بھٹکل میں17اور18اگست کو ہوگا  اقلیتی تعلیمی اداروں کی ہمہ جہت ترقی اور مسائل کے حل پر دوروزہ سیمنار؛ انجمن میں ہوئی پیشگی میٹنگ میں کئی اُمور پر تبادلہ خیال

Source: S.O. News Service | By Abu Aisha | Published on 9th July 2019, 2:38 AM | ساحلی خبریں | ان خبروں کو پڑھنا مت بھولئے |

بھٹکل:8؍جولائی  (ایس اؤ نیوز) انجمن حامئی مسلمین بھٹکل کی طرف سے سال رواں میں منائےجارہے  صدسالہ جشن کی  مناسبت سے  ساحلی پٹی کے اقلیتی تعلیمی اداروں کی ہمہ جہت ترقی، طلبا و طالبات میں اعلیٰ تعلیم کا شعور، اداروں کے مختلف مسائل اور ان کے حل کے متعلق اٹھائے جانے والے اقدامات جیسے اہم نکات پر  17اور 18اگست کو دوروزہ سمینار منعقد کیا جائے گا۔ اس بات کی اطلاع انجمن کے ذمہ داران نے  دی ہے۔

سمینار  کی پیشگی تیاری کے طورپر صدر انجمن عبدالرحیم جوکاکو کی صدارت میں انجمن کے صدر دفتر شمس الدین بلاک میں بھٹکل و اطراف کے اقلیتی تعلیمی  اداروں کے ذمہ داران کے ساتھ ایک اہم نشست کا انعقاد کیا گیا جس میں تعلیمی ماحول، مہارت (اسکل ) ڈیولیپمنٹ ، وکیشنل کورسس،  ڈپلوماکورسس، اساتذہ کے لئے تربیتی کیمپ، فنڈ کی کمی ،اپاہج بچوں کے لئے خصوصی اسکول، سرکاری اردو اسکولوں کو گود لینے ، جدید زمانے کے تحت انٹرنیٹ اور ٹکنالوجی کا استعمال ،اسکول فیس ،طلبا میں تخلیقیت، لڑکیوں کے لئے ہاسٹل کا قیام، اساتذہ کی مختلف طریقے سے ہمت افزائی ، قانونی رہنمائی  اور ریاستی زبان کنڑا کو ترجیح دینے وغیرہ کے متعلق میٹنگ میں  گفتگو ہوئی ۔

انجمن صد سالہ جشن کے کنونیر مولوی عبدالرقیب ایم جے ندوی، جنہوں نے ابتدا میں  مہمانوں کا استقبال کیا تھا، آخر  میں بتایا کہ اقلیتی  تعلیمی اداروں کے مسائل اور اس کے حل کے لئے اقلیتی تعلیمی وفاق قائم کیا جائے گا اور اس  میں  تمام اداروں کو شامل کیا جائےگا۔

میٹنگ میں انجمن کے جنرل سکریٹری صدیق اسماعیل نے مختلف سوالوں کے  جوابات  دیتے ہوئے کہاکہ مائنارٹی طلبا کے لئے ہمارے پاس ہاسٹل موجود ہے، اردو میڈیم اور اردو زبان کے لئے انجمن کی طرف سے کافی سہولیات فراہم کی جارہی  ہیں اس کی ترقی و ترویج کے لئے انجمن  ہمیشہ کوشاں رہی ہے۔ اسی طرح انہوں نے اداروں کے ذمہ داران کو بتایا کہ ہمارے ہاں کئی تجربہ کار اور سنئیر اساتذہ موجود ہیں اگر ان سے دیگر ادارے استفادہ چاہتےہیں تو انجمن  اس کے تعاون کے لئے تیار ہے۔

صدر انجمن عبدالرحیم جوکاکو نے صدارتی خطاب کرتے ہوئے کہاکہ انجمن کا بنیاد ی مقصد تعلیم اور صرف تعلم ہے، مگر اس کے ساتھ ہم چاہتے ہیں کہ اپنے ملی اداروں کے ساتھ انجمن کے بہتر روابط اور تعلقات قائم کرتےہوئے انہیں ایک پلیٹ فارم پر لایاجائے۔ ہمارے تجربے ان کے ساتھ شئیر کئے جائیں ، اسی سلسلےمیں یہ دو روزہ سیمنار منعقد کیا جارہاہے۔ جناب عبدالرحیم کے مطابق  مسلمان تعلیم کو لے کر احساس کمتری میں مبتلا ہیں، ان کے مطابق ہمارے ہاں  بھی معیاری تعلیم دی جاتی   ہے ۔ جناب عبدالرحیم نے بتایا کہ تعلیمی اداروں کے لئے فنڈ کا مسئلہ بہت اہم ہوتاہے اس کو حل کرنےکے سلسلےمیں بھی غور کیاجائے گا۔

