گوکرن میں بنگلورو کے تین سیاح سمندر میں ڈوب کر ہلاک
کمٹہ:21؍جنوری (ایس اؤ نیوز)تعلقہ کے مشہورسیاحتی مقام گوکرن میں بنگلور کے تین سیاح سمندر میں غرق ہوکر ہلاک ہوگئے، حادثہ جمعرات دوپہر کو پیش آیا۔
ذرائع سے ملی اطلاع کے مطابق بنگلورو کے ہیبوگوڑی سے 16لوگ بدھ کے روز گوکرن کی سیاحت کے لئے آئے تھے۔ آج جمعرات صبح مندر میں پوجا کے بعد گوکرن کے مین بیچ پر تفریح کے لئے گئے۔ سبھی مسافر بیک وقت سمندر میں کھیل رہے تھے اسی دوران پانچ مسافر موجوں کی چپیٹ میں آکر سمندر میں غرق ہونے لگے۔موقع پر موجود مقامی لوگوں نے پانچوں لوگوں کو کھینچ کر ساحل پر بچا لائے مگر ان میں سے تین لوگ دم توڑ چکے تھے۔مرنے والوں میں ایک خاتون بھی شامل ہے۔
مہلوکین کی شناخت سُما سدراجو (21)، تپیش نایک(20) اور روی (35) کی حیثیت سے کی گئی ہے ۔ موصولہ اطلاعات کے مطابق یہ تینوں بنگلورو کے ایک گارمنٹس میں کام کرتے تھے۔ گوکرن پولس تھانےمیں معاملےکو لےکر کیس درج ہواہے۔