہی ہیں جوکہ سردی اور بارش کے باوجود اپنے ارادوں پر ڈٹ گئی ہیں۔ خاص بات یہ ہے کہ یہ دھرنا 24 گھنٹوں جاری رہتا ہے اور خواتین یہاں باری باری سے حاضری لگا رہی ہیں۔ اس دھرنے میں بچے اور بزرگ بھی شامل ہیں۔

شاہین باغ کے احتجاج کو اب جامعہ کے طلبہ کی بھی حمایت حاصل ہو رہی ہے۔ جامعہ ملیہ اسلامیہ کے مظاہرین کا کہنا ہے کہ شاہین باغ کا مظاہرہ کمزور نہ پڑ جائے لہذا وہ روزانہ یہاں حاضری لگاتے ہیں۔

ایک نظر اس پر بھی

ذات پر مبنی مردم شماری کے لیے نتیش کمار نے پی ایم مودی کو لکھا خط

بہار کے وزیر اعلیٰ نتیش کمار نے گزشتہ دنوں کہا تھا کہ وہ ذات پر مبنی مردم شماری کے تعلق سے وزیر اعظم نریندر مودی کو خط لکھیں گے، اور اب ایسی خبریں سامنے آ رہی ہیں کہ انھوں نے نریندر مودی کو خط لکھ کر ملاقات کے لیے وقت مانگا ہے۔ ملاقات کر کے وہ وزیر اعظم کو ذات پر مبنی مردم شماری ...

جب تک ’ہم دو، ہمارے دو‘ کی حکومت ہے، نوجوانوں کو روزگار نہیں ملے گا: راہل گاندھی

یوتھ کانگریس کے ذریعہ آج منعقد پارلیمنٹ گھیراؤ پروگرام میں کانگریس کے سابق صدر راہل گاندھی نے بھی شرکت کی اور اس موقع پر انھوں نے مرکز کی مودی حکومت کو زوردار انداز میں تنقید کا نشانہ بنایا۔ پارلیمنٹ گھیراؤ پروگرام کے دوران اپنی تقریر میں راہل گاندھی نے کہا کہ ’’اس ملک ...

’پٹرول، ڈیزل اور سلنڈر، مہنگا کر کے چھپ گیا نریندر‘، یوتھ کانگریس کا مودی حکومت پر حملہ

پیگاسس، پٹرول-ڈیزل، گیس سلنڈر کی آسمان چھو رہی قیمتوں اور مہنگائی کو لے کر کانگریس لگاتار مرکزی حکومت پر حملہ آور ہے۔ اس تعلق سے جمعرات کو یوتھ کانگریس نے مرکزی حکومت کے خلاف سڑکوں پر اتر کر مظاہرہ کیا۔ یوتھ کانگریس کارکنان بڑی تعداد میں رائے سینا روڈ پر ہاتھوں میں بینر اور ...

کشمیر کی خصوصی آئینی حیثیت کی بحالی کے لیے پُرامن جدوجہد جاری: فاروق عبداللہ

 نیشنل کانفرنس کے صدر و رکن پارلیمان ڈاکٹر فاروق عبداللہ نے کہا کہ ان کی جماعت جموں و کشمیر کی خصوصی آئینی حیثیت کی بحالی کے لئے پرامن جمہوری اور قانونی جدوجہد میں مصروف ہے۔ انہوں نے یہ بات جمعرات کو یہاں پانچ اگست 2019 کی برسی کے موقع پر نیشنل کانفرنس ہیڈکوارٹرز نوائے صبح ...

پیگاسس جاسوسی: ’اگر میڈیا رپورٹوں میں صداقت ہے تو انتہائی سنگین معاملہ ہے‘ سپریم کورٹ

 سپریم کورٹ نے جمعرات کے روز پیگاسس جاسوسی معاملہ کی آزادانہ تحقیقات کرانے کی درخواست کرنے والی 9 عرضیوں پر بیک وقت سماعت کی۔ ان عرضیوں میں ایڈیٹرس گلڈ آف انڈیا اور سینئر صحافیوں این رام اور ششی کمار کی عرضیاں بھی شامل ہیں۔ عدالت عظمیٰ نے کہا کہ اگر میڈیا رپورٹوں میں صداقت ہے ...

گوکرن کے مُدگا سمندر میں بوٹ اُلٹ گئی؛ دو گھنٹوں کے آپریشن کے بعد تمام چھ ماہی گیر وں کو بچالیا گیا

   انکولہ کے  بیلیکیرے سمندر میں  ماہی گیری کرکے واپس لوٹنے کے دوران  اونچی اُٹھتی  سمندری لہروں کی زد میں آکر  بوٹ کے اُلٹ جانے سے  بوٹ پر سوارتمام   چھ ماہی گیروں کے جان کے لالے پڑ گئے تھے، مگر  دو گھنٹوں کی سخت مشقت کے بعد  دوسری بوٹ پر سوار کرکے تمام چھ ماہی گیروں کو  ...

کیرالہ میں سختی، منفی رپورٹ کے بغیر دوکان پر نہیں جا سکتے

کیرالہ کی وزیر صحت وینا جارج نے بدھ کو اسمبلی میں کہاکہ جن علاقوں میں ایک ہزار لوگوں میں سے دس سے زیادہ لوگ کورونا پازیٹیو ملیں گے ان علاقوں میں لاک ڈاون لگایا جائے گا۔محترمہ جارج نے کورونا وائرس کے موجودہ پروٹوکول میں تبدیلی کا اعلان کرتے ہوئے کہا کہ لاک ڈاون 1000کی آبادی والے ...

عمرہ زائرین کی تعداد پر کوئی پابندی نہیں:سعودی عرب

حج و عمرہ کے نائب وزیر ڈاکٹر عبدالفتاح نے اعلان کیاہے کہ اسلامی نئے سال کے دوران نئے عمرہ سیزن کیلئے حجاج کی تعداد کی کوئی حد نہیں ہے، بشرطیکہ یہ تعداد مجاز حکام کی مقرر کردہ ضروریات سے متصادم نہ ہو، اور احتیاطی تدابیر کی تعمیل ہو-

پٹنہ ائیر پورٹ پر بڑا حادثہ، ایک کی موت، ایک زخمی

بہارکی راجدھانی پٹنہ واقع ’جے پرکاش نارائن بین الاقوامی ہوائی اڈے‘ پر بدھ کو ایک الیکٹرک بس سے کچل جانے کے سبب ایک ائیر لائن ملازم کی موت ہو گئی، جب کہ حادثے میں ایک دیگر کے زخمی ہونے کی اطلاع ہے۔ مہلوک کی شناخت پرنس راج کی شکل میں ہوئی ہے جو انڈیگو ائیرلائنس کا ملازم تھا۔ اس ...

یلاپور : دو ہفتوں بعد اربیل گھاٹ پر بھاری گاڑیوں کے لئے دی گئی اجازت

دو ہفتہ قبل نیشنل ہائی وے 63 کے اربیل گھاٹ  علاقہ میں  کئی جگہ زمین کھسکنے اور ملبہ سڑک پر گرنے کی وجہ سے موٹر گاڑیوں کی آمد و رفت پر پابندی لگائی گئی تھی جس کی وجہ سے مختلف مقامات سے سامان لاد کر آنے جانے والے ٹرکس اور ایندھن کے ٹینکرس سڑک کناے لمبی قطاریں لگا کر کھڑے رہنے پر ...