نئی دہلی، 10 اگست(ایس او نیوز/آئی این ایس انڈیا)دہلی میں بی جے پی کے سابق ممبر اسمبلی منوج شوقین پر ان کی بہو نے ریپ کا الزام لگایا ہے۔بی جے پی سے 2 بار ممبر اسمبلی رہے منوج شوقین کے خلاف ان کی بہو نے پچھم وہار تھانے میں ایف آئی آر درج کروائی ہے۔الزام ہے کہ سابق ممبر اسمبلی نے 31 دسمبر 2018 اور یکم جنوری 2019 کے درمیان کی رات بندوق کی نوک پر اپنی بہو کے ساتھ ریپ کے واقعہ کو انجام دیا۔سابق ممبر اسمبلی منوج شوقین منڈکا اور نانگلوئی جاٹ سے ایم ایل اے رہے ہیں۔ایف آئی آر میں متاثرہ نے کہا ہے کہ 31 دسمبر 2018 کو ان کے خاندان کی ایک ہوٹل میں پارٹی تھی،پارٹی کے بعد وہ اپنے شوہر کے گھر گئی تو تقریبا آدھی رات کو ان کے سسر نے ریوالور کی نوک پر اس کے ساتھ بدفعلی کو انجام دیا۔متاثرہ نے ایف آئی آر میں دہلی پولیس سے انصاف کی فریاد کی ہے۔متاثرہ کی یہ ایف آئی آر دہلی پولیس نے 8 اگست 2019 کو درج کی ہے۔متاثرہ نے ایف آئی آر میں دہلی پولیس سے انصاف کی فریاد کی ہے۔متاثرہ نے کہا ہے کہ اس واقعہ سے پہلے بھی وہ اپنے سسرال والوں کے خلاف گھریلو تشدد کا مقدمہ درج کروا چکی ہے۔متاثرہ نے کہا ہے کہ گھریلو تشدد کیس کی سماعت کے دوران پروٹیکشن آفیسر نے ان سے کہا کہ آپ کے ساتھ جو کچھ بھی ہوا ہے اسے تفصیل سے بتائیں۔متاثرہ کا کہنا ہے کہ اس کے بعد ہی وہ اپنی آپ بیتی پولیس کے سامنے کہنے کی ہمت جٹا پا رہی ہے۔متاثرہ کا کہنا ہے کہ اس کا سسر اسے دھمکی دیتا تھا کہ وہ بی جے پی کا بہت بڑا لیڈر ہے اور اس کے کئی ممبران پارلیمنٹ سے تعلقات ہیں اور اس کا کوئی کچھ بگاڑ نہیں پائے گا۔ایف آئی آر کے مطابق اسی سال سات جولائی کو کرائم اگینسٹ ویمن(سی ای ڈبلیو)سیل میں میرے ماں اور باپ کو ہراساں کیا، اس سلسلے میں ساکیت پولیس اسٹیشن میں ایک معاملہ درج ہے۔بدھ کو جب میں گھریلو تشدد کیس کے سلسلے میں ساکیت کورٹ پہنچی اور میرا بیان لکھنے کے لئے پروٹیکشن افسر سے ملا، تو متعلقہ پروٹیکشن افسر نے مجھے میری اور میرے خاندان کی حفاظت کی یقین دہانی کرائی، اس کے بعد میں نے اپنے واقعہ کے بارے میں افسر اور اپنے اہل خانہ کو بتایا۔پولیس کے مطابق، شوقین کے خلاف تعزیرات ہند کی دفعہ 376 اور 506 کے تحت مقدمہ درج کیا گیا ہے۔پولیس ڈپٹی کمشنر (بیرونی) سی جو پی کرولا نے کہاکہ ہم نے معاملے کی جانچ شروع کر دی ہے اور مناسب کارروائی کی جائے گی۔