کاروار:8؍دسمبر (ایس اؤ نیوز) ملک کی کئی ریاستوں میں  نِوار، بوریوی جیسے طوفان چھاجانےسے نقصانات  ہورہےہیں لیکن اترکنڑا ضلع کو اس سے کچھ نہیں ہواہے۔ مگر کانگریس کے ریاستی صدر ڈی کے شیوکمار کے ضلع کا دورہ کرکے سیاست کی کئی پرتوں میں جمی دھول کو اڑا ضرور گئےہیں۔ گرام پنچایت انتخابات کے ساتھ ہی  کانگریس  اگلے ودھان سبھا انتخابات کے لئے تیاریاں شروع کردی ہے۔ فی الحال ضلعی کانگریس میں ہونے والی سرگرمیاں سیاست میں دلچسپی رکھنےو الوں کے لئے تجسس میں اضافہ کردیاہے۔

گرام پنچایت انتخابات کی شروعات کے دو دن پہلے ہی کے پی سی سی صدر نے متعلقہ ودھان سبھا حلقوں کے نگراں کار کو نامزد کرتےہوئے سرکلر جاری کردیاتھا جس کے تحت چند  دلچسپ نکات سامنے آئے ہیں۔ کمٹہ ودھان سبھا کی سابق رکن اسمبلی شاردا شٹی اور سرسی ودھان سبھا حلقہ سے بھیمنا نائک کو باہر کیا گیا ہے۔ اگلے ودھان سبھا انتخابات کے موقع پر ہلیال حلقہ سے امیدواری کی خواہش رکھنے والے ایس ایل گھوٹنیکر کو یلاپور، منڈگوڈ کی ذمہ داری دی گئی ہے۔ دیش پانڈے کے کندھوں پر ہلیال کے ساتھ کمٹہ کی ذمہ داری بھی ڈالی گئی ہے۔ یہی تبدیلیاں سیاسی گلیاروں میں بحث کاموضوع بنی ہوئی ہیں۔ آئندہ 2023 کے ودھان سبھا انتخابات کے ٹکٹوں کی کہانی ابھی شروع ہوگئی ہے۔ گزشتہ ودھان سبھا انتخابات میں شاردا شٹی ، بی جےپی امیدوار دنیکر شٹی سے قریب 32750ووٹوں سے شکست کھائی ہے۔ شاردا شٹی  صرف 26642ووٹ حاصل کئے تھے تو آزاد امیدوار سورج نائک  20474ووٹ لے کر کانگریس امیدوار کے قریب پہنچ گئے تھے۔ اب جب کہ انتخابات کو ہوئے دوسال بیت چکے ہیں وہاں کانگریس کو مستحکم کرنے کے کوئی ذرائع کی تلاش کریں کانگریس لیڈران کو مایوسی کے سوا کوئی ہاتھ نہیں آرہاہے۔ وہاں کی ذات پات کی تقسیم وغیرہ کانگریس کے حق میں کوئی خاص رول ادا نہیں کرپارہی ہے۔ انہی وجوہات کی بنا کمٹہ میں کثیر آبادی والے برہمن ذات کے کسی فرد کو امیدوار بنانے کافیصلہ کئے جانے کی کانگریس حلقوں میں بازگشت سنائی دے رہی ہے۔ یہی خاص وجہ ہے کہ دیش پانڈے کو کمٹہ گرام پنچایت انتخابات کا نگراں کار بنایاگیا ہے۔

مدھو بنگارپا کے ساتھ ششی بھوشن بھی ؟:کانگریس ذرائع سے ملنے والی خبروں پر اعتماد کریں تو جے ڈی ایس لیڈر مدھو بنگارپا کا کانگریس میں شامل ہونا تقریبا ً طئے ہے،کانگریس لیڈران امید لگائے بیٹھے ہیں کہ مدھو بنگارپا کے  ساتھ ششی بھوشن ہیگڈے بھی کانگریس میں آسکتے ہیں۔ اس سے پہلے کمٹہ ودھان سبھا حلقہ سے انتخاب لڑتے ہوئے ششی بھوشن ہیگڈے صرف 500ووٹوں سے ہارے تھے ، انہیں دوبارہ کانگریس میں لا کر سہرا باندھنے کانگریس لیڈران سنجیدہ کوشش کررہےہیں۔ صدر ڈی کے شیوکمار کے سامنے بھی اس تعلق سے بات چیت ہوئی ہے، لیکن دیش پانڈے ہوناور کے شیوانند ہیگڈے پر نظر جمائے ہوئےہیں، اب وقت ہی بتائے گا کہ ششی بھوشن یا شیوانند ۔ اسی دوران میں ششی بھوشن ہیگڈے نے سرسی سے ہی مقابلہ کرنے کی امید جتائی ہے۔

سرسی میں سوشما ریڈی :گزشتہ ودھان سبھا الیکشن میں بی جے پی امیدوار کاگیری  70595ووٹ حاصل کرتےہوئے جیت درج کی تھی ، مخالف امیدوار بھیمنانائک 53143ووٹ لے کر 17461ووٹوں سے ہار گئے تھے۔ 2013کے انتخابات میں مصدقہ طورپر کہا جارہاتھا کہ بھیمنانائک کی جیت یقینی ہے، اس وقت بھی وہ 3059ووٹوں سے پیچھے رہ گئے تھے۔ فی الحال یہاں کانگریس کی حالت ٹھیک نہیں بتائی جارہی ہے، اسی لئے کانگریس نئے چہرے کی تلاش  میں رہنےکی اطلاعات ہیں۔ فی الوقت کانگریس لیڈر مارگریٹ آلوا کے حمایتی مرحوم دیپک ہوناور کی بہن سوشما ریڈی کانام گردش میں ہے، گرچہ ہاویری کے ایم ایم ہنڈسگیری کو گرام پنچایت انتخابات کے لئے  سرسی بھیجا گیا ہے  مگر سوشما ریڈی بہت جلد میدان عمل میں اترنے کی بات کہی جارہی ہے۔ کانگریس کے ضلعی صدر بھیمنانائک کو یلاپور ودھان سبھا حلقہ سے امیدوار بنانے کے امکانات ہیں تو بقیہ کاروار میں تیسرا مقام حاصل کرتےہوئے روپالی نائک سے 15268ووٹوں سے شکست کھانے والے ستیش سئیل اور بھٹکل  میں بی جےپی کے سنیل نائک سے صرف 5930ووٹوں سے ہارنے والے منکال وئیدیا کا مقام مضبوطی کے ساتھ آگے بڑھ رہاہے۔

دیش پانڈے کی سبک چال : ایس ایل گھوٹنیکر ہلیال سے ہی کانگریس امیدوار ہونےکی ضد پر ہیں ، اس کے لئے وہ ہمہ وقت محنت اور کوشش بھی کر رہے ہیں۔ لیکن دیش پانڈے فی الحال وہاں کے رکن اسمبلی ہونے کی وجہ سے ابھی سے وہاں کوئی بدلاؤ بہتر نہیں ہونے کی بات کہی جارہی ہے۔ اسی لئے گھوٹنیکر کو یلاپور اور منڈگوڈ کی نگرانی کے لئے بھیجاگیا ہے ، بے دلی کے ساتھ گھوٹنیکر ادھر چلے تو گئے ہیں مگر نگاہ ہلیال پر ہی ٹکائے  ہوئےہیں۔کانگریس لیڈران کو یہ سوال بھی ستائے جارہا ہے کہ اگر  گھوٹنیکر کے قدم مضبوط ہوتے گئے تو پھر کیا ہوگا ؟۔ہاں دیش پانڈے انتخابی سیاست سے پیچھے ہٹیں گے تو انہیں کانگریس کی طرف سے راجیا سبھا ممبر بنایاجاسکتاہے۔ اب دیکھنا ہےکہ کانگریس لیڈر دیش  پانڈے کیا کرتےہیں اور ان کی یہ سیاسی سبک چال ضلعی کانگریس میں کیا گل کھلاتی ہے۔