ڈھاکہ 11نومبر (آئی این ایس انڈیا) بنگلہ دیش میں بلبل نامی سمندری طوفان کے سبب ہلاک ہونے والوں کی تعداد بارہ تک پہنچ گئی ہے جب کہ پانچ مچھیرے اب بھی لاپتہ ہیں۔ قدرتی آفات سے نمٹنے والی وزارت کے جونیئر وزیر انعام الرحمان نے پیر کو بتایا کہ کئی افراد نے اپنے علاقے چھوڑنے سے انکار کر دیا تھا اور جب طوفان نے زور پکڑا، تو ان میں سے کئی کی ہلاکت درخت گرنے کی وجہ سے ہوئی۔ انہوں نے بتایا کہ تیس ماہی گیروں کو ریسکیو بھی کیا گیا۔ بْلبْل کی وجہ سے قریب چھ ہزار مکانات تباہ یا متاثر ہوئے۔ ملک کے جنوب مشرقی حصے میں، جہاں لاکھوں روہنگیا مہاجرین نے پناہ لے رکھی ہے، کسی بڑے جانی و مالی نقصان کی اطلاع موصول نہیں ہوئی۔