یو اے ای: ماڈرنا کی کووِڈ-19 کی ویکسین ہنگامی استعمال کے لیے منظور

Source: S.O. News Service | Published on 5th July 2021, 12:38 PM | خلیجی خبریں |

دبئی، 5؍جولائی (ایس او نیوز؍ایجنسی) متحدہ عرب امارات نے امریکا کی دواساز فرم ماڈرنا کی تیار کردہ کووِڈ-19 کی ویکسین کی ہنگامی استعمال کے لیے منظوری دے دی ہے۔یواے ای میں یہ پانچویں ویکسین ہے جس کے ہنگامی استعمال کی منظوری دی گئی ہے۔

یواے ای کی سرکاری خبررساں ایجنسی وام کے مطابق ماڈرنا کی ویکسین کی منظوری کا فیصلہ کلینکی جانچ کی کامیاب تکمیل کے بعد کیا گیا ہے۔اس کے علاوہ مقامی سطح پر اس کا ہنگامی استعمال کے لیے جائزہ بھی لیا گیا ہے۔امریکا کی خوراک اورادویہ انتظامیہ (ایف ڈی اے) ماڈرنا کی ویکسین کی پہلے ہی منظوری دے چکی ہے۔

یو اے ای دنیا بھر میں ویکسین کی سب سے تیز مہم چلانے والاملک ہے اوراب تک فی کس کے اعتبار سے سب سے زیادہ افراد کو ویکسین لگائی جاچکی ہے۔

اماراتی وزارتِ صحت نے ٹویٹر پر اطلاع دی ہے کہ اب تک ملک کی 92 لاکھ آبادی میں سے 73۰8 فی صد کو ویکسین کی ایک ایک خوراک لگائی جاچکی ہے جبکہ 63۰7 فی صد کو دونوں خوراکیں لگائی جاچکی ہیں۔

یواے ای نے کروناوائرس کی تین نئی شکلوں بیٹا، ڈیلٹا اور الفا کے پھیلنے کی بھی اطلاع دی ہے۔

یواے ای میں لوگوں کو ویکسین لگانے کی مہم دسمبر 2020ء میں شروع کی گئی تھی۔تب سے اب تک لوگوں کو منظورشدہ ویکسینوں کی ایک کروڑ 55 لاکھ خوراکیں لگائی جاچکی ہیں۔اماراتی حکام نے حال ہی میں جن افراد کو اس سے پہلے چین کی ساختہ سائنوفارم ویکسین کے دونوں انجیکشن لگائے گئے ہیں،انھیں تقویت کے طور پر تیسرا انجیکشن لگانے کی منظوری دی ہے۔اس کے علاوہ گذشتہ ہفتے حاملہ خواتین کو فائزر کی ویکسین لگانے کی بھی منظوری دی گئی ہے۔

برطانوی خبررساں ایجنسی رائیٹر کے فراہم کردہ کووِڈ-19 کے ڈیٹا کے مطابق یواے ای میں روزانہ اوسطاً 78493 خوراکیں لگائی جارہی ہیں۔اگرملک میں اسی رفتار سے ویکسین لگانے کا سلسلہ جاری رہتا ہے تو پھر مزید 10 فی صد آبادی کو ویکسین لگانے کے لیے 25 دن اوردرکار ہوں گے۔

ایک نظر اس پر بھی

سدھیر چودھری اسلاموفوبیا زدہ دہشت گرد:یوای اے شہزادی

متحدہ عرب امارات (یو اے ای)کی شہزادی ہیند بنت فیصل القاسم نے اپنے ٹی وی نشر کے ذریعہ سے اسلامو فوبیا کو فروغ دینے میں نیوز چینل زی نیوز کے اینکر سدھیر چودھری کے رول کے باوجود اپنے ملک میں مدعو کرنے کیلئے ایک منتظم کی تنقید کی ہے - چودھری کو ایک دہشت گرد کے شکل میں خطاب کرتے ہوئے ...

منگلورو سے کویت کو اڑان بھرنے والی ہوائی جہاز کے اوقات میں ترمیم سے این آر ائیز ناراض : سہولیات فراہم کرنےکا مطالبہ

منگلوروبین الاقوامی ہوائی اڈے سےکویت کےلئے اڑان بھرنےوالی ائیر انڈیا ہوائی جہاز کے اوقات میں نومبر سے ترمیم کی گئی ہے۔ کویت میں مقیم ساحلی پٹی کے این آر ائیز نے الزام لگایا ہے کہ تبدیلی اوقات میں کوئی آسانی فراہم نہیں کی گئی ہے۔