مہاراشٹرمیں کورونا کی وبا رکنےکا نام نہیں لے رہی

Source: S.O. News Service | Published on 27th July 2020, 11:07 AM | ملکی خبریں | ان خبروں کو پڑھنا مت بھولئے |

نئی دہلی،27؍جولائی(ایس او نیوز؍یو این آئی) ہندوستان میں کورونا وبا بہت تیزی سے پھیل رہی ہے اورہندوستان کی مختلف ریاستوں سےاچھی خبریں نہیں آرہی ہیں۔مختلف ریاستوں کی صورتحال پر نظر ڈالیں تو سب سے زیادہ کورونا کے متاثر مہاراشٹر میں ہیں اور کل انفیکشن کے 9431نئے معاملے سامنے آئے ہیں اور 267لوگوں کی موت ہوگئی۔ یہاں اب متاثرین کا اعداد وشمار 3,75,799اور مرنے والوں کی تعداد 13,656ہے جبکہ 2,13,238لوگ اس سے ٹھیک ہوئے ہیں۔

انفیکشن کے معاملے میں دوسرے پر تملناڈو میں اس دوران 6986نئے معاملے سامنے آئے اور 85لوگوں کی موت ہوئی جس سے متاثرین کی تعداد 2,13,723اور مرنے والوں کا اعدادو شمار 3494ہوگیا ہے۔ ریاست میں 1,56,526لوگوں کو اسپتال سے چھٹی دی جاچکی ہے۔

قومی راجدھانی دہلی میں کورونا کی صورتحال اب کچھ کنٹرول میں ہے اور یہاں انفیکشن کے معاملات میں اضافہ کی شرح تھوڑی کم ہوئی ہے۔ راجدھانی میں اب تک 1,30,606لوگ کورونا کی زد میں آئے اور اس کی وجہ سے مرنے والوں کی تعداد 3,827ہوگئی ہے۔یہاں اب تک 1,14,875مریض ٹھیک ہوئے ہیں۔

بہار میں تمام اقدامات کے باوجود صرف پٹنہ ضلع میں 620سمیت ریاست میں انفیکشن کے 2605نئے معاملات کی تصدیق کے بعد کل پازیٹیو کی تعداد بڑھ کر 38919ہوگئی اور 17متاثرہ افراد اپنی جان گنوا بیٹھے۔

آندھراپردیش میں متاثرین کی تعداد کے معاملے میں اب چوتھے نمبر پر پہنچ گیا ہے۔ ریاست میں 96,298لوگ متاثر ہوئے ہیں اور 1041لوگوں کی اس سے موت ہوئی ہے جبکہ 46,301لوگ صحت یاب بھی ہوئے ہیں۔

پانچویں نمبر پر واقع کرناٹک میں اب تک 96,141لوگ متاثر ہوئے ہیں اور 1878لوگوں کی موت ہوئی ہے۔ ریاست میں اب تک 35,838مریض ٹھیک ہوئے ہیں۔

آبادی کے حسا ب سے ملک کی سب سے بڑی ریاست اترپردیش کورونا کے معاملے میں گجرات کو پیچھے چھوڑ کر چھٹے نمبر پر آگیا ہے۔ ریاست میں اب تک 66,988معاملے سامنے آئے اور اس وبا سے 1426لوگوں کی موت ہوئی ہے جبکہ 41,641مریض ٹھیک ہوے ہیں۔

اس ردمیان مغربی بنگال گجرات کو پیچھے چھوڑتے ہوئے ساتویں نمبر پر پہنچ گیا ہے۔ بنگال میں اب تک58,718معاملے سامنے آئے ہیں اور 1372لوگوں کی موت ہوئی ہے جبکہ 37,751مریض ٹھیک ہوئے ہیں۔

گجرات انفیکشن کے معاملے میں آٹھویں نمبر پر ہے لیکن مرنے والوں کی تعداد کے معاملے میں مہاراشٹر، دہلی اور تملناڈو کے بعد چوتھے نمبر پر ہے۔ گجرات میں 55,822لوگ وائرس سے متاثر ہوئے ہیں اور 2322لوگوں کی موت ہوئی ہے۔ ریاست میں 40,467لوگ اس بیماری سے ٹھیک ہوئے ہیں۔تلنگانہ میں آج کا اعدادوشمار نہیں مل سکا۔ یہاں کل تک کورونا کے مریضو ں کی تعداد 54,059ہوگئی تھی اور 463لوگوں کی موت ہوچکی ہے جبکہ 41,332لوگ اس بیماری سے ٹھیک ہوئے ہیں۔

بہار میں 2600سے زیادہ نئے معاملے آنے کے ساتھ ہی متاثرین کی مجموعی تعداد 38,919ہوگئی ہے اور مرنے والوں کی تعداد 249ہوگئی ہے جبکہ اب تک 26,308مریض ٹھیک ہوئے ہیں۔

اس دوران راجستھان میں 1132نئے کورونا مریض سامنے آنے کے ساتھ ہی اتوار کویہاں اس کی تعداد بڑھ کر 36,430ہوگئی اور گیار ہ مزید لوگوں کی موت ہوگئی۔

کورونا سے مدھیہ پردیش میں 811، ہریانہ میں 392، جموں وکشمیر میں 312، پنجاب میں 306، اوڈیشہ میں 174، جھارکھنڈ میں 83، آسام میں 79، اتراکھنڈ میں 63، کیرالہ میں 62، چھتیس گڑھ میں 43، پڈوچیری میں 40، گوا میں 35، چندی گڑھ، ہماچل پردیش اور تریپورہ میں 13-13، میگھالیہ میں پانچ، نالگالینڈ میں چار، اروناچل پردیش اور لداخ میں تین تین اور دادر ناگرحویلی اور دمن دیو میں دو دو لوگوں اور سکم میں ایک شخص کی موت ہوئی ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...