ڈپٹی کمشنر کا بھٹکل دورہ؛ کورونا پر قابو پانے ڈی سی نے مختلف سماج کے لیڈران سے کی گفتگو؛ پوچھا ، وائرس کو پھیلنے سے روکنے کے لئے مزید کیا اقدامات کئے جائیں ؟

Source: S.O. News Service | By I.G. Bhatkali | Published on 8th May 2021, 6:50 PM | ساحلی خبریں |

بھٹکل  8 مئی (ایس او نیوز)  کوویڈ کے بڑھتے معاملات اور شہروں کے اسپتالوں میں   بیڈ اور اکسیجن کی قلت  کو مدنظر رکھتے ہوئے  اُترکنڑا کے ڈپٹی کمشنر ملئے مگھیلن نے آج سنیچر کو  بھٹکل کا دورہ کیا اور مختلف  سماج او ر اداروں کے ذمہ داران سے ملاقات کرتے ہوئے اُن سے مشورے طلب کئے کہ  بھٹکل میں کوویڈ پر قابو پانے اور کورونا کو بھٹکل میں پھیلنے سے روکنے کے لئے مزید کس طرح کے اقدامات اُٹھانے کی ضرورت ہے۔ اس موقع پر مختلف ذمہ داران نے اپنی اپنی رائے ظاہر کی ۔

اخبارنویسوں سے گفتگو کرتے ہوئے ڈپٹی کمشنر مُلّئے مُگھیلن نے بتایا کہ   ریاستی حکومت کی طرف سے    لاک ڈاون کے تعلق سے ہدایات جاری کی گئی ہیں  اورتمام ضلع کے  کمشنروں کو  ہدایت دی گئی ہے کہ وہ اپنے اپنے ضلع کے  حالات کو دیکھتے ہوئے مزید  اقدامات کریں اور کورونا پر قابو پانے ہرممکن  کوشش کریں۔  انہوں نے بتایا کہ جو ہدایات ریاستی سرکار نے جاری کئے ہیں ، اُس میں مزید کیا قوانین  ہونے  چاہئے کہ جس کے ذریعے کووڈ کو پھیلنے سے روکا جاسکے،  انہوں نے بتایا کہ اس تعلق سے ہم  تمام تعلقہ جات کا دورہ کرتے ہوئے  ذمہ داران سے مشورے طلب کررہے ہیں جس کے بعد ہی  حتمی فیصلہ لے کر رہنما ہدایات جاری کئے جائیں گے اور ضلع میں کورونا کو پھیلنے سے روکنے ہر ممکن اقدامات اٹھائے جائیں گے ۔

ڈپٹی کمشنر نے بتایا کہ  سرکار نے لاک ڈاون نافذ کیا ہے، مگر اس کے باوجود بھٹکل میں اگر لوگ  کورونا سے بے خوف ہوکر گھومتے پھرتے ہیں اور آوارہ گردی کرتے ہیں تو اس میں  عوام کا ہی نقصان ہے،  وہ اگر بے ضرورت گھروں سے باہر نکلیں گے تو اپنے گھروالوں کو ہی مصیبت میں ڈالیں گے۔  حکومت کورونا پر قابو پانے کے لئے سنجیدہ ہے، مگر عوام کو خود سمجھنا چاہئے، ملک کے حالات پر نگاہ ڈٖالنی چاہئے کہ لوگ کس قدر تکلیف میں ہیں،  کیسے  یہ وائرس لوگوں کی زندگیاں چھین رہا ہے،  اگر عوام لاپرواہی برتیں گے  تو  اُن کا ہی نقصان ہوگا۔  عوام کو چاہئے کہ وہ حالات سے  باخبر رہتے ہوئے  خود  بھی اس وباء کی زد میں آنے سے بچیں ، اپنے گھروالوں کو بچائیں اور پورے سماج کو بچانے میں اہم کردار کریں۔

