کامن ویلتھ گیمز: ہندوستانی کھلاڑیوں نے نویں دن 4 طلائی سمیت 14 تمغے جیتے

Source: S.O. News Service | Published on 7th August 2022, 11:11 AM | اسپورٹس |

برمنگھم،7؍اگست (ایس او نیوز؍ایجنسی)  انگلینڈ کے شہر برمنگھم میں کھیلے جا رہے کامن ویلتھ گیمز 2022 میں ہندوستانی کھلاڑی شاندار کارکردگی کا مظاہرہ کر رہے ہیں۔ کھیلوں کے نویں دن یعنی 6 اگست (ہفتہ) کو ہندوستان نے کل 14 تمغے جیتے، جن میں چار طلائی، تین چاندی اور سات کانسی کے تمغے شامل ہیں۔ اس کے علاوہ کرکٹ، ٹیبل ٹینس، باکسنگ، ہاکی جیسے مقابلوں میں ہندوستانی کھلاڑیوں نے فائنل میں پہنچ کر تمغہ جیتنا یقینی بنا دیا ہے۔

ہندوستانی پہلوانوں نے گزشتہ روز بھی شاندار کارکردگی کا مظاہرہ کرتے ہوئے تین طلائی اور تین ہی کانسی کے تمغے جیتے۔ پہلوان روی کمار دہیا نے مردوں کے 57 کلوگرام وزن کے زمرے میں ہندوستان کے لیے طلائی تمغہ جیتا۔ فائنل میچ میں روی دہیا نے نائیجیریا کے ای ولسن کو تکنیکی برتری کی بنیاد پر 10-0 سے شکست دی۔

اس کے علاوہ پہلوان ونیش پھوگاٹ نے نورڈک سسٹم کے تحت منعقدہ 53 کلوگرام وزن کے زمرے کے ایونٹ میں طلائی تمغہ جیتا۔ دوسری جانب نوین نے 74 کلوگرام ویٹ کیٹیگری کے فائنل میں پاکستان کے محمد شریف طاہر کو بائی فال کے ذریعے 9-0 سے شکست دے کر طلائی تمغہ حاصل کیا۔ اس کے علاوہ پوجا گہلوت، دیپک نہرا اور پوجا سہاگ بھی کشتی میں ہندوستان کے لیے کانسی کا تمغہ جیتنے میں کامیاب رہے۔

پیرا ٹیبل ٹینس میں بھی ہندوستان کا غلبہ نظر آیا۔ بھاوینا پٹیل نے خواتین کے سنگلز (کلاس 3-5) میں طلائی تمغہ جیتا جبکہ سونل بین منوبھائی پٹیل نے کانسی کا تمغہ جیتا۔ ٹوکیو پیرالمپکس کی چاندی کا تمغہ جیتنے والی بھاوینا نے فائنل میں نائجیریا کی کرسٹیانا اکپیوئی کو 12-10، 11-2، 11-9 سے شکست دی۔ دوسری جانب 34 سالہ سونل بین نے کانسی کے تمغے کے پلے آف میں انگلینڈ کی سو بیلی کو 11-5، 11-2، 11-3 سے شکست دی۔

باکسنگ میں یاسمین لمبوریا، محمد حسام الدین، روہت ٹوکاس کو اپنے اپنے وزن کے زمرے کے سیمی فائنل میں شکست کا سامنا کرنا پڑا، جس کی وجہ سے یہ تینوں کھلاڑی صرف کانسی کا تمغہ ہی جیت سکے۔ ہندوستان کے لیے اچھی بات یہ ہے کہ نکہت زرین، نیتو گنگھاس، امیت پنگھل اور ساگر اہلاوت فائنل میں پہنچ چکے ہیں، لہذا ان کا کم از کم چاندی کا تمغہ جیتنا یقینی ہے۔

ٹیم انڈیا نے لان بالز کے مردوں کے ٹیم ایونٹ میں چاندی کا تمغہ جیتا۔ فائنل میں سنیل، نونیت، چندن اور دنیش کی قیادت والی ٹیم کو شمالی آئرلینڈ نے شکست دی۔ دوسری جانب پرینکا گوسوامی نے 10 کلومیٹر واک میں چاندی کا تمغہ جیتا۔ پرینکا نے یہ فاصلہ 43 منٹ اور 38.82 سیکنڈ میں طے کیا۔ وہیں، اویناش مکند سبلے نے 3000 میٹر ’اسٹیپل چیز‘ میں ہندوستان کے لیے چاندی کا تمغہ جیتا۔

ہندوستان نے گزشتہ روز کل 14 تمغے جیتے اور میڈل ٹیلی میں وہ اب پانچویں مقام پر ہے۔ ہندوستان نے اب تک 13 طلائی، 11 نقرئی اور 16 کانسی کے تمغے (کل 40 تمغے) حاصل کئے ہیں۔ آسٹریلیا 59 طلائی، 46 نقرئی اور 50 کانسی کے تمغوں کے ساتھ سرفہرست ہے۔ دوسری جانب میزبان انگلینڈ 50 طلائی کے ساتھ دوسرے اور کینیڈا 22 طلائی تمغوں کے ساتھ تیسرے مقام پر ہے۔ جبکہ نیوزی لینڈ ہندوستان سے ایک مقام اوپر چوتھے نمبر پر ہے۔

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...