کرناٹک میں کورونا کے 3648 نئے کیس ؛ بنگلورو میں مزید 1452 افراد متاثر، ریاست میں 72 ؍اموات

Source: S.O. News Service | Published on 21st July 2020, 11:27 AM | ریاستی خبریں |

بنگلورو، 21؍ جولائی (ایس او نیوز) کرناٹک میں کورونا متاثرین کی تعداد میں اضافہ کا سلسلہ جاری ہے اور اس میں کوئی کمی نہیں آرہی ہے۔ پیر کے روز ریاست میں 3648 نئے کورونا پوزیٹیو کیسوں کی نشاندہی کے ساتھ اب تک کورونا متاثرین کی تعداد بڑھ کر 63300 تک پہنچ گئی۔

گزشتہ 24 گھنٹوں کے دوران مزید 72 افراد کی موت سے ریاست میں اب تک کورونا کے سبب لقمہ اجل بننے والوں کی تعداد 1403 تک پہنچ گئی ۔ گزشتہ 24 گھنٹوں کے دوران بنگلورو میں کورونا سے 1452 افراد متاثر ہوئے ہیں جبکہ بنگلورو شہر  میں 31 افراد کی موت واقع ہو ئی ہے۔ ریاست بھر میں 730 افراد پچھلے ایک دن میں صحت یاب ہو کر اسپتالوں سے رخصت ہوئے ہیں ۔ بنگلورو میں اب تک کورونا وائرس کی زد میں آنے والوں کی تعداد بڑھ کر 33229 تک پہنچ چکی ہے۔ یہ تعداد ریاست کی مجموعی تعداