اترکنڑا ضلع میں 645صحت عملے کو کووڈ انجکشن لگوائے گئے: 31افراد نے نہیں لگوائے انجکشن
کاروار:18؍جنوری (ایس اؤ نیوز)بڑی امیدوں کے بعد اترکنڑا ضلع کے 11مراکز میں کووڈ انجکشن تقسیم کاری پروگرام کی متعلقہ مقامات کے سرکاری اسپتالوں میں شروعات ہوئی۔ ضلع میں 807میں سے 645افراد نے کووڈانجکشن لگایا۔جس کے تحت 79.93فی صد کامیابی حاصل ہوئی ہے۔ 31لوگوں نےمختلف وجوہات کی بنا انجکشن نہیں لگایا۔ انجکشن لگانے کے بعد ہلیال میں ایک شخص بیمار ہوا۔ بعض مقامات پر اسپتال کے ڈاکٹروں نے خود کو انجکشن لگاتے ہوئے اپنے ساتھی عملے میں اعتماد پیدا کرنے کی کوشش کی۔
کاروار کے کریمس اسپتال میں پہلے دن 42افراد کو انجکشن لگانا تھا، جن میں 30لوگ انجکشن لگوائے ۔ اسی طرح انکولہ کےتعلقہ اسپتال میں 70میں سے 50لوگوں کو انجکشن دیاگیا۔ بھٹکل کے تعلقہ اسپتال میں 74میں سے 59عملےنے انجکشن دیاگیا۔ ہلیال میں 40میں سے 39،ہوناور تعلقہ اسپتال میں 91میں سے 62، جوئیڈا میں 56میں سے 49، منڈگوڈ میں 62میں سے 48، سداپور میں 85میں سے 70، سرسی میں 99میں سے 70 اور منکی پرائمری ہیلتھ سنٹر میں 98میں سے 80افراد کو انجکشن لگایاگیا۔
کاروار کے کریمس اسپتال میں ڈی گروپ کا عملہ بال چندر شروڈ کر نے پہلا انجکشن لگوایا۔ ایکسرے ٹکنشن دیویا کرشنا گنگی نے دوسرا انجکشن لگوایا۔ اسی طرح ضلع کے 11مراکز میں گروپ ڈی کا عملہ نرس، لیاب ٹکنیشن ، آشاکارکنان ڈاکٹر سمیت سبھی صحت عملےکو انجکشن لگوائے گئے۔ انجکشن لینے والوں کو میسج پوسٹ کرتےہوئے بتایا جارہاہےکہ وہ دوبارہ 28دنوں کےبعد انجکشن لگوائیں۔
ڈاکٹروں نے لگوائے انجکشن : کاروار کے کریمس اسپتال میں ڈاکٹر شیوانند کوڈتلکر سمیت ہوناور کے میڈیکل آفیسر ڈاکٹر اوشا ، ڈاکٹر راجیش کنی ، یلاپور کے ڈاکٹر نریندر پوار، سرسی کے ڈاکٹر گجانن بھٹ اور ڈاکٹر رویندر سمیت ضلع میں 10سے زائد ڈاکٹروں نے کووڈ انجکشن لگوائے۔
79.93فی صد کارکردگی :ضلع میں کووڈ انجکشن لگوانےکی شرح 79.93فی صد ہے۔ کاروارمیں 71.43فی صد، انکولہ میں 71.43فی صد، بھٹکل میں 74.32فی صد، ہلیال میں 97.50فی صد، ہوناور میں 68.13فی صد، جوئیڈا میں 87.50فی صد، منڈگوڈ میں 77.42 فی صد،سداپور میں 92.93فی صد ، یلاپور میں 77.78فی صد اور منکی میں 81.63فی صد کاکردگی ہوئی ہے۔
کوئی حادثہ نہیں ہوا: ضلع میں انجکشن لگوانے کا کام بہت ہی شفافیت کے ساتھ انجام پارہاہے۔ انجکشن دینے سے کوئی حادثہ پیش نہیں آیا ہے۔ انجکشن بہترین ہے، کوئی سائڈ افکٹ بھی نہیں ہونا ثابت ہے۔ عوام سے اپیل ہےکہ وہ خود آگے آ کر انجکشن لگوانے کی ضلع ڈپٹی کمشنر ڈاکٹر ہریش کمار نے عوام سے اپیل کی۔ ڈی سی نے بتایا کہ ہلیال میں عملےکو جب کووڈ انجکشن دیاگیا تو وہ تین منٹ تک وہ بیمار جیسے لگے ، پھراس کے بعد وہ روبہ صحت ہونےکی جانکاری دی۔