حوثیوں کو دہشت گرد قرار دینا ایرانی توسیع پسندانہ ایجنڈے میں رکاوٹ بنا: یمن

Source: S.O. News Service | Published on 26th January 2021, 8:28 PM | عالمی خبریں |

یمن ، 26جنوری (آئی این ایس انڈیا) یمن کی آئینی حکومت کے وزیراعظم معین عبدالملک نے کہا ہے کہ امریکی انتظامیہ کی طرف سے حوثی ملیشیا کو دہشت گرد تنظیم قرار دینے کے نتیجے میں خطے میں ایرانی توسیع پسندی کے سامنے ایک بڑی رکاوٹ کھڑی ہوئی ہے۔ انہوں ‌نے یورپی یونین سے بھی حوثی ملیشیا کو دہشت گرد تنظیم قرار دینے کا مطالبہ کیا۔

یورپی سفیروں کے ساتھ ورچوئل کانفرنس میں بات کرتے ہوئے یمنی وزیراعظم کا کہنا تھا کہ حوثی باغیوں کو ان کی سیاسی سرگرمیوں کی وجہ سےتحفظ فراہم کرنے کا کوئی جواز نہیں۔ اب وقت آگیا ہے کہ یورپی یونین اور عالمی برادری حوثیوں پرپابندیاں عاید کرکے ایرانی ایجنڈے کو روکے اور یمنی عوام کی مشکلات ختم کرنے میں مدد کرے۔

انہوں نے کہا کہ یمنی حکومت حوثیوں کو دہشت گرد قرار دینے سے یمن میں جاری امدادی کارروائیوں کو متاثر نہیں ہونے دیا جائے گا۔ یمن کے جنگ زدہ عوام کی مدد جاری رکھنے کےلیے مختلف طریقہ کار کی ضمانت دی جائےگی۔

معین عبدالملک کا کہنا تھا کہ بعض لوگوں کا خیال ہے کہ حوثیوں کو دہشت گرد تنظیم قرار دینے سے یمن میں انسانی اور امدادی سرگرمیاں متاثر ہوں گی۔ ہم اس نقطہ نظر کو سمجھتے ہیں اور اس کے حل کے لیے واضح ویژن رکھتے ہیں۔ ہم یمنی عوام کی مشکلات کم کرنے کے لیے بین الاقوامی برادری اور عرب ممالک کے ساتھ مل کر کام جاری رکھیں گے۔

یمنی وزیراعظم معین عبدالملک اور یورپی سفیروں کے درمیان ہونے والی اس ملاقات میں یمن کی موجودہ صورت حال، امریکا کی طرف سے حوثیوں کو دہشت گرد تنظیم قرار دینے کے بعد پیدا ہونے والی صورت حال، حوثیوں کو دہشت گردی کی فہرست میں شامل کرنے کے بعد یمن میں امدادی کارروائیوں کے تسلسل کے لیے حکومتی اقدامات، عدن ہوائی اڈے پر گذشتہ ماہ ہونے والے دہشت گردانہ حملے کی تحقیقات، یمن کی نئی کابینہ اور یمن میں یورپی یونین کی طرف سے جاری انسانی اور امدادی سرگرمیوں کے بارے میں بات چیت کی گئی۔

انہوں نے کہا کہ عدن ہوائی اڈے پر حکومتی وفد پر ہونے والے حملے کی تحقیقات سے ثابت ہوا ہے کہ اس حملے کے پیچھے ایران کا ہاتھ ہے۔ ایران یمن کی آئینی حکومت کے ختم کرنا اور یمن میں امن اور استحکام کے تمام مواقع تباہ کرنا چاہتا ہے۔ امریکا کی طرف سے حوثی باغیوں کو دہشت گرد تنظیم قرار دینے سے یمن اور پورے خطے میں ایرانی توسیع پسندانہ عزائم پرمبنی مکروہ ایجنڈے کی راہ میں ایک بڑی رکاوٹ کھڑی کی گئی ہے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...