ملئے مگھیلن نے بتایا کہ بھٹکل کے اکثر لوگ علاج معالجہ کے لئے پڑوسی ضلع اُڈپی اور مینگلور اسپتالوں کا رُخ کرتے ہیں، ہماری اب اولین ترجیح اس بات پر ہونی چاہئے کہ کل اگر اُڈپی اور مینگلور کے اسپتالوں میں  بیڈ فُل ہوجائے تو کیا ہوگا ؟   پڑوسی ضلع کے  اسپتالوں میں دوسرے اضلاع کے لوگوں کو لینے سے انکار کیا گیا تو    لوگوں کے لئے   متبادل انتظام کیا ہے ؟  اس تعلق سے ہم  سنجیدگی سے  غور کررہے ہیں اور پیشگی اقدامات کے طور پر بھٹکل کے سرکاری اسپتال میں بیڈ بڑھانے سمیت دوسرے ممکنہ انتظامات پر غور کرتے ہوئے اقدامات کررہے ہیں۔

ملئے مگھیلن نے بتایا کہ فی الحال ضلع میں 6 ہزار لیٹر آکسیجن دستیاب ہے  ، ہم مختلف تعلقہ جات کا دورہ کرتے ہوئے اس بات کا حساب لگارہے ہیں کہ کس تعلقہ میں   کتنے آکسیجن کی ضرورت ہے، ہمیں   اُسی حساب سے آئندہ بھی آکسیجن کی سپلائی  کرنی ہے۔ پیشگی اقدامات کے طور پر ہم نے بھٹکل سمیت کمٹہ، سرسی، یلاپور ، انکولہ اور کاروار میں بھی  آکسیجن یونٹ قائم کرنے کا منصوبہ بنایا ہے تاکہ  کسی بھی طور پر  ضلع اُترکنڑا میں آکسیجن کی کمی  نہ ہونی پائے۔

انہوں نے عوام الناس سے درخواست کی کہ وہ  کورونا پر قابو پانے کے لئے   پہلے تو خود اپنی حفاظت کریں، دوسروں تک اس وائرس کو پھیلنے کا ذریعہ نہ بنیں، اپنے گھروالوں کی حفاظت کریں، اپنے علاقہ کی حفاظت کریں۔ ایک سوال کا جواب دیتے ہوئے ڈی سی نے بتایا کہ شادیاں اور پروگرام بعد میں ہوسکتے ہیں, لیکن عوام کی جان بچانا زیادہ اہم ہے، لہٰذا  عوام سے یہی درخواست ہے کہ اگر وہ   لاک ڈاون کے چلتے پولس کو جھوٹ موٹ باتیں بناکر گھومیں گے  اور گھروں سے باہر نکلیں گے اور یہ سوچیں  گے کہ ہم نے اپنی چالاکی سے پولس کو بے وقوف بنایا تو یہ  اُن کے خود کے لئے نقصان دہ ہے، اس بات کو سمجھتے ہوئے ہماری عوام سے یہی درخواست ہے کہ آپ انتظامیہ کا ساتھ دیں، غیر ضروری طور پر گھروں سے باہر نہ نکلیں، سماجی فاصلہ رکھیں، بے حد ضروری ہو تو ہی باہر نکلیں۔ کوویڈ سے مقابلہ تمام لوگوں کو مل کر کرنا ہے اس کے لئے عوام کا تعاون ضروری ہے۔

ڈی سی اور ایس پی نے بعد میں سرکاری اسپتال کا بھی دورہ کیا اور ضروری جانکاری حاصل کی۔ اس سے قبل انہوں نے اسسٹنٹ کمشنر، ڈی وائی ایس پی، تحصیلدار، میونسپل اور جالی پٹن پنچایت کے چیف افسران سمیت دیگر افسران کے ساتھ میٹنگ کرتے ہوئے بھٹکل کے تمام حالات کی جانکاری لی تھی۔

ایک نظر اس پر بھی

اتر کنڑا میں انتخابی ضابطہ اخلاق کا نفاذ - چیک پوسٹوں پر تیز ہوئی جانچ پڑتال؛ بورڈس اور ہورڈنگس ہٹائے گئے

