ڈانڈیلی:25؍مارچ (ایس او نیوز)ڈانڈیلی کی صادقہ انجم بدرالزماں  ڈاونگیرہ نے  یو بی ڈی ٹی کالج آف انجنئیرنگ میں تعلیم حاصل کرتے ہوئے کرناٹک کے  وشویشوریا ٹیکنکل یونیورسٹی بلگام کی طرف سے منعقدہ ایم ٹیک امتحانات میں یونیورسٹی پر دوسرا اور کالج کی سطح پرپہلا رینک حاصل کرنے میں کامیاب ہوگئی ہیں، ان کی اس شاندار کامیابی پرضلع کے اُردو داں طبقہ   میں خوشی ومسرت کی لہر دوڑگئی  ہے۔

ڈانڈیلی کی مکین صادقہ انجم  اردو میڈیم میں ایس ایس ایل سی  کے امتحانات میں امتیازی  نمبرات سے کامیاب ہونے پر  گولڈ میڈل سے نوازاگیا تھا۔ ہلیال انجنئیرنگ کالج میں  تعلیم کے دوران آخری سال بھی یونیورسٹی کی سطح پر انہوں نے  دوسرا رینک حاصل کیا تھا۔ کالج میں صادقہ انجم  نے ’پلس اینڈ پیپر انڈسٹرئیل ویسٹ واٹر ٹریئٹمنٹ یوزنگ موڈیفائز ایکسٹرنل منبرین بیورئیکٹر ‘ کے عنوان پر پیش کئے گئے پروجکٹ کو ریاستی سطح پر ایوارڈ سےنوازاگیا تھا۔ صادقہ انجم ڈانڈیلی  اردو ہائی اسکول کی صدرمدر سہ بدرالزماں کی دختر ہیں۔