پنجی04/جون (ایس او نیوز)گوا کے مانگورہِل علاقے میں رہائش پذیر ایک ہی خاندان کے 6افراد کے اندر کووِڈ 19کا مرض موجود ہونے کی خبر ملی ہے۔

 اس بات کی تصدیق کرتے ہوئے گوا کے وزیر اعلیٰ پرمود ساونت نے بتایا کہ متاثرہ خاندان والے علاقے کو پوری طرح کنٹینمنٹ زون قراردیا گیا ہے۔ خاص بات یہ ہے کہ مانگور ہِل کے اس علاقے میں 40افراد کی رپورٹ پوزیٹیو آئی ہے۔اور ان میں سے کسی بھی شخص کے اندر مرض کی کوئی  علامت موجود نہیں ہے۔ دوسری طرف ایک ہی علاقے میں 40افراد متاثر ہونے کی وجہ سے عوام کو تشویش ہورہی ہے کہ کہیں یہ مرض گوا میں اب ’کمیونٹی‘ سطح پر پھیلنے کا اشارہ نہ ہو۔لیکن وزیر اعلیٰ نے عوام کو تسلی دیتے ہوئے کہا ہے کہ  یہ کمیونٹی سطح پر مرض کا پھیلاؤ نہیں ہے۔یہ صرف کچھ خاندانوں کے اندر بڑے پیمانے پر افراد کے متاثر ہونے کا معاملہ ہے۔

 یاد رہے کہ گوا میں اب تک کووِڈ 19کے 79معاملات سامنے آئے ہیں جن میں سے 57مریض صحت یاب ہوچکے ہیں۔ فی الحال 22افراد اسپتالوں میں زیر علاج ہیں۔