لکھنؤ،12؍جولائی(ایس او نیوز؍ایجنسی) اتر پردیش کی یوگی آدتیہ ناتھ حکومت نے کورونا وائرس کی چین کو توڑنے کےلئے ریاست میں بازاروں کو پیر سے جمعہ تک کھولنے اور لاک ڈاؤن کو پھر سے ہر ہفتے اور جمعہ کو نافذ کرنے کا فیصلہ کیا ہے۔ منی لاک ڈاؤن کے تحت ریاست میں اب صرف پانچ دن دفتر اور بازار کھلیں گے۔ بازار پیر سے جمعہ تک کھلیں گے۔پابندی جمعہ کی رات سے شروع ہوگی اور ہر ہفتے پیر کی صبح ختم ہوگی۔ریاستی حکومت نے ریاست میں جمعہ کی رات دس بجے سے 55 گھنٹے کا لاک ڈاؤن نافذ کیا ہے۔اس کے تحت ضروری خدمات کو چھوڑ کر اب سب بند ہے۔

وزیراعلی یوگی آدتیہ ناتھ نے اتوار کو یہاں اپنی سرکاری رہائش گاہ پر ایک اعلی سطحی میٹنگ میں ان لاک نظام کا جائزہ لیا۔انہوں نے کہا کہ کورونا انفیکشن کی چین کو توڑنے کےلئے اب سبھی بازار پیر سے جمعہ تک کھلیں گے اور ہفتے اور اتوار کو ہفتے کے آخر میں بند رہیں گے۔ہفتے کے آخر میں لاک ڈاؤن کے دوران سبھی بازاروں کی صاف صفائی اور سینیٹائزیشن کےلئے خصوصی پروگرام چلے گا۔

انہوں نے کہا کہ صنعتی اکائیاں بھی ہفتے اور اتوار کو اپنے یہاں سینیٹائزیشن کا کام کریں۔سبھی کوویڈ اسپتالوں میں آکسیجن کی بلا تاخیر سپلائی یقینی بنائی جائے۔یہ بھی دیکھا جائے کہ اسپتال میں 48 گھنٹے کےلئے آکسیجن کا بیک اپ موجود رہے۔

یوگی نے کہا کہ حال میں جاری تعمیراتی کام جیسے ایکسپریس وے،ڈیم ،سیلاب کے پیش نظر ساحلی باندھ کی مرمت کے کام، سماجی دوری کے ساتھ جاری رکھے جائیں۔انہوں نے کہا کہ یہ یقینی بنایا جائے کہ بارش کی وجہ سے کہیں بھی پانی نہ بھرے۔کوویڈ 19 سے بچاؤ کے سلسلے میں وسیع پیمانے پر بیداری مہم شروع کی جائے۔لوگوں کو بیدار کیا جائے کہ وہ ماسک کو اپنی زندگی کا حصہ بنائیں اور وقت وقت پر سابن سے ہاتھ دھوتے رہیں۔

انہوں نے کہا کہ کوویڈ -19 سے روک تھام کےلئے پوری ریاست میں گھر گھر پہنچ کر سروے کا کام کیا جارہا ہے۔اس سے جہاں ایک طرف لوگ کورونا کے سلسلے میں بیدار ہورہے ہیں،وہیں دوسری طرف اس سے متاثر لوگوں کو علاج بھی مل رہا ہے۔انہوں نے ٹڈی دل پر موثر کنٹرول کےلئے کیمیکل کا چھڑکاو کئے جانے کی ہدایت دی۔

یوگی نے کہاکہ ٹیسٹنگ کی صلاحیت کو بڑھاکر 50 ہزار ٹیسٹنگ ہر روز کی جائیں ۔ انہوں نے گورکھپور کے بلاک کمشنر کو اپنے بلاک کے سبھی ضلعوں میں کوویڈ -19 سے روک تھام اور متعدی امراض کے پیش نظر چلائی جارہی مہم کی موثر مانیٹرنگ کرنے کی ہدایت دی۔بغیر علامت والے مریضوں کو کوویڈ -19 کے ایل -1 اسپتالوں میں داخل کرایا جائے۔انہوں نے کانپور شہر،دیوریا ،کشی نگر ،بلیا اور وارانسی میں خصوصی نگرانی برتنے کی ہدایت دی۔

انہوں نے کہاکہ ریاستی حکومت کے ذریعہ گاؤں اور وارڈ پر پلس آکسی میٹر مہیا کرائے گئے ہیں۔ان کا صحیح استعمال کورونا سے نمٹنے میں کیا جائے۔انہوں نے وزیر صحت کو سبھی سی ایم او سے رابطہ قائم کرنے کی ہدایت دی۔