بی بی ایم پی حدود کے تمام28اسمبلی حلقوں میں کووڈ وار روم قائم کئے جا ئیں گے ، کووڈ کی ممکنہ تیسری لہر پر قابو پانے بی بی ایم پی کی تیاریاں

Source: S.O. News Service | Published on 1st September 2021, 11:11 AM | ریاستی خبریں |

بنگلورو،یکم ستمبر (ایس او  نیوز) بروہت بنگلور مہا نگر پا لیکے(بی بی ایم پی) نے ممکنہ کووڈ کی تیسری لہر کا سامنا کرنے بی ی ایم پی حدود کے28اسمبلی حلقہ جات میں فی حلقہ ایک کووڈ کیئر سنٹرز قائم کر نے کا فیصلہ کیاہے۔

بی بی ایم پی ذرائع نے بتا یا کہ کووڈ کی پہلی لہر کے آغاز میں تجربہ کی کمی کی وجہ سے دیکھ بھال میں خامیاں پیش آئیں تا ہم بعد میں بی ی ایم پی نے احتیاط برتی اور بی بی ایم پی کے تمام آٹھوں زونس میں ایک کووڈ کیئر سنٹر کا قیام کیا۔ذرائع نے بتا یا کہ حد سے زیادہ کووڈ معا ملات درج کئے جانے کی وجہ سے بے شمار اموات پیش آئیں اور صورتحال پر قابو پانا مشکل ہو گیا۔

بتا یا جا تا ہے کہ بی بی ایم پی کے ہر ایک اسمبلی حلقہ میں کووڈ کال سنٹر قائم کر نے کا مطالبہ کیا گیا جس کے پیش نظر اب28اسمبلی حلقہ جات میں کووڈ کال سنٹر قائم کئے جا رہے ہیں۔ بی بی ایم پی ویسٹ زون کے جوائنٹ کمشنر شیو سوامی نے بتا یا کہ کووڈ کال سنٹر کو فزیکل ٹریا زنگ سنٹر کے طور پر استعمال کیا جا رہا ہے ساتھ ساتھ بستروں کو بھی بلاک کیا جا رہا ہے۔انہوں نے بتا یا کہ پرائمری ہیلتھ سنٹر, کے ڈاکٹر متا ثرین کا ٹسٹ کرنا ہے یا اسپتال میں داخل کرنا ہے اس کا فیصلہ کریں گے۔بتا یا جا تا ہے کہ کووڈ سے متاثرہ شخص کی طبیعت اگر زیادہ خراب ہو گی تو ایم ٹی یو ڈاکٹر ہی متعلقہ اسمبلی حلقہ حدود کے کووڈ کال سنٹر کو فون کر کے بستربلاک کریں گے جس کے بعد پرائمری ہیلتھ سنٹر کے ایمبو لینس کے ذریعہ مقرر اسپتال میں داخل کیا جا ئے گا۔

مہادیو پورہ زون کے طبی افسر ڈاکٹر سریندر کمار نے بتا یا کہ کووڈ کی دوسری لہر میں نا اہل افراد نے آئی سی یو بستر حاصل کر کے مستحقین کو پریشان کیا اور اس طرح کے واقعات پر قابو پا نے بستر کے بلا کنگ کا نظام جاری کیا گیا ہے۔انہوں نے بتا یا کہ اس سے قبل فی زون وار روم کا آغاز کیا گیا تھا جس کے ذریعہ ریاست کے کنٹرول روم سے بنگلوور اور اطراف واکناف کے دیہاتیوں کی کووڈ متاثرین کی جانکاری وار روم کو آیا کر تی تھی اور انہیں علاحدہ کر کے بی یو نمبر دیا جا تا تھا۔ بی بی ایم پی افسران نے بتا یا کہ مہا دیو پورہ جنک ہو ٹل، کے آر پورم لوری اسکول میں وار روم قائم کئے گئے ہیں۔

