حکومت کی جانب سے 11 ہزار موچی خاندانوں کو مالی امداد کا اعلان؛ سدارامیا کی قیادت میں اپوزیشن قائدین کی یڈیورپا سے کامیاب نمائندگی
بنگلورو، 10؍مئی (ایس او نیوز ؍ پی ٹی آئی ) کرناٹک حکومت نے ریاست کے 11؍ہزار موچی خاندانوں کو 5؍ ہزار روپئے کی یکمشت امداد دینے کا اعلان کیا جن کی روز مرہ کی زندگی کووڈ۔19 لاک ڈاؤن کی وجہ سے شدید متاثر ہوئی ہے۔
دپٹی چیف منسٹر گووند کارجول کے مطابق چیف منسٹر بی ایس یڈیورپا نے ہر موچی خاندان کو فی کس 5 ؍ ہزار روپئے یکمشت مالی مدد دینے کا اعلان کیا۔ انہوں نے کہا کہ کووڈ۔19 لاکھ ڈاؤن کی وجہ سے سڑک کنارے بیٹھ کر چوتے چیلوں کا کام کرنے والے 11722 خاندان مالی پریشانی سے دوچار ہیں اور ان کی روزہ مرہ کی زندگی متاثر ہوگئی ہے۔ ‘‘
کارجول جو محکمہ سماجی انصاف کے انچارج بھی ہیں نے کہا کہ استفادہ کنند گان کو یہ معاوضہ بابو جگوجیون رام لیدر انڈسٹریز کارپوریشن کے ذریعہ تقسیم کی جائے گی۔ قائد اپوزیشن سدارامیا کی قیادت میں اپوزیشن قائدین کے ایک وفد نے چیف منسٹر یڈیورپا سے ملاقات کرتے ہوئے ریاستی حکومت کی جانب سے اعلان کردہ پیاکیج کے تحت سوناروں ، بڑھائیوں، موچیوں ، درزیوں اور لوہاروں کو بھی امداد دینے پر غور کرنے کا مطالبہ کیا تھا۔ یڈیورپا حکومت نے کووڈ۔19 لاک ڈاؤن کے سبب پریشان افراد کی مدد کے لیے حال ہی میں 1610 کروڑ کے امدادی پیاکیج کا اعلان کیا تھا۔ پیاکیج کے حصے طور پر معلنہ اقدامات میں ہزاروں دھوبیوں ، حجاموں ، آٹورکشا اور ٹیکسی ڈرائیوس کو فی کس 5 ؍ ہزار روپئے معاوضہ بھی شامل تھا۔