ساتویں اورآٹھویں جماعت کے امتحانات منسوخ، نویں جماعت کے طلباء کو انٹرنل اسیسمنٹ کامیاب کرنا ہوگی، کرناٹک حکومت کا سخت فیصلہ
بنگلورو، 4/ اپریل (ایس او نیوز) ریاستی حکومت نے 7ویں اور 8 ویں جماعت ک امتحانات منسوخ کردیئے۔ قبل ازیں مارچ میں ریاستی حکومت نے اول تا چھٹی جماعتوں کے امتحانات منسوخ کیے تھے۔ نئے احکام، کورونا وائس کی وباء کو روکنے 21روزہ لاک ڈاؤن کی روشنی میں جاری کیے گئے۔ میڈیا سے بات کرتے ہوئے وزیر ابتدائی وثانوی تعلیم سریش کمار نے کہا کہ چہارشنبہ کو سی بی ایس ای نے ساتویں اور آٹھویں جماعت کے امتحانات معاف کردیئے۔ اس کے بعد ریاستی حکومت نے بھی ان د و جماعتوں کے طلباء کے ریاستی بورڈ امتحانات کو معاف کرنے کا فیصلہ کیا ہے۔
انہوں نے کہا کہ کورونا وائرس کی وباء کی وجہ سے ہم نے فیصلہ کیا کہ ساتویں اور آٹھویں جماعت کے تمام طلباء کو امتحانات کے بغیر پروموٹ کرنے کا فیصلہ کیا۔ البتہ نویں جماعت کے طلباء کی سیمیٹیوار فارمیٹیو اسیسمنٹ کی بنیاد پر تنقیح کی جائے گی۔ اگر گوئی طالب علم انٹرنل اسیسمنٹ میں ناکام ہوتا ہے تو متعلقہ اسکولوں کو طلباء کو پروموٹ کرنے کا مستحق بنانے تعطیلات کی مدت کو استعمال کرنا چاہئے۔ وزیر سریش کمار نے مزید کہا کہ اسکولوں کو انٹرنل اسیسمنٹ میں ناکام 9ویں جماعت طلباء کے لئے آن لائن ٹیسٹ کی حوصلہ افزائی کرنی چاہئے۔
انہوں نے یہ بھی کہا کہ ریاستی حکومت 14/ اپریل کو دوسویں جماعت کے امتحانات کے ٹائم ٹیبل پر فیصلہ لے گی۔ انہوں نے یہ بھی کہا کہ پری یونیورسٹی کالج (پی یوسی) امتحانات سے متعلق فیصلہ بھی اسی دن لیا جائے گا۔ قبل ازیں تمام اسکولوں اور کالجوں کو سرکولر جاری کرتے ہوئے 20/ مئی تک بند کرنے کی ہدایت دی گئی تھی۔ تاہم وزیر ابتدائی تعلیم نے وضاحت کی کہ یہ سرکولر جھوٹا غلط ہے۔ کالجوں کا معاملہ محکمہ اعلیٰ تعلیم کے تحت آتا ہے۔ اسکول اور کالج بھی گرمائی تعطیلات کی وجہ سے اس مدت کے دوران بند ہی رہتے ہیں۔