کورونا وائرس: ڈاکٹر اور طبی عملہ کو گھروں سے بے دخل نہ کریں؛ مکان مالکین کو ریاستی حکومت کی وارننگ۔ 15 زمروں کے ملازمین کو پاسس جاری کرنے کا فیصلہ
بنگلورو،27؍مارچ (ایس او نیوز؍پی ٹی آئی) ریاستی حکومت نے سبھی مکان مالکوں کو وارننگ دی ہے کہ کورونا وائرس کے بڑھتے قہر کی وجہ سے اپنے یہاں کرایہ پر مقیم طبی شعبہ کے افراد کو گھروں سے نہ نکالیں۔
محکمہ صحت و خاندانی بہبود کے ایڈیشنل پرسنپ سکریٹری جاوید اختر نے ڈاکٹروں، پیرامیڈیکل اسٹاف اور طبی عملہ کے دفاعی میں حکم جاری کیا ہے کہ قانونی دفعات کے تحت ایسے مکان مالکوں کے خلاف سخت کارروائی کریں۔’’اختر نے ضلع کے دپٹی کمشران، بنگلورو کے بلدی کمشنر ، پولیس اور ریاست کے سینئر عہدیداروں کو یہ احکام جاری کیے۔
انہوں نے کہا کہ ’’ کرناٹک ریاست کے مختلف حصوں سے ڈاکٹروں، پیرامیڈیکل اسٹاف اور طبی عملہ کی جانب سے مسلسل یہ شکایات موصول ہورہی تھیں کہ ان کے مکان مالک ان پر گھر خالی کرنے کے لیے دباؤ ڈال رہے ہیں۔اختر کے مطابق مکان مالکوں کا ایسا رویہ عوام کی خدمت میں مصروف افراد کے کام میں رکاوٹ بن رہا ہے۔
سینئر افسر شاہ نے اس وائرس کی روک تھام کے لیے وبائی امراض قانون 1897ء اور حیدرآباد متعدی مرض قانون 1950ء کے تحت کرناٹک وباء (کووڈ۔19) قانون 2020 نافذ کردیا ہے۔
ریاست کے عہدیداروں کے پاس یہ اختیار ہے کہ وہ اس وباء سے لڑنے کے لیے کام کررہے لوگوں کو نکالنے والے مکان مالکوں کے خلاف کارروائی کرسکیں۔
اسی طرح بنگلورو پولیس کمشنر بھاسکر راؤ نے کہا کہ پیئنگ گیسٹ اور ہاسٹل مالکان بھی وہاں مقیم طلباء، ملازم پیشہ افراد اور دیگر لوگوں کو اس دوران سہولتوں سے محروم نہیں کرسکتے ہیں۔ بھاسکر راؤ نے ٹوئٹ کیا کہ اگر پیئنگ گیسٹ اور ہاسٹل مالکان اپنے یہاں مقیم افراد کو جانے کے لیے کہتے ہیں تو یہ غیر قانونی ہوگا۔ انہیں کھانا بھی دستیاب کرانا ہوگا ورنہ ان کے خلاف مقدمہ چلے گا۔’’
بنگلورو ایک تعلیم مرکز ہے وہاں پورے ملک سے ہزاروں طلباء پہنچتے ہیں۔ جوکہ وہاں عارضی رہائشوں جیسے کہ نجی ہاسٹلوں اور پیئنگ گیسٹ سہولت استعمال کر کے رہتے ہیں۔’’
مرکزی وزارت داخلہ کی جانب سے جاری کردہ ہدایات پر عمل کرتے ہوئے کرناٹک پولیس محکمہ لوگوں کی نقل و حرکت کو پابند بنانے پاس سسٹم نافذ کرےگا۔ دو قسم کے پاس جاری کیے جائیں گے۔ ایک افراد کے لیے اور دوسرا گاڑیوں کے لیے۔ یہ پاسس ڈی سی پی لاء اینڈ آرڈر کے دفتر سے جاری ہوں گے اور درخواست فارم کے ادخال پر24 گھنٹے دیستیاب رہیں گے۔ یہ پاسس مندرجہ ذیل زمروں کے ملازمین کو جاری کیے جائیں گے۔ خانگی سیکورٹی گارڈ، پٹرول ، گیس ، ایل پی جی ریٹیل ملازمین، بینکس، اے ٹی ایم، انشورنس کمپنیوں کے ملازمین، غذا سربراہ کرنے والے ایپس کے ڈیلیوری ایجنٹس، آن لائن فارماسیوٹیکل کمپنیوں، ای کامرس پلیٹ فارمس، پرنٹ اینڈ الیکٹرانک میڈیا، راشن، کرانہ، دودھ، گوشت، مچھلی اور مویشیوں کے چارہ کی دکانات، اسپتالوں، کلینکس، ڈسپنسریز، نرسنگ ہومس، لیباریٹڑیز، ایمولینس، ٹیلی کام اور انٹرنیٹ خدمات لازمی خدمات سے وابستہ آئی ٹی کمپنیاں، برقی محکمہ، کیپٹیل اور ڈیٹ مارکٹ خدمات، کولڈ اسٹوریج اور ویرہاؤسنگ خدمات، لازمی اشیاء کی تیاری کے یونٹس، لازمی اشیاء کی منتقلی کرنے والے، ہوٹلیں اور لارجس جہاں سیاح پھنسے ہوئے ہیں۔