لوک سبھا انتخابات کے لئے ضابطہ اخلاق کے نفاذ کے ساتھ ہی اتر کنڑا کے مختلف مقامات پر چیک پوسٹس پر جانچ پڑتال کی کارروائیاں تیز ہوگئی ہیں ۔  اسی کے ساتھ ہی  سڑک کنارے لگائے گئے اشتہاری بینرس اور ہورڈنگس وغیرہ بھی ہٹائے گئے ہیں۔

ڈانڈیلی اغوا معاملہ : 2 کروڑ روپے تاوان طلب کرنے والے ملزمین گرفتار ؛ گرفتار شدگان میں بھٹکل کا شخص بھی شامل

ڈانڈیلی کے ایک شخص کا اغوا کرکے اس کی رہائی کے لئے 2  کروڑ روپے طلب کرنے والے ملزمین کو  ڈانڈیلی پولیس نے گرفتار کر لیا ہے  جن  کی شناخت ڈانڈیلی کے رہنے والے پرشو رام ایلپّا میدار، کالگونڈا تکا رام سر نائک، ہلیال کے رہنے والے ونائیک کمپنّا کرننگ اور  بھٹکل مدینہ کالونی کے رہنے ...

دکشن کنڑا میں انتخابی ضابطہ اخلاق کے تحت قائم ہوئے چیک پوسٹس - نقدی اور بیش قیمت اشیاء لے جانے کے لئے ضروری ہوگا دستاویزی ثبوت 

دکشن کنڑا میں انتخابی ضابطہ اخلاق کے نفاذ کے ساتھ محکمہ پولیس نے حفاظتی بندوبست تیز کر دیا ہے اور عوام سے کہا ہے کہ اگر وہ اپنے ساتھ  نقد رقم یا قیمتی اشیاء لے جاتے ہیں تو انہیں اس سے متعلقہ باضابطہ دستاویزی ثبوت اپنے پاس رکھنا ہوگا اور جانچ کے دوران افسران کے سامنے پیش کرنا ...

بھٹکل میں7/مئی اورپڑوسی اضلاع اُڈپی اور مینگلور میں 26/ اپریل کو ہوگی پولنگ؛ پورے ملک میں سخت انتخابی ضابطہ اخلاق نافذ

الیکشن کمشنر کے اعلان کے مطابق ریاست کرناٹک میں دو مرحلوں میں انتخابات ہوں گے، جس کے تحت بھٹکل سمیت اُترکنڑا،  چکوڈی، بیلگاوی، باگلکوٹ، وجئے پور (ایس سی)، کلبرگی (ایس سی)، رائچور (ایس ٹی)، بیدر، کوپّل، بلاری (ایس ٹی)، ہاویری ، دھارواڑ، داونگیرے اور شموگہ میں 7/مئی کو انتخابات ...

اُترکنڑا میں 7 مئی کو ہوگی ووٹنگ، ضابطہ اخلاق فوری طور پر نافذ: کاروار میں ڈپٹی کمشنر گنگو بائی مانکر کی پریس کانفرنس

الیکشن کمیشن کی ہدایت کے مطابق، اترا کنڑا لوک سبھا حلقہ میں 7 مئی کو پولنگ ہوگی، البتہ  ضلع میں فوری طور پر سخت ضابطہ اخلاق نافذ کردیا گیا ہے، اس بات کی اطلاع  ضلع کی  ڈپٹی کمشنر اور ڈسٹرکٹ الیکشن آفسر  گنگوبائی مانکر نے دی۔

بھٹکل: انجمن پی یو اینڈ ڈگری کالج میں کبڈی، والی بال، ٹینس وغیرہ کھیلوں کے لئے اسپورٹس کورٹ کا سنگ بنیاد

انجمن پی  یو اینڈ ڈگری کالج میں  ملٹی پرپس اسپورٹس کورٹ  کا سنیچر کوانجمن کے نو منتخب صدر جناب محمد یونس قاضیا کے ہاتھوں  سنگ بنیاد رکھا گیا، جس کے بعد خطاب کرتے ہوئے موصوف نے بتایا کہ کالج کے بچوں کے لئے  ملٹی پرپس اسپورٹس کورٹ کی ضرورت  محسوس کی جارہی تھی ، آج یہاں   اس کا ...