بھٹکل سمیت ساحلی کرناٹکا میں 'ٹاوکٹے' طوفان کا اثر؛ طوفانی ہواوں کے ساتھ جاری ہے بارش؛ کئی مکانوں کی چھتیں اُڑ گئیں، بھٹکل میں ایک کی موت

Source: S.O. News Service | By I.G. Bhatkali | Published on 15th May 2021, 4:11 PM | ساحلی خبریں | ریاستی خبریں |

بھٹکل 15 مئی (ایس او نیوز)   'ٹاوکٹے' طوفان جس کے تعلق سے محکمہ موسمیات نے پیشگی  اطلاع دی تھی کہ    یہ طوفان  سنیچر کو کرناٹکا اور مہاراشٹرا کے ساحلوں سے ٹکرارہا ہے،   اس اعلان کے عین مطابق  آج سنیچر صبح سے  بھٹکل سمیت اُترکنڑا اور پڑوسی اضلاع اُڈپی اور دکشن کنڑا میں طوفانی ہواوں کےساتھ بارش جاری ہے جس کے نتیجے میں کئی علاقوں میں درختوں کے گرنے سمیت کئی مکانوں کی چھتیں اُڑنے کی اطلاعات موصول ہوئی ہیں۔  اس طوفان نے بھٹکل میں ایک شخص کی جان بھی لی ہے۔

یاد رہے کہ  جمعہ کو محکمہ موسمیات نے  ٹاوکٹے طوفان  کے بارے میں جانکاری دیتے ہوئے   16مئی تک ریڈ الرٹ جاری کرتے ہوئے مچھیروں اور عوام الناس کو دریا، سمندراورنشیبی و ساحلی علاقوں سے دور رہنے کی ہدایت دی  تھی  اور  عوام کو خبر دار کرتے ہوئے کہا  تھا  کہ اس دوران بادلوں اور بجلیوں کے کڑکنے کے ساتھ طوفانی ہوائیں چلیں گی  جس کے دوران  بھاری برسات  بھی ہونے کے امکانات ہیں۔  عوام اور بالخصوص بچوں کو کمزورعمارتوں، خطرناک حالت میں نظر آنے والے الیکٹرک کے کھمبوں اور درختوں وغیرہ سے دور رہنے کی تاکید کی  گئی  تھی۔

سنیچر کو اس طوفان کے ساحلی کرناٹکا اور کیرالہ میں ٹکرانے کے ساتھ ہی   پورے ساحلی علاقوں میں بارش کا سلسلہ جاری ہے جس کے ساتھ ہی   موسم   بھی یکلخت خوشگوار ہوگیا ہے۔ کل تک ساحلی علاقوں میں شدت کی گرمی  سے عوام پریشان نظر آرہے تھے، مگر  رات گذرنے کےساتھ ہی  گرمی بھی ہوا ہوگئی ہے۔

 بحیرہء عرب میں ہوا کے دباو میں جو کمی آئی ہے اس سے اٹھنے والے طوفان سے آج سنیچر کو   سمندری موجوں  کا  پانی راستوں پر بہتا نظر آیا۔ صبح سے سمندری لہروں  میں اتنا زیادہ اُچھال تھا کہ  پانی  سمندر کنارے  تعمیر کی گئی دیوار سے ٹکرانے کےبعد  باہر راستوں پر بہہ رہا تھا، بھٹکل کے بندر اور تینگن گنڈی سمیت انکولہ، کمٹہ اور ہوناور سمیت اُڈپی اور مینگلور کے کئی ساحلی علاقوں میں  بھی اسی طرح کے نظارے دیکھے گئے ہیں۔  اس دوران  پڑوسی ریاست کیرالہ میں اس طوفان سے  اُٹھنے والی    سمندری لہریں   کئی باغات اور مکانوں کے  کمپاونڈوں کے اندر گھسنے کی وڈیو بھی سوشیل میڈیا پر وائرل ہورہی  ہے۔