وڈیو کانفرنس کے ذریعے دبئی سے  میٹنگ میں شریک ہوتے ہوئے  قائد قوم ڈاکٹر ایس ایم  سید خلیل الرحمن  نے  کہاکہ  ہمیں ہماری تعلیم کو معیاری بنانے کی طرف توجہ دینے کی ضرورت ہے، اسی طرح  ڈراپ آوٹ بچوں کو دوبارہ تعلیم گاہوں  کی طرف لانا اور ٹیکنالوجی کو عملی طورپر استعمال کرنے کی طرف توجہ دینا ضروری ہے۔ انجمن انجنئیرنگ کالج بھٹکل کے پرنسپال ڈاکٹر مشتاق بھاوی کٹی نے  پروجکٹر کے ذریعے کانفرنس کی تفصیلات پیش کیں۔ انجمن کے ایڈیشنل جنرل سکریٹری اسحاق شاہ بندری نے آخر میں شکریہ ادا کیا۔

میٹنگ میں انجمن کے عہدیداران ،ذمہ داران کے ساتھ ساتھ دیگر تعلیمی اداروں کے ذمہ داران بالخصوص  مولاناعبیداللہ کندلوری ندوی، محمد اسماعیل محتشم ، انجنئیر حافظ قاضی نذیر احمد ، مولانا طلحہ رکن الدین ندوی، ڈاکٹر  امین الدین گوڈا وغیرہ بھی موجود تھے۔  کمٹہ اور  سرسی وغیرہ سے بھی تعلیمی اداروں کے ذمہ داران  نے میٹنگ میں شریک ہوکر اپنی قیمتی آراء سے بحث میں حصہ لیا۔

ایک نظر اس پر بھی

کاروار میں قائم ہوئی بچوں کے لئے ’چائلڈ فرینڈلی‘ خصوصی عدالت؛ کرناٹکا ہائی کورٹ جسٹس بی اے پاٹل کے ہاتھوں افتتاح

بچوں کے ساتھ ہوئے جنسی ہراسانی اور عصمت دری کے مقدمات پوکسو قانون کے تحت نپٹانے کے لئے ریاست کی تیسری ’چائلڈ فرینڈلی‘ خصوصی عدالت کاروار میں قائم کی گئی۔اس کا افتتاح کرناٹکا ہائی کورٹ کے جسٹس بی اے پاٹل کے ہاتھوں عمل میں آیا۔

کاروار میں ماہی گیروں کا احتجاج ہوا ختم۔ سپریم کورٹ کے وکیل نے کی ساحل سمندر کو بچانے کے لئے متحد ہونے کی اپیل

ساگر مالا منصوبے کے تحت کاروار تجارتی بندرگاہ کی دوسرے مرحلے کی توسیع اور ٹیگور ساحل پرسمندری موجوں کو روکنے والی دیوار تعمیر کیے جانے کے خلاف مقامی ماہی گیروں اور عوام نے جو احتجاج اور دھرنا شروع رکھا تھا، سنیچر کے دن اس کو ختم کردیا گیا کیونکہ ہائی کورٹ سے تعمیری کام پر ...

کاروار میں 71ویں یومِ جمہوریہ کا جشن : ضلع انچارج وزیر کے ہاتھوں پرچم کشائی ، کہا؛ دستور کی وجہ سے ہی ہرایک شہری کو مساوی حق حاصل ہے

ڈاکٹر بی آر امبیڈکر کی قیادت میں تشکیل دئیے گئے دستور کی وجہ سے ہی ایک عام آدمی سمیت خواتین وغیرہ سیاست وغیرہ میں شریک ہوکر اعلیٰ مقام حاصل کرنا ممکن ہونے کا وزیر برائے خواتین اور ضلع نگراں کار وزیر ششی کلا جولے نے خیال ظاہر کیا۔

بھٹکل میں یوم ِ جمہوریہ کی خوب صورت تقریب : بھارتی دستور کی وجہ سے ہی شہری راجابنے ہیں : اسسٹنٹ کمشنر ساجد ملا کا خطاب

تعلقہ انتظامیہ، تعلقہ پنچایت ، بھٹکل میونسپالٹی اور پٹن پنچایت جالی کے اشتراک سے نوائط کالونی میں واقع تعلقہ کھیل میدان میں26جنوری 2020بروز اتوار کو  71واں یومِ جمہوریہ کا جشن بھٹکل اسسٹنٹ کمشنر ساجد ملا کی پرچم کشائی کے ذریعے  دھوم دھام سے منایاگیا ۔

یوم جمہوریہ کے موقع پر پس مرگ پدما وبھوشن ایوارڈ پانے والوں میں شامل ہیں اڈپی پیجاورمٹھ سوامی اور جارج فرنانڈیز

یوم جمہوریہ کے موقع پر مرکزی حکومت کی طرف سے مختلف شعبہ ہائے زندگی میں نمایاں خدمات انجام دینے والی شخصیات کو پدما بھوشن اور پدماوبھوشن جیسے اعزازات سے نوازا جاتا ہے۔ امسال جن شخصیات کو پس مرگ پدماوبھوشن ایوارڈ سے نوازا گیا ہے اس میں پیجاور مٹھ کے سوامی اور سابق مرکزی وزیر ...

