کورونا وائرس : منگلورو پولیس فائرنگ کی مجسٹر یٹ تحقیقات ملتوی
منگلورو،24؍مارچ(ایس او نیوز) منگلورو میں 19؍ ڈسمبر کو مخالف سی اے اے احتجاج کے دوران پولیس فائرنگ کی مجسٹر یٹ جانچ دکشن کنڑا میں لاک ڈاؤن کے بعد ملتوی کردی گئی۔ اُڈپی کے ڈی سی جی جگدیش نے پیر کو یہ اعلان کیا۔
اُڈپی ڈ سی جی جگدیش کی جانب سے یہ انکوائری پیر کو ہونی تھی۔ سٹی پولیس کمشنر ڈاکٹر پی ایس ہرشا اور دیگر مجسٹریٹ کے روبرو گواہی دے چکے ہیں۔ ڈپٹی کمشنر اور اسسٹنٹ کمشنر کی گواہی ہونی ہے۔
مبینہ پولیس فائرنگ کی وجہ سے نوشین اور جلیل کی موت کے بعد ریاستی حکومت نے مجسٹر یٹ اور سی آئی ڈی دو تحقیقاتوں کا اعلان کیا تھا۔
سرکاری احکام کے مطابق انکوائری کی رپورٹ 23؍ مار چ سے قبل پیش ہونی تھی۔ مجسٹر یٹ کی درخواست پر حکومت نے انہیں 23؍ اپریل کو رپورٹ پیش کرنے کی ہدایت دی۔