اسی طرح ویسٹ زون کے گاندھی نگر، چامراج پیٹ، مہا لکشمی لے آؤٹ، ملیشورم،گووند راج نگر، وجیا نگر میں بھی کنٹرول روم قائم کئے گئے ہیں۔ انہوں نے بتا یا کہ ساؤتھ زون میں ہوسکرے ہلی اور ولسن گارڈن کے کنٹرول روم سر گرم ہیں جبکہ چک پیٹ،پدمانابھ نگر،جئے نگر اور بی ٹی ایم لے آؤٹ کے کنٹرول روم عملہ کو تربیت دی جا رہی ہے۔افسروں نے بتا یا کہ یلہنکا،بیٹ رائن پورہ،راجا راجیشوری نگر اسمبلی حلقہ، داسرہلی اسمبلی حلقہ،ایسٹ زون میں ہبال،شیواجی نگر،سی وی رام نگر، سروگنا نگر،پلیکیشی نگر،بومنہلی اور راجا جی نگر اسمبلی حلقوں میں بھی کووڈ کنٹرول روم قائم کر نے کی تیاری کی جا رہی ہے۔

ایک نظر اس پر بھی

ہبلی میں مبینہ تبدیلی مذہب کی مخالفت کرتے ہوئے شدت پسند ہندو تنظیموں کے کارکنوں نے چرچ کے اندر گھس کر گایا بھجن

ہبلی میں تبدیلی مذہب کی مخالفت کرتے ہوئے ہندو شدت پسند تنظیموں کے کارکنوں نے ایک چرچ کے اندر گھس کر بھجن گانا شروع کردیا جس کی وائرل ہونے والی ویڈیو میں درجنوں مرد و خواتین کو دیکھا گیا ہے کہ وہ کس طرح ہبلی کے بیری ڈیوارکوپا چرچ کے اندر بیٹھے ہاتھ جوڑ کر بھجن گارہے ہیں۔

ایڈی یورپاکی عوامی تحریکوں میں کروبا طبقے کاتعاون اہم رہاہے:راگھویندرا

تعلقہ میں بی ایس ایڈی یورپاکے تمام عوامی وفلاحی تحریکوں میں کروبا طبقہ کا تعاون اہم رہاہے،اس کے بدلے میں ایڈی یورپانے بھی اپنے دور اقتدار میں طبقے کی ترقی کیلئے جتنابھی ممکن ہوسکے کام کیا اور ہر طرح سے امداد فراہم کی۔یہ بات رکن پارلیمان بی وائی راگھویندرانے کہی۔

جے ڈی ایس ہی مسلمانوں کو سیاسی مستقبل کی ضمانت دے سکتی ہے: محیط الطاف

ریاستی اسمبلی میں اس وقت مسلم نمائندگی پر تشویش ظاہر کرتے ہوئے جے ڈی ایس لیڈر ونئی دہلی میں سابق خصوصی نمائندہ برائے کرناٹک ڈاکٹر سید محیط الطاف نے آج کہا کہ ریاست کرناٹک میں 45اسمبلی حلقے ایسے ہیں جہاں اگر مسلمان متحد ہوکر کام کریں تو مسلم امیدوار منتخب ہوسکتے ہیں اور 75اسمبلی ...

بنگلورومیں بارش کے ساتھ ڈینگی معاملات میں اضافہ، 15دنوں میں 177نئے کیس سمیت جملہ 717متاثرین

راجدھانی بنگلورومیں بارش کی مقدارمیں اضافہ ہوتاجارہاہے،سلسلہ وارحادثات بھی پیش آرہے ہیں،ا س کے ساتھ ڈینگی بخار کے معاملات میں اضافہ ہورہاہے۔برساتی موسم سے پہلے یعنی ماہ مئی میں 102ڈینگی معاملات دکھائی دئے تھے،اکتوبر میں اس تعدادمیں 717تک اضافہ ہوگیا،گزشتہ 15دنوں کے دوران ...