کوویڈ۔19؛ کرناٹک میں کورونا سے متاثرین کی تعداد پانچ ہزار کے پار؛ آج ایک ہی دن 378 معاملات؛ اُڈپی میں پھر سب سے زیادہ 121 معاملات

Source: S.O. News Service | By I.G. Bhatkali | Published on 6th June 2020, 11:20 PM | ساحلی خبریں | ریاستی خبریں |

بھٹکل 6/جون (ایس او نیوز) کرناٹکا میں   ا ٓج سنیچر کو 378 نئے کورونا کے معاملات کے ساتھ ہی  کورونا سے متاثرین  کی تعداد  پانچ ہزار کے  پار ہوگئی۔ اور آج پھر ایک بار ساحلی ضلع اُڈپی 121 نئے  پوزیٹو کیسس کے ساتھ  ریاست بھر میں سب سے زیادہ معاملات درج کیا۔ آج کے تازہ معاملات کے ساتھ ہی اُڈپی میں کورونا سے متاثرہ لوگوں کی تعداد بڑھ کر 889 ہوگئی۔

کلبرگی میں بھی آج 69 نئے معاملات درج کئے گئے جس کے ساتھ یہ ضلع 621 معاملات کے ساتھ ریاست میں  دوسرے نمبر پر برقرار رہا۔

یادگیر ضلع جو حال ہی میں کورونا کے معاملات نہ ہونے سے گرین زون میں تھا اب یہ ضلع بھی ریاست میں تیسرا سب سے زیادہ کورونا سے متاثرہ ضلع بن گیا ہے ، آج یہاں 103معاملات سامنے آئے ہیں جس کے ساتھ ہی یہاں  متاثرین کی تعداد  بڑھ کر 476  کو پہنچ گئی اور اسی کےساتھ اس ضلع نے بنگلور شہر کو بھی پیچھے چھوڑ دیا، جہاں آج 18نئے معاملات درج کرنے کے ساتھ بنگلور تیسری پائیدان سے اُتر کر چوتھی پائیدان پر پہنچ گیا۔ بنگلور میں اب تک  452 معاملات درج کئے گئے ہیں۔

آج کرناٹک میں جو 378 نئے معاملات سامنے آئے ہیں اس میں 333 معاملات اُن لوگوں سے آئے ہیں جو دوسری ریاست سے کرناٹک میں داخل ہوئے تھے، ان میں سب سے زیادہ  مہاراشٹرا سے لوٹ کر آنے والے لوگ ہیں۔آج کے تازہ کورونا کے معاملات کے ساتھ  ہی کرناٹک میں کورونا سے متاثرہ مریضوں کی تعداد بڑھ کر   5213 ہوگئی ہے۔ 

آج کرناٹک میں کورونا سے دو لوگوں کی موت بھی واقع ہوئی۔ بتایا گیا ہے کہ ایک 55 سالہ خاتون نے بیدر اسپتال میں  دم توڑ دیا۔ اسے 16مئی کو  اسپتال میں داخل کیا گیا تھا، بتایا گیا ہے کہ اس خاتون کا انتقال جمعہ کو ہوا تھا، اسی طرح وجئے پور (بیجاپور) میں ایک 82 سالہ خاتون 27 مئی کو  انتقال کرگئی، جس کا  اندراج آج کے ہیلتھ بلٹین میں کیا گیا ہے۔ ان دو لوگوں کی موت کے ساتھ ہی کرناٹک میں کورونا سے مرنے والوں کی تعداد بڑھ کر 59 ہوگئی۔

بتایا گیا ہے کہ اب 11 کورونا سے متاثرہ مریض مختلف اسپتالوں میں  انتہائی نگہداشت والے کمرے  (آئی سی یو) میں  ہیں جس میں  بنگلور (سٹی) کے بھی پانچ مریض شامل ہیں۔

ایک طرف آج کرناٹک میں 378 کورونا کے معاملات درج کئے گئے، اسی طرح دوسری طرف آج  کرناٹک کے مختلف اضلاع سے سب سے زیادہ یعنی 280 مریض شفا یاب ہوکر اسپتالوں سے ڈسچارج بھی ہوئے۔ اسپتالوں سے ڈسچارج ہونے  والوں  کی تعداد اب بڑھ کر   1,968 ہوگئی ہے، جس کےساتھ ہی کرناٹک میں ایکٹو کیسس  3184 ہیں۔

