بیجنگ،21/فروری(ایس او نیوز/یواین آئی)چین میں کورونا وائرس سے مزید 108 افراد ہلاک ہوگئے جس کے بعد وائرس سے مرنے والوں کی تعداد 2118 ہو گئی ہے۔ چین میں متاثرہ افراد کی تعداد 74 ہزار سے زیادہ ہوگئی۔
زشتہ24گھنٹوں کے دوران تقریباً 349لوگوں میں یہ وائرس پایا گیاہے۔چین میں اب تک کل 74576اس کی زد میں آچکے ہیں۔اس وبا سے شفایاب 10337افرد کو چھٹی دی جاچکی ہے۔چینی حکام کے مطابق چین میں کورونا وائرس سے متاثرہ افراد میں پیرا میڈیکل اسٹاف بھی شامل ہے۔ چین میں ڈاکٹرز اور نرسوں کو بھی مریضوں کے علاج میں مشکلات کا سامنا ہے۔اطلاعات ہیں کہ کورونا وائرس سے ایران میں بھی 2لوگ فوت ہوچکے ہیں جبکہ تائیوان، فلپائن، ہانگ کانگ، جاپان اور فرانس میں 5 افراد کی موت ہوچکی ہے، دیگر کئی ملکوں میں متعدد افراد بیماری میں مبتلا ہیں۔چین کے شہر شنگھائی میں کورونا وائرس کے علاج کے لیے پلازمہ تھیراپی کا آزمائشی استعمال کیا جارہا ہے، عالمی ادارہ صحت نے پلازمہ تھیراپی کو بہت درست قرار دیا ہے۔عالمی ادارہئ صحت کا کہنا ہے کہ کورونا وائرس کے خلاف طریق علاج کے سلسلہ میں پلازمہ تھیراپی ایک اہم دریافت ہے۔
شنگھائی پبلک ہیلتھ کلینک کے مطابق پلازمہ تھیراپی کو جانچنے کے لیے اسپیشل کلینک بنائے گئے ہیں، جبکہ تھیراپی کے لیے کورونا وائرس سے صحتیاب مریضوں کو منتخب کیا جا رہا ہے جو طریق کار کے لئے خون دینے پر رضا مند ہیں، پلازمہ تھیراپی کے ابتدائی نتائج حوصلہ افزا ہیں۔