بی جے پی لیڈر سمبت پاترا کے خلاف ایف آئی آر کا حکم، کیجریوال کے فرضی ویڈیو معاملہ میں عدالتی فیصلہ

Source: S.O. News Service | Published on 24th November 2021, 11:12 AM | ملکی خبریں | ان خبروں کو پڑھنا مت بھولئے |

نئی دہلی،24؍نومبر(ایس او نیوز؍ایجنسی) دہلی کی ایک عدالت نے منگل کے روز دہلی پولیس کو حکم دیا کہ وہ بی جے پی لیڈر سمبت پاترا کے خلاف ایف آئی آر درج کرے۔ سمبت پاترا پر دہلی کے وزیر اعلیٰ اروند کیجریوال کی مبینہ فرضی ویڈیو انٹرنیٹ پر پوسٹ کرنے کا الزام ہے۔ ویڈیو میں کیجریوال زرعی قوانین کے تعلق سے بیان دے رہے ہیں۔

تیس ہزاری کورٹ کے میٹروپالیٹن مجسٹریٹ ریشبھ کپور نے عام آدمی پارٹی کی لیڈڑ آتشی کی شکایت کو قبول کرتے ہوئے تعزیرات ہند کی متعلق دفعات کے تحت بی جے پی کے ترجمان پاترا کے خلاف ایف آئی آر درج کرنے کا حکم دیا۔ آتشی نے رواں سال جنوری ماہ میں سمبت پاترا کے خلاف دہلی پولس میں شکایت کی تھی۔

معاملہ درج نہ ہونے پر عآپ نے عدالت کا رخ کیا۔ 23 نومبر کو اس تعلق سے سماعت کرتے ہوئے دہلی کے تیس ہزاری کورٹ نے سمبت پاترا پر ایف آئی آر درج کرنے کی ہدایت دی۔عرضی گزار کی جانب سے پیش ہونے والے سینئر ایڈوکیٹ رشیکیش اور محمد ارشاد نے کہا کہ ملزم نے دانستہ طور پر فرضی ویڈیو تیار کی اور اسے انٹرنیٹ پر اپلوڈ بھی کی تاکہ سماج کا ایک طبقہ ان کے خلاف ہو جائے۔

عرضی میں کہا گیا کہ چونکہ شکایت واضح طور پر سنگین جرم کی اطلاع فراہم کرتی ہے لہذا پولیس افسران کا اولین فرضہ ہے کہ وہ قانون کے مطابق ایف آئی آر درج کریں۔

خیال رہے کہ سمبت پاترا نے اپنے ٹوئٹر ہینڈل پر جو ویڈیو شیئر کی تھی اس میں اروند کیجریوال مرکزی حکومت کے تین متنازعہ زرعی قوانین کی تعریف کرتے ہوئے نظر آ رہے تھے۔ ویڈیو میں اروند کیجریوال زرعی قوانین کو 70 سال میں اٹھایا گیا انقلابی قدم قرار دے رہے تھے۔ بعد میں عآپ نے اس ویڈیو کو فرضی قرار دیا اور سمبت پاترا کے خلاف ناراضگی کا اظہار کرتے ہوئے پولیس میں شکایت پیش کی۔

ایک نظر اس پر بھی

بھیما کوریگاؤں معاملے کی ملزم سدھا بھاردواج کی مشکلات میں اضافہ، ضمانت کے خلاف سپریم کورٹ پہنچی این آئی اے

چھتیس گڑھ کی معروف سماجی کارکن اور وکیل سدھا بھاردواج کو ممبئی ہائی کورٹ کی طرف سے دی گئی ضمانت کے خلاف قومی تحقیقاتی ایجنسی (این آئی اے) نے سپریم کورٹ میں عرضی دائر کی ہے۔

قومی راجدھانی دہلی میں ’اومیکرون‘ کا خطرہ! 12 مشتبہ مریض ’ایل این جے پی‘ اسپتال میں داخل

 دہلی میں کورونا وائرس کے نئے ویرینٹ اومیکرون کا خطرہ منڈلا رہا ہے۔ خدشہ ظاہر کیا جا رہا ہے کہ کرناٹک کے بعد دہلی میں بھی اومیکرون داخل ہو چکا ہے تاہم مشتبہ افراد کی رپورٹ ابھی سامنے نہیں آئی ہے۔

بھٹکل میں’ نمَّا ناڈا اوکوٹا‘ کا تعارفی پروگرام : ملت کی سماجی وفلاحی خدمت ادارے کا اہم مقصد

ملت کے نوجوانوں کی روزگار حاصل کرنے  اور سرکاری سہولیات سےاستفادہ کرنےمیں رہنمائی اور عملی کام کرنےکا مقصد لےکر مینگلورو میں ایک سال پہلے بنیاد ڈالے گئے ’’نمَّا ناڈا وکوٹا‘‘ نامی ادارے کا تعارفی پروگرام بھٹکل کے گرین پیراڈائز میں 2نومبر 2021بروز جمعرات کی شام منعقد ہوا۔

ہندوستان میں کورونا کے 9,765 نئے کیسز، 477 اموات

گزشتہ 24 گھنٹوں کے دوران ملک بھر میں کورونا وائرس کے کل 9,765 نئے کیسز رپورٹ ہوئے ہیں۔ نیز ملک میں کووڈ متاثرین کی کل تعداد اب تک بڑھ کر 3 کروڑ 46 لاکھ 06 ہزار 541 ہو گئی ہے۔ گزشتہ 24 گھنٹوں میں ملک بھر میں کووڈ کی وجہ سے کل 477 لوگوں کی موت ہوئی ہے۔ ملک میں کووڈ سے اب تک کل 4 لاکھ 69 ہزار 724 ...