منگلورو:28؍اپریل(ایس اؤ نیوز)دکشن کنڑا  میں 47سالہ خاتون میں کورونا وائرس کی تصدیق ہوتے ہی ضلع میں کوروناسے مصدقہ متاثرین کی تعداد 19ہوگئی  ہے۔ جن میں سے 12صحت یاب ہوچکے ہیں تو 2کی موت ہوئی ہے۔ بقیہ 5لوگ وینلاک اسپتال میں زیر علاج ہیں۔

کورونا وائرس کی مصدقہ متاثرہ کا تعلق بنٹوال تعلقہ نریکومبو دیہات کے نائل نامی مضاف کی مکین ہے۔ متعلقہ خاتون پڈیل کے قریب والے ایک اسپتال میں خدمات انجام دیتی ہیں۔  ڈپٹی کمشنر نے پریس ریلیز میں جانکاری دی ہے کہ  23اپریل کو کورونا سے ہلاک ہونے والی 75سالہ خاتون سے تعلق پیدا ہونے  کی بنیاد پر خاتون عملہ کو کورونا سے متاثر ہوئی ہے۔

نائل اور اسپتال سیل ڈاؤن :مہلوک خاتون کو فالج ہونے کی بنا پر پڈیل کے پرائیویٹ اسپتال میں 18سے 21اپریل تک علاج کیاگیا تھا۔ اسی اسپتال میں صفائی کا کام انجام دینے والی نریکومبو دیہات کے نائل کی خاتون عملہ  کو کروناہواہے۔ جنہیں منگلورو کے کووڈ اسپتال میں داخل کرتےہوئے علاج کیا جا رہا ہے۔ مہلوکہ کو  کورونا کی تصدیق ہوتے ہی پڈیل اسپتال کو سیل ڈاؤن کیاگیا ہے اور اسپتال کے عملے ڈاکٹر، نرس وغیرہ کو کوارنٹائن میں رکھا گیا ہے۔ انہی میں سے ایک خاتون عملہ کو کورونا وائرس کی تصدیق ہوئی ہے۔ خاتون کے مقام نائل کو بھی سیل ڈاؤن کیاگیا ہے۔ خاتون کے گھر کے اطراف 100میٹر تک کا علاقہ کنٹائنمنٹ زون کے طورپر اعلان کیاگیا ہے۔اب متعلقہ علاقہ اگلے 28دنوں تک مکمل سیل ڈاؤن رہے گا۔ یعنی اگلے 28دنوں سے علاقے کے لوگ گھروں سے باہر نہیں نکل سکیں گے اور نہ ہی باہر سے کوئی علاقے میں داخل ہوسکتاہے۔صحت عامہ محکمہ کا عملہ علاقے کے گھر گھر پہنچ کر ایک ایک فرد کی صحت کی رپورٹ حاصل کرے گا۔

متاثرہ خاتون کے گھر کے ایک کلومیٹر فاصلہ تک علاقہ کو  اِنّر بفر زون کا اعلان کیاگیا ہے۔ جہاں آشاکارکنان گھر گھر پہنچ کر عوامی صحت کی جانکاری لیں گے۔ اسی طرح خاتون کے گھر سے 5کلومیٹر فاصلے تک کا علاقہ بفر زون کے طورپر نشان زدکیاگیا ہے۔علاقے میں وائرس پھیلنے کے زیادہ امکانات ہونے کی وجہ سے لاک ڈاؤن میں جو پابندیاں جاری ہیں وہی یہاں اگلے 28دنوں تک جاری رہیں گی۔

گھروالوں کا کوارنٹائن : نریکومبو دیہات کے نائل مقام کی خاتون عملہ کو کورونا وائرس کی تصدیق ہوتے ہی خاتون کے شوہر، بچے سمیت سبھی خاندان والوں کو کوارنٹائن میں رکھاگیا ہے۔ گھر کے پاس پڑوس والوں کو بھی کوارنٹائن میں رہنے کی ہدایات جاری کی گئی ہیں۔ ان سب کی صحت پر خاص نگاہ رکھی گئی ہے۔ کسی کو بھی کوئی تکلیف ہوتو فوری طورپر اسپتال کا رخ کرنے کہاگیا ہے۔ افسران کورونا وائرس کی مصدقہ خاتون کےرابطہ میں آنے والوں کی جانکاری حاصل کرتے ہوئے  روٹ میاپ کی تشکیل میں ہیں۔

بنٹوال ہاٹ اسپاٹ: دکشن کنڑا ضلع میں بنٹوال تعلقہ ہاٹ اسپاٹ بنتا جارہاہے۔ جہاں کروناوائرس سے مصدقہ متاثرین کی تعداد میں اضافہ ہونے سے عوام خوف  میں مبتلا ہیں۔ تعلقہ میں 27مارچ کو 10ماہ کے  معصوم بچے کو کورونا وائرس کی تصدیق ہوتے ہی تعلقہ میں پہلا معاملہ درج ہواتھا۔ اسی طرح یہ معاملہ ضلع کا بھی پہلا کیس تھا۔ اس کے بعد 4اپریل کو تمبے کے ایک شخص کی تصدیق ہوئی تو یہ تعلقہ کا دوسرا معاملہ ہوا۔ اس کے بعد 19،21،23،25اور 26اپریل کو پانچ لوگوں میں کرونا کی تصدیق ہوئی۔ایک ہی ہفتہ میں پانچ لوگوں کو کرونا پوزیٹیو ہونے اور  ان میں سے دو لوگوں کی موت ہونے سے عوام میں خوف وہراس میں مبتلا ہوگئے  ہیں۔

اتوار کو لیباریٹری سے حاصل کئے گئے 214رپورٹوں میں 213منفی اور ایک مثبت پایاگیا ہے۔ بقیہ 513لوگوں کی رپورٹ آنی باقی ہے۔ اتوار کو ہی 27لوگوں کی اسکریننگ کی گئی ہے اور 143لوگوں کے تھوک کا نمونہ وینلاک اسپتال کی لیباریٹری کو جانچ کے لئے بھیجاگیا ہے۔ بخارکلینک میں ابھی 1537لوگوں کی جانچ کی جاچکی ہے۔ اسی طرح این آئی ٹی کے میں 53اور ای ایس آئی اسپتال میں 32لوگ کوارنٹائن میں ہیں۔جبکہ  6073لوگ سنیچر کو 28دنوں کا کوارنٹائن مکمل کرچکے  ہیں۔