کمٹہ:22؍جنوری(ایس اؤ نیوز)ضلع ڈپٹی کمشنر، اسسٹنٹ کمشنر ، تحصیلدار مہینے میں ایک بار ایک دیہات کا دورہ کرتےہوئے وہاں کے مسائل کی جانکاری حاصل کرتےہوئے حل کی کوشش کریں۔ اسی مقصد کو لےکر ’ڈی سی افسران دیہات چلو ‘ پروگرام شروع کرنے کا وزیر برائے تحصیل ، شہری انتظامیہ آر ، اشوک نے اعلان کیا۔

وہ یہاں کمٹہ میں منی ودھان سبھا کے افتتاحی پروگرام میں شریک ہوکر خطاب کررہے تھے۔ انہوں نے کہاکہ ہر ماہ ڈی سی ، اے سی اور تحصیلدار کسی ایک گرام پنچایت کا دورہ کرتے ہوئے صبح 11بجے وہاں پہنچیں۔ شام 5بجے تک وہاں رہ کر دیہی مسائل کا جائزہ لیں، دلتوں، کسانوں کے گھروں میں کھانا کھائیں ،یہ پروگرام پوری ریاست میں جاری کرنے کی بات کہی۔ اس کے علاوہ اسکول، آنگن واڑی سمیت سرکاری دفاتر میں بزرگ پنشن ، کھاتا مسئلہ ، کسانوں کے مسائل کا بھی معائنہ کریں ۔اترکنڑا ڈی سی کے اکاؤنٹ میں 50کروڑ روپئے سیلاب متاثرین معاوضہ کی رقم ہے، اس سے ان کے گھروں کی تعمیر کرنے کی بات کہی۔

کمٹہ کے رکن اسمبلی دینکر شٹی نے بات کرتے ہوئے کہاکہ ہمارے ہاں لوگ ڈھائی تین گنٹے میں رہائش اختیار کئے ہوئے ہیں لیکن ای ۔ جائیداد بھوت کی وجہ سے سب کچھ برباد ہوگیا ہے، یہ ایک بڑا مسئلہ بن گیا ہے ، اس کا حل نکالنےکا وزیر سے مطالبہ کیا۔ پروگرام میں سرکاری کالج کے 409طلبا میں علامتی طورپر لیاپ ٹیاپ کی تقسیم کی گئی ۔ پروگرام میں بھٹکل کے رکن اسمبلی سنیل نائک، کاروار کی ایم ایل اے روپالی نائک، ڈی سی ڈاکٹر کے ہریش کمار، سی ای اؤ محمد روشن  سمیت کئی لوگ موجود تھے۔