کاروار میں قائم ہوئی بچوں کے لئے ’چائلڈ فرینڈلی‘ خصوصی عدالت؛ کرناٹکا ہائی کورٹ جسٹس بی اے پاٹل کے ہاتھوں افتتاح

بچوں کے ساتھ ہوئے جنسی ہراسانی اور عصمت دری کے مقدمات پوکسو قانون کے تحت نپٹانے کے لئے ریاست کی تیسری ’چائلڈ فرینڈلی‘ خصوصی عدالت کاروار میں قائم کی گئی۔اس کا افتتاح کرناٹکا ہائی کورٹ کے جسٹس بی اے پاٹل کے ہاتھوں عمل میں آیا۔

جماعت اسلامی ہند بیدر کی جانب سے پروگرام ''مکی حالات اور موجودہ حالات۔ تقابل اور لائحہ عمل'' کا انعقاد

تاریخ اسلام کا مطالعہ کریں تو اللہ کے رسول صلی اللہ علیہ وسلم کے مکی دور میں دو اہم چیزیں نمایاں طور پر پر دیکھنے کو ملتی ہیں، پہلی چیز دعوت اور دوسری چیز صبرواستقلال ہے، جو ایک دوسرے سے مربوط ہے۔ مکی دور میں جس وقت رسول صلی اللہ علیہ وسلم  نے اپنی نبوت کا اعلان کیا تھا اس سے قبل ...

بھٹکل میں یوم ِ جمہوریہ کی خوب صورت تقریب : بھارتی دستور کی وجہ سے ہی شہری راجابنے ہیں : اسسٹنٹ کمشنر ساجد ملا کا خطاب

تعلقہ انتظامیہ، تعلقہ پنچایت ، بھٹکل میونسپالٹی اور پٹن پنچایت جالی کے اشتراک سے نوائط کالونی میں واقع تعلقہ کھیل میدان میں26جنوری 2020بروز اتوار کو  71واں یومِ جمہوریہ کا جشن بھٹکل اسسٹنٹ کمشنر ساجد ملا کی پرچم کشائی کے ذریعے  دھوم دھام سے منایاگیا ۔

دہلی کے راج پتھ پر دھوم دھام سے71 واں جشن یوم جمہوریہ منایا گیا دنیانے فوج کی طاقت، ہندوستان کی شان و شوکت اور ثقافتی ورثے کا کیا مشاہدہ

صدر رام ناتھ کووندنے اتوار کو 71 ویں یوم جمہوریہ کے موقع پر راج پتھ پرسلامی لی۔لیفٹیننٹ جنرل مستری، جنرل آفیسرکمانڈنگ، ہیڈکوارٹر دہلی ایریا کی طرف سے اس سال یوم جمہوریہ کی پریڈ کی قیادت کی گئی۔ اس دوران راج پتھ پر سخت سیکورٹی کے درمیان ملک کے وزیر اعظم نریندر مودی، مہمان خصوصی ...

تلنگانہ میں بھی شہریت قانون کے خلاف اسمبلی میں تجویز لانے پر کیا جارہا ہے غور؛ وزیراعلیٰ نے  کہا ضرورت پڑی تو تاریخی اجلاس عام بھی کریں گے

شہریت ترمیم قانون (سی اے اے) پارلیمنٹ سے پاس ہونے کے بعد تنازعہ رکنے کا نام نہیں لے رہا ہے۔کیرلا، پنجاب اور راجستھان میں اس قانون کے خلاف اسمبلی میں تجویز  پاس ہو چکی ہے۔اس کڑی میں اب نئی ریاست تلنگانہ کا بھی شمار ہونے والا ہے۔

بیدر میں 71ویں جشن یومِ جمہوریہ کے موقع پر پولس گراونڈ میں ضلع انچارج منسٹر پربھو چوہان  کے ہاتھوں پرچم کشائی ؛ آٹونگر سمیت کئی علاقوں میں بھی منعقد کی گئی تقریب

آج پولیس پریڈگراؤنڈ پر بیدر ضلع کا مرکزی جشن یومِ جمہوریہ ہند پروگرام کا انعقادعمل میں آیا۔بیدر ضلع انچارج منسٹر مسٹر پربھو چوہان  نے پرچم کشائی کی رسم انجام دینے کے بعد پولیس جوانوں سے سلامی لی۔