آسٹریلیائی کرکٹر نے مجھے’اسامہ‘ کہا، یہ واحد ٹیم ہے جو مجھے پسند نہیں: معین علی

Source: S.O. News Service | By Shahid Mukhtesar | Published on 17th September 2018, 1:31 PM | اسپورٹس |

ملبورن،17؍ستمبر (ایجنسی)  انگلینڈ کے آل راؤنڈر معین علی کا کہنا ہے کہ آسٹریلیا کو میں اس لیے ناپسند نہیں کرتا کہ وہ ہمارا روایتی حریف ہے، بلکہ اس کو ناپسند کرنے کی وجہ اس کے کھلاڑیوں کا رویہ ہے جو کسی کو عزت نہیں دیتے۔

انگلینڈ ٹیم کے مشہور و معروف کرکٹ کھلاڑی معین علی نے آسٹریلیائی کرکٹروں کے رویے اور ان کے ذریعہ اپنے اوپر کیے گئے قابل اعتراض کمنٹ کے تعلق سے انتہائی اہم انکشاف کیا ہے۔ کرکٹ ویب سائٹ ’کرک انفو‘ نے اس سلسلے میں معین علی کے حوالے سے کہا ہے کہ 2015 میں ایشیز سیریز کے دوران آسٹریلیا کے ایک کھلاڑی نے انھیں ’اوسامہ‘ کہہ کر بلایا جس سے انھیں بہت تکلیف ہوئی۔

معین علی نے 2015 میں کارڈف میں ہوئے ایشیز سیریز کا تذکرہ کرتے ہوئے کہا کہ پہلے ٹیسٹ میچ میں ان کے خلاف قابل اعتراض تبصرہ کیا گیا جس سے وہ بہت پریشان ہوئے۔ علی نے بتایا کہ اس میچ میں انھوں نے شاندار کارکردگی کا مظاہرہ کیا تھا اور پہلی اننگ میں 77 رن بنانے کے علاوہ 5 وکٹ بھی لیے تھے۔ اس کارکردگی کی وجہ سے انگلینڈ کو اس ٹیسٹ میں 169 رنوں سے فتح بھی حاصل ہوئی تھی۔ علی کا کہنا ہے کہ ’’ذاتی کارکردگی کے اعتبار سے میرے لیے وہ ایشیز سیریز بہت کامیاب رہی لیکن اس دوران ایک واقعہ ایسا ہوا جس نے میرا ذہن منتشر کر دیا۔‘‘

واقعہ کے تعلق سے علی بتاتے ہیں کہ ’’میچ کے دوران میدان پر ایک آسٹریلیائی کھلاڑیہ میری طرف مڑا اور بولا ’ٹیک دیٹ اسامہ‘۔ میں یہ سن کر حیران رہ گیا اور مجھے یقین نہیں ہوا۔ میں غصے سے لال ہو گیا۔ اس واقعہ سے پہلے مجھے میدان پر اتنا غصہ کبھی نہیں آیا۔‘‘ وہ مزید کہتے ہیں کہ ’’میں نے اپنی ٹیم کے کئی ساتھیوں کو بتایا اور میں سمجھتا ہوں کہ کوچ ٹریور بیلس نے آسٹریلیائی کوچ ڈیرن لیہمن کے سامنے اس بات کو رکھی ہوگی۔ لیکن لیہمن نے جب آسٹریلیائی کھلاڑی سے اس سلسلے میں پوچھا تو اس نے یہ کہتے ہوئے منع کر دیا کہ اس نے مجھے ’ٹیک دیٹ پارٹ ٹائمر‘ کہا تھا۔‘‘

معین علی کا کہنا ہے کہ یہ بات سن کر انھیں بہت حیرانی ہوئی، لیکن میں کچھ نہیں کر سکتا تھا کیونکہ آپ کو کھلاڑی کی بات ماننی ہوتی ہے۔ اس واقعہ سے معین علی اس قدر پریشان ہوئے کہ پورے میچ کے دوران غصے اور ذہنی انتشار کی حالت میں رہے۔ لیکن انگلینڈ کے لیے اچھی بات یہ ہوئی کہ وہ 2015 میں ہوئے اس ایشیز سیریز میں 2-3 سے فتحیاب ہوئی۔

علی نے اپنے اوپر قابل اعتراض کمنٹ کرنے والے آسٹریلیائی کرکٹر کا نام تو ظاہر نہیں کیا لیکن یہ ضرور کہا کہ صرف وہ کھلاڑی نہیں بلکہ آسٹریلیا کا تقریباً ہر کھلاڑی اپنے سامنے والے کی عزت نہیں کرتا۔ انھوں نے آسٹریلیائی ٹیم کو غیر مہذب قرار دیتے ہوئے کہا کہ ’’یہ تنہا ٹیم ہے جو مجھے پسند نہیں۔ میں جتنی بھی ٹیموں کے ساتھ کھیلا ہوں ان میں سے آسٹریلیا مجھے بالکل بھی پسند نہیں۔‘‘

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...