ڈانڈیلی :18؍جنوری (ایس او نیوز) گوا اور ڈانڈیلی میں بائکس کی چوری کے بعدفرار ہوئے  چوروں کو گرفتار کرکے چوری شدہ بائکس کو دوبارہ حاصل کرنے میں ڈانڈیلی کی شہری پولس کامیاب ہوئی ہے۔

چوروں نے شہر کے جے این سڑک  کےلنک روڈ کراس پر کھڑی کی گئیں بائکس کو لےکر فرار ہوئے تھے۔ معاملے کو لے کر شہری پولس تھانے میں کیس درج ہواتھا۔ معاملے کی چھان بین میں جٹی پولس گوا سے تعلق رکھنے والے ڈانڈیلی کے قریب والی آشریہ کالونی کے مکین پرانچی بھاسکر ایٹی(27)، آندھرا پردیش کے فی الحال گوا میں مقیم رامانجونیا گنگپا بنکل کو گرفتار کرکے عدالت میں پیش کیا ہے۔ ملزمان سے ڈانڈیلی میں چوری ہوئی  ہیرو ہونڈا فیشن اور گوا میں چور ی کردہ ہونڈاایکٹیوا، ہونڈا ڈیو، ہیرو پلیجر بائکس کو پولس نے ضبط کرلیا ہے۔ ڈی وائی ایس پی موہن پرساد کی رہنمائی میں سی پی آئی انیس مجاور کی قیادت میں کی گئی کارروائی میں شہری تھانہ پی ایس آئی امیش پاؤسکر، اےایس آئی اشرف، ایم بلگار، اسماعیل ، پرشنت نائک، بہوکانت نائک، بھیمپا وغیرہ شریک تھے۔