آئی پی ایل 2020: سن رائزرس حیدرآباد شان سے پہنچا پلے آف میں، ممبئی انڈینس کو دی شکست

Source: S.O. News Service | Published on 3rd November 2020, 11:45 PM | اسپورٹس |

شارجہ،3؍نومبر(ایس او نیوز؍ایجنسی) شارجہ میں کھیلے گئے انڈین پریمیر لیگ (آئی پی ایل) 2020 کے 56 ویں میچ میں سن رائزرس حیدرآباد نے منگل کو ممبئی انڈینس کو دس وکٹوں سے شکست دے کر پلے آف میں شان سے قدم رکھا۔ ممبئی انڈینس نے جیت کے لئے 150 رنز کا ہدف دیا تھا جسے حیدرآباد نے آسانی سے 17.1 اوورز میں حاصل کرلیا۔ کپتان ڈیوڈ وارنر اور ساہا نے پہلی وکٹ کے لئے 103 گیندوں میں 151 رنز کی ناقابل شکست شراکت کی اور ممبئی کے ہدف کو انہوں نے بونا ثابت کر دیا۔ حیدرآباد کے پاس یہ میچ جیتنے کے لئے 14 پوائنٹس ہیں اور انہوں نے نیٹ رن ریٹ کی بنیاد پر کولکتہ کو شکست دے کر پلے آف میں جگہ بنالی ہے۔ حالانکہ کولکتہ کے بھی 14 پوائنٹس تھے۔

ممبئی نے مقررہ 20 اوورز میں اپنی آٹھ وکٹوں کے نقصان پر 149 رنز بنائے تھے۔ ممبئی کے لئے کیرون پولارڈ نے 25 گیندوں میں 41 رنز بنائے۔ اس کے علاوہ کوئٹن ڈیک نے 25، سوریا کمار یادو نے 36 اور ایشان کشن نے بھی 33 رنز کی شراکت کی۔ اسی کے ساتھ ہی حیدرآباد کے لئے سندیپ شرما نے اپنے چار اوورز میں 34 رن دے کر تین وکٹیں حاصل کیں، جبکہ جیسن ہولڈر اور شہباز ندیم نے دو اور راشد خان نے ایک وکٹ حاصل کی۔

آج کے میچ میں دونوں ٹیموں نے کچھ ردو بدل کی تھی، حیدرآباد کی ٹیم میں ابھیشیک شرما کی جگہ پریم گرگ کو ٹیم میں شامل کیا گیا تھا۔ وہیں ممبئی نے ٹرینٹ بولٹ اور جسپریت بمراہ کو آرام دیتے ہوئے جیمز پیٹنسن اور دھول کلکرنی کو میدان میں اتارا تھا۔ جبکہ روہت شرما نے جینت یادو کی جگہ لی تھی، روہت شرما کو چوٹ کی وجہ سے آخری چند میچوں سے باہر کر دیا گیا تھا۔ انجری کے سبب وہ آسٹریلیا دورہ کے لئے ہندوستانی ٹیم میں بھی منتخب نہیں ہوئے ہیں۔

ایک نظر اس پر بھی

پہلے ٹی-20 مقابلے میں جنوبی افریقہ پر ہندوستان کی 8 وکٹوں سے جیت

ارشدیپ سنگھ (32/3) سنگھ کی مہلک گیندبازی کے بعد سوریہ کمار یادو (50 ناٹ آؤٹ) اور لوکیش راہل (51 ناٹ آؤٹ) کی نصف سنچریوں کی بدولت ہندوستان نے بدھ کے روز پہلے ٹی- 20 میچ میں جنوبی افریقہ کو آٹھ وکٹ سے شکست دے دی۔ جنوبی افریقہ نے ہندوستان کے سامنے 20 اوورز میں 107 رنز کا ہدف رکھا تھا جسے ٹیم ...

ہندوستان نے آسٹریلیا کو 6 وکٹوں سے شکست دے کر سیریز 2-1 سے جیت لی

 ہندوستان نے سوریہ کمار یادو (69) اور ویراٹ کوہلی (63) کی مضبوط نصف سنچریوں کے بعد ہاردک پانڈیا (ناٹ آؤٹ 25) کی دھماکہ خیز اننگز کی بدولت اتوار کے روز تیسرے ٹی- ٹوئنٹی میں آسٹریلیا کو چھ وکٹوں سے شکست دے کر سیریز 2-1 سے جیت لی۔ آسٹریلیا نے ہندوستان کو 187 رنز کا ہدف دیا تھا جسے ٹیم انڈیا ...

ٹی-20 سیریز: آسٹریلیا نے ہندوستان کو4 وکٹوں سے شکست دی

  آسٹریلیا نے کیمرون گرین (61) اور میتھیو ویڈ (46 ناٹ آؤٹ) کی دھماکہ خیز نصف سنچریوں کی بدولت منگل کو پہلے ٹی 20 میچ میں ہندوستان کو چار وکٹ سے شکست دے دی۔ ہندستان نے پہلے بلے بازی کرتے ہوئے 20 اوور میں 208 رن بنائے تھے جسے آسٹریلیا نے چار گیندیں باقی رہتے حاصل کر لیا۔

چھٹی بار سری لنکا کے سر سجا ایشیا کپ کاتاج، پاکستان کو 23 رن سے دی شکست

سری  لنکا کے بھانوکا راجا پکسے (71 ناٹ آؤٹ) اور پرمود مدوشن (چار وکٹ) کی شاندار گیند بازی کی بدولت سری لنکا نے ایشیا کپ کے فائنل میں پاکستان کو 23 رن سے شکست دی۔ سری لنکا نے پہلے بیٹنگ کرتے ہوئے مقررہ 20 اوورز میں 170 رن بنائے تھے جس کے جواب میں پاکستان 147 رن پر آل آؤٹ ہو گیا۔

بنگلہ دیشی کرکٹر مشفق الرحیم کا ٹی-20 کرکٹ سے ریٹائرمنٹ کا اعلان

 بنگلہ دیش کے سابق کپتان اور تجربہ کار وکٹ کیپر بلے باز مشفق الرحیم نے اتوار کو ٹی 20 انٹرنیشنل کرکٹ سے ریٹائرمنٹ کا اعلان کر دیا۔ مشفق نے کہا کہ وہ ٹیسٹ اور ون ڈے کرکٹ پر توجہ دینا چاہتے ہیں۔ اس کے علاوہ وہ فرنچائزی ٹی ٹوئنٹی کرکٹ کے لیے بھی دستیاب ہوں گے۔

ایشا کپ سپر 4: سری لنکا نے افغانستان کو4 وکٹوں سے شکست دے دی

کوشل مینڈس (36) اور دانوشکا گنٹیلکا (33) کی شاندار اننگز کی بدولت سری لنکا نے ایشیا کپ 2022 میں افغانستان کو چار وکٹ سے شکست دے دی۔افغانستان نے سری لنکا کو 20 اوورز میں 176 رنز کا ہدف دیا تھا جو اس نے پانچ گیندوں کے باقی رہتے ہوئے حاصل کر لیا اور سپر 4 کا پہلا میچ جیت لیا۔