دہلی:نندنگری میں گینگ وار، آپسی رنجش میں دو بدمعاشوں کا گولی مار کر قتل
نئی دہلی، 14 جون(ایس او نیوز/آئی این ایس انڈیا) دہلی میں گینگ وار کا واقعہ سامنے آیا ہے۔نندنگری کے ہرش وہار میں دو مجرموں کو گولی مار کر قتل کر دیا گیا ہے۔مقتول کا نام کھرویش اور کاچی بتایا جا رہا ہے،دونوں مجرم ہیں اور ساتھ میں رہتے تھے،دونوں کا علاقے میں دہشت تھا۔پولیس ذرائع کے مطابق کھرویش اور کاچی پر کسی دوسرے گینگ کے بدمعاشوں نے آپسی رنجش کے سبب فائرنگ کی ہے۔کھرویش پر 2015 میں سونو چکنے کے قتل کا الزام ہے۔کھرویش ستے نام کے گینگسٹر کا ساتھی ہے۔اس سے پہلے جمعرات کی رات دہلی کے وکاس پوری علاقے میں ایک پراپرٹی ڈیلر کو گولی مار کر قتل کر دیا گیاتھا۔مقتول امت کوچر اپنی بیوی کے ساتھ وکاس پوری میں رہتے تھے۔ان سے پہلے کئی سال تک اپنا بی پی او تھا اور اب امت پراپرٹی ڈیلنگ کا کام کرتے تھے۔امت کوچر کی بیوی این سی آر میں ایک کال سینٹر میں کام کرتی ہیں۔جمعرات کی رات امت قریب 11 بجے اپنے 2 دوستوں کے ساتھ گھر میں موجود تھے۔امت کوچر اور ان کے دوستوں نے آن لائن کھانا آرڈر کیا، جس کے تھوڑی دیر بعد گھر کی گھنٹی بجی۔امت کوچر نے سوچا کہ ڈلیوری بوائے کھانا لے کر آیا ہے اور انہوں نے اپنے گھر کا دروازہ کھول دیا، تبھی کچھ بدمعاشوں نے امت کو پکڑ لیا اور گھسیٹ کر گھر سے باہر لے آئے،اس کے بعد باہر کھڑی گاڑی میں بٹھایا اور گولی مار کر قتل کر دیا۔