ڈانڈیلی:5؍اگست (ایس اؤ نیوز)کورونا کی تیسری لہر کے خطرے کو دیکھتےہوئے تعلقہ کے برچھی چیک پوسٹ  اور ہالمڈی سمیت ڈانڈیلی کے سرحدی علاقوں پر تعلقہ انتظامیہ اور شہری انتظامیہ کی طرف سے کڑے اقدامات کئے گئے ہیں۔

تحصیلدار شئیلیش پرمانند اور میونسپل کمشنر راجارام پوار  اور  میڈیکل آفیسر ڈاکٹر راجیش پرساد پولس عملےکے ساتھ جائے وقوع پر پہنچ کر معائنہ کیا اور چیک پوسٹ پر بیرونی ریاستوں سے آنے والے مسافروں کی خود جانچ کی، جن کی رپورٹ نگیٹیو تھی انہیں داخل ہونے دیا گیا البتہ جن کے پاس رپورٹ نہیں تھی ان کا وہیں پر تھوک کا سیمپل لیا گیا۔ اسی طرح کووڈ گائیڈ لائنس کی خلاف ورزی کرنےوالوں پر جرمانہ بھی عائد کیا گیا۔

دھارواڑ ہلیال روڈ پر واقع ہالمڈی کے قریب پہنچ کر بھی  افسران  نے  خود جانچ کی۔ اس دوران چند مسافروں کے  لفظی جھڑپ  بھی ہوئی ، مگر افسران نے سختی کے ساتھ قوانین پر عمل آوری کو یقینی بنایا۔ کورونا کی تیسری لہر کو روکنے کےلئے افسران سخت انتظامات کئے ہوئے ہیں۔