کرناٹک میں ایس ایس ایل سی اورپی یوسی امتحانات منسوخ ہوں گے یانہیں،فیصلہ عنقریب:سریش کمار
بنگلورو،2؍ جون(ایس او نیوز)کوروناوائرس کی تیسری لہرکے خدشات کے پیش نظرمرکزی حکومت نے سی بی ایس ای 12ویں کے بورڈ امتحانات کومنسوخ کردیاگیاہے۔
اس درمیان ریاست میں یہ خبرگردش کرنے لگی ہے کہ کرناٹک میں ہونے والے پی یوسی سال دوم (12ویں جماعت)کے امتحانات بھی منسوخ ہوں گے۔
مرکزی حکومت کی جانب سے کئے گئے فیصلہ کے بعد ریاستی عوام کی نظریں اب ایڈی یورپاحکومت پرلگی ہوئی ہیں کہ ریاست میں ایس ایس ایل سی (10ویں)اورپی یوسی سال دوم کے امتحانات کے تعلق سے کیافیصلہ کیاجائے گا۔
اس ضمن میں ریاستی وزیربرائے بنیادی وثانوی تعلیم ایس سریش کمارنے ردعمل ظاہرکرتے ہوئے کہاکہ ریاست میں ایس ایس ایل سی اورپی یوسی سال دوم کے امتحانات منعقدکرناہے یانہیں اس بارے میں بہت جلدفیصلہ کیاجانے والاہے۔
ریاستی نصابی تعلیم کے مطابق پڑھ رہے طلبہ کی تعلیمی کارکردگی،پیش رفت ودیگرحالات کوپیش نظررکھتے ہوئے فیصلہ کیاجائے گا۔اس فیصلہ کے وقت بچوں کے تعلیمی مستقبل کومدنظررکھاجائے گا۔
وزیراعظم نریندرمودی کی زیرقیادت ہوئے اجلا س میں نہایت اہم افیصلہ کرتے ہوئے سی بی ایس ای کے 12ویں بورڈامتحانات منسوخ کرنے کافیصلہ کیاگیاہے۔ یعنی اس سال سنٹر ل بورڈ نصاب کے امتحانات نہیں ہوں گے۔
