وزیر اعلیٰ یڈیورپا سمیت ریاست کے 5 وزراء کو رونا سے متاثر۔کیمرہ مین کے بنیادی رابطہ میں آنے والوں میں شامل
بنگلورو، 30؍ اپریل (ایس او نیوز) حال ہی میں کنڑا چینل کے کیمرہ مین میں کورونا وائرس کی تصدیق ہوئی تھی۔ اس کیمرہ مین کے بنیادی رابطہ میں آنے والوں میں وزیر اعلیٰ بی ایس یڈیورپا ، نائب وزیر اعلیٰ اور وزراء شامل ہیں۔
کووڈ۔19 کے بنیادی رابطہ میں آنے والوں کو ہوم کوارنٹائن کیا جارہا ہے تو وزیر اعلیٰ، نائب وزیر اعلیٰ اور کابینی وزراءکو کیوں کوارنٹائن نہیں کیا گیا ؟ کیا یہ ان لوگوں کے ذریعہ دہرا معیار نہیں ہے جو شہریوں کے لئے مثال قائم کریں؟ یہ کووڈ۔19 پروٹوکول کی خلاف ورزی ہے۔ اس سے یہ صاف ظاہر ہے کہ حکومت کووڈ۔19 سے لڑنے میں سنجیدہ نہیں ہے۔
ٹائمز آف انڈیا کی رپورٹ کے مطابق وزیر اعلیٰ ، نائب وزرائے اعلیٰ ، گووند کارجول ، ڈاکٹر اشوتھ نارائن،وزیر ہاؤسنگ وی سومنا، وزیر سیاحت سی ٹی روی، وزیر طبی تعلیم ڈاکٹر سدھا کر اور وزیر داخلہ بسوراج بومئی کورونا متاثرہ کنڑا نیوز چینل کے ابتدائی رابطہ میں آنے والوں میں شامل ہیں۔