بھٹکل میں ایک ماہی گیر کی موت:   'ٹاوکٹے' طوفان نے بھٹکل میں ایک ماہی گیر کی جان بھی لے لی ہے جس کی شناخت  لکشمن ایرپّا نائک (60) کی حیثیت سے کی گئی ہے۔ ذرائع نے بتایا کہ    سنیچر صبح سمندر سے  اُونچی اُٹھتی لہروں کو دیکھ کر   پانچ چھ ماہی گیر مل کر جالی کوڈی  سمندر کنارے کھڑی چھوٹی کشتیوں کو  سمندر سے باہر لانے کی کوشش کررہے تھے کہ اچانک ایک  اونچی اُٹھتی لہر نے  ایک کشتی کو پلٹا دیا جس کے نتیجے میں  لکشمن   سمندر میں گرتے ہوئے  دو کشتیوں کی زد میں آگیا  اور موت کے منہ میں چلا گیا۔

یاد رہے کہ صبح سے سمندر میں  بھونچال نظر آنے کے بعد اور محکمہ موسمیات کی پیشگی وارننگ کے بعد ماہی گیروں نے آج  بوٹوں اور کشتیوں کو سمندری کنارے پر ہی  کھڑا کردیا تھا ۔

بھٹکل میں بعض جگہوں پر درختوں کے گرنے کی اطلاعات ملی ہیں تو  پورورگا اور منڈلی میں طوفانی ہواوں کی وجہ سے  گھروں کو نقصانات ہونے کی اطلاعات ہیں۔ ایسے میں محکمہ موسمیات نے خبر دی ہے کہ  ساحلی کرناٹکا میں آج سنیچر کے ساتھ ساتھ اتوار اور پیر کو بھی  اسی طرح بارش  ہوگی۔

اُڈپی سے ملی اطلاع کے مطابق  اُڈپی میں صبح تین بجے سے   سنیچر شام تک    ہلکی بارش کا  نہ رُکنے کا سلسلہ جاری تھا، جبکہ  ملپے، پڈوکونے، مرونتے اور مٹّو  سمندری کناروں میں سمندری لہروں میں کافی بھونچال دیکھا جارہا تھا۔
 

ایک نظر اس پر بھی

مینگلورو: پرکاش راج کا مودی حکومت پرسخت حملہ؛ کہا: چارسوبیسی کرنے والے لوگ اب کی بار400 پارکا نعرہ لگارہے ہیں

جنوبی ہند کے مشہوراداکارپرکاش راج نے مودی حکومت پرسخت تنقید کرتے ہوئے کہا جن لوگوں نے 420 (فراڈ) کا کام کیا ہے، وہ آنے والے لوک سبھا انتخابات میں 400 سیٹیں جیتنے کی بات کررہے ہیں۔ اوراب کی بار400 پار کا نعرہ لگارہے ہیں۔

اتر کنڑا میں انتخابی ضابطہ اخلاق کا نفاذ - چیک پوسٹوں پر تیز ہوئی جانچ پڑتال؛ بورڈس اور ہورڈنگس ہٹائے گئے

لوک سبھا انتخابات کے لئے ضابطہ اخلاق کے نفاذ کے ساتھ ہی اتر کنڑا کے مختلف مقامات پر چیک پوسٹس پر جانچ پڑتال کی کارروائیاں تیز ہوگئی ہیں ۔  اسی کے ساتھ ہی  سڑک کنارے لگائے گئے اشتہاری بینرس اور ہورڈنگس وغیرہ بھی ہٹائے گئے ہیں۔

ڈانڈیلی اغوا معاملہ : 2 کروڑ روپے تاوان طلب کرنے والے ملزمین گرفتار ؛ گرفتار شدگان میں بھٹکل کا شخص بھی شامل

ڈانڈیلی کے ایک شخص کا اغوا کرکے اس کی رہائی کے لئے 2  کروڑ روپے طلب کرنے والے ملزمین کو  ڈانڈیلی پولیس نے گرفتار کر لیا ہے  جن  کی شناخت ڈانڈیلی کے رہنے والے پرشو رام ایلپّا میدار، کالگونڈا تکا رام سر نائک، ہلیال کے رہنے والے ونائیک کمپنّا کرننگ اور  بھٹکل مدینہ کالونی کے رہنے ...

دکشن کنڑا میں انتخابی ضابطہ اخلاق کے تحت قائم ہوئے چیک پوسٹس - نقدی اور بیش قیمت اشیاء لے جانے کے لئے ضروری ہوگا دستاویزی ثبوت 

دکشن کنڑا میں انتخابی ضابطہ اخلاق کے نفاذ کے ساتھ محکمہ پولیس نے حفاظتی بندوبست تیز کر دیا ہے اور عوام سے کہا ہے کہ اگر وہ اپنے ساتھ  نقد رقم یا قیمتی اشیاء لے جاتے ہیں تو انہیں اس سے متعلقہ باضابطہ دستاویزی ثبوت اپنے پاس رکھنا ہوگا اور جانچ کے دوران افسران کے سامنے پیش کرنا ...