یاد رہے کہ کرناٹک میں کورونا کا پہلا معاملہ 9 مارچ کو درج ہوا تھا، جبکہ  مارچ 31  کو کرناٹک نے سو کے ہندسے کو پار کیا تھا۔اپریل 10 کو کرناٹک نے 200 کا ہندسہ عبور کیا،  16/اپریل کو 300، 20/ اپریل کو 400،    اپریل 25 کو  500،  مئی 2  کو 600، مئی 7 کو 700،  مئی 10 کو 800، مئی 12کو 900 ، مئی 15کو 1000اس کے بعد کرناٹک میں کورونا کے معاملات تیزی سے بڑھنے لگے۔ مئی 24 کو  کرناٹک میں کورونا کے 2000،  مئی 31 کو 3000،   جون3/ کو 4000 اور آج جون 6 کو کورونا کی تعداد کرناٹک میں بڑھ کر اب 5000 ہوگئی ہے۔
 

 

 

 

ایک نظر اس پر بھی

کاروار:ایس ایس ایل سی امتحان کے نتائج۔ سرسی کی سنّدھی ہیگڈے نے پایا ریاست میں پہلا رینک

امسال ریاست میں ایس ایس ایل سی کے جو امتحانات ہوئے تھے اس کا سامنا طلبہ نے کووڈ وباء کے پس منظر میں ذہنی تناؤ کے ساتھ کیا تھا۔اس کے بعد کافی دنوں سے طلبہ بڑی بے چینی کے ساتھ اپنے نتائج کا انتظار کررہے تھے۔

یلاپورکے دیہات میں محکمہ جنگلات کے افسران اور عملے کی طرف سے مسلسل ہراسانی کے خلاف بھٹکل میں دیا گیا میمورنڈم

ضلع شمالی کینرا کے یلاپور تعلقہ میں گولاپور نامی دیہاتی علاقے میں رہائش پزیر ایک 70سالہ خاتون اوراس کے خاندان کو محکمہ جنگلات کے افسران اور عملے کی جانب سے مسلسل ہراساں کیے جانے کا الزام لگاتے ہوئے جنگلاتی زمین پر بسنے والے لوگوں کے حقوق کے لیے جدوجہد میں مصروف تنظیم نے وزیر ...

کرناٹک: ایس ایس ایل سی میں تقریبا 6 لاکھ طلبہ کامیاب

کورونا کی خطرناک وبا کے درمیان ریاست کرناٹک میں منعقد ہوئے ایس ایس ایل سی ( دسویں جماعت) کے نتائج منظر عام پر آچکے ہیں ۔ تقریبا 6 لاکھ طلبہ نے ان امتحانات میں کامیابی حاصل کی ہے ۔ طلبہ کی ہمت اور حوصلہ کی ہر جانب سے ستائش کی جارہی ہے ۔

کاروار:ایس ایس ایل سی امتحان کے نتائج۔ سرسی کی سنّدھی ہیگڈے نے پایا ریاست میں پہلا رینک

امسال ریاست میں ایس ایس ایل سی کے جو امتحانات ہوئے تھے اس کا سامنا طلبہ نے کووڈ وباء کے پس منظر میں ذہنی تناؤ کے ساتھ کیا تھا۔اس کے بعد کافی دنوں سے طلبہ بڑی بے چینی کے ساتھ اپنے نتائج کا انتظار کررہے تھے۔

کرناٹک میں 5985 کورونا پوزیٹیو، 107 ہلاک

ریاست کرناٹک میں پچھلے 24 ؍ گھنٹوں میں 5985 افراد کورونا میں مبتلا ہوئے ہیں، 107 کی موت ہوگئی، متاترین کی کل تعداد 1،78،087 ہوگئی، جبکہ 4،670 افراد شفایاب ہو کر اسپتالوں سے رخصت ہوئے ہیں۔ 107 افراد ہلاک ہوئے ، مہلوکین کی کل تعداد 3،198 ہوگئی ہے۔

کرناٹک میں آئندہ 5دنوں اوربنگلورمیں دوروزتک شدیدبارش کی پیشین گوئی، ریاست میں شدیدبارش اورسیلاب سے 100 سڑکوں اورپلوں کونقصان

ریاست بھرمیں پچھلے چنددنوں سے موسلا دھار بارشوں کا سلسلہ جاری ہے۔شدیدبارش اورسیلاب سے ریاست کے کم از کم 100 سڑکیں اورپلوں کونقصان پہنچاہے۔ اس سلسلہ میں محکمہ تعمیرات عامہ (پی ڈبلیوڈی)کے افسروں نے معلومات فراہم کرتے ہوئے کہا کہ گزشتہ تین دنوں سے ریاست میں بھاری بارشیں ہورہی ...