بھٹکل میں7/مئی اورپڑوسی اضلاع اُڈپی اور مینگلور میں 26/ اپریل کو ہوگی پولنگ؛ پورے ملک میں سخت انتخابی ضابطہ اخلاق نافذ

الیکشن کمشنر کے اعلان کے مطابق ریاست کرناٹک میں دو مرحلوں میں انتخابات ہوں گے، جس کے تحت بھٹکل سمیت اُترکنڑا،  چکوڈی، بیلگاوی، باگلکوٹ، وجئے پور (ایس سی)، کلبرگی (ایس سی)، رائچور (ایس ٹی)، بیدر، کوپّل، بلاری (ایس ٹی)، ہاویری ، دھارواڑ، داونگیرے اور شموگہ میں 7/مئی کو انتخابات ...

ووٹر لسٹ میں نام داخل کرنے کی مہلت ابھی باقی ہے

چیف الیکٹورل آفیسر کی طرف سے جاری بیان کے مطابق پارلیمانی الیکشن میں ووٹ دینے کے اہل افراد کو اپنا نام ووٹر لسٹ میں شامل کروانے کے لئے ابھی مہلت باقی ہے جس سے فائدہ اٹھایا جا سکتا ہے ۔ 

جے ڈی ایس - بی جے پی 'ہنی مون' کے رنگ میں پڑ گیا بھنگ - دیوے گوڈا ، کمارا سوامی کو بی جے پی نے کیا نظرانداز  

ایسا لگتا ہے کہ اس پارلیمانی الیکشن کےد وران جنتا دل ایس نے بی جے پی کے ساتھ ہاتھ ملا کر جو 'ہنی مون' منانے کا منصوبہ بنایا تھا اس کے رنگ میں بھنگ پڑنا شروع ہوگیا ہے کیونکہ بی جے پی نے ایک طرف ریاست میں انتخابی سرگرمیوں کے کسی بھی مرحلے میں دیوے گوڈا اور کمارا سوامی کو ساتھ میں ...

مینگلورو: پرکاش راج کا مودی حکومت پرسخت حملہ؛ کہا: چارسوبیسی کرنے والے لوگ اب کی بار400 پارکا نعرہ لگارہے ہیں

جنوبی ہند کے مشہوراداکارپرکاش راج نے مودی حکومت پرسخت تنقید کرتے ہوئے کہا جن لوگوں نے 420 (فراڈ) کا کام کیا ہے، وہ آنے والے لوک سبھا انتخابات میں 400 سیٹیں جیتنے کی بات کررہے ہیں۔ اوراب کی بار400 پار کا نعرہ لگارہے ہیں۔

  لوک سبھا انتخابات : کرناٹک میں انتخابی ضابطہ اخلاق نافذ؛ پلیکس اور بینرز ہٹانے کا عمل شروع

  لوک سبھا انتخابات کی تاریخ کے اعلان کے ساتھ ہی ماڈل کوڈ آف کنڈکٹ کے نافذ ہونے کے بعد شہر میں پلیکس اور بینروں کو صاف کردیا گیا۔ ڈسٹرکٹ الیکشن آفیسر کی ہدایت پر الیکشن اور میونسپل عملہ نے شہر میں مشترکہ آپریشن کرتے ہوئے ہر قسم کے پلیکس اور بینرز کو ہٹا دیا۔ ڈسٹرکٹ کمشنر آفس، ...

بنگلورو کا آبی بحران: تالابوں کو نگلتا کنکریٹ کا جنگل!

دیوالی کے بعد کی بارشوں میں کئی فٹ پانی میں ڈوبا ہوا شہر گرمیوں کے شروع ہوتے ہی پانی کی ایک ایک بوند کو ترس رہا ہے۔ اگر چہ یہ بہانہ کیا جائے کہ بارش مسلسل دو سال سے کم ہو رہی ہے اور ریاست کی 256 تحصیلوں میں خشک سالی کا اعلان کیا جا چکا ہے لیکن حقیقت یہ ہے کہ بنگلورو جیسے پانی سے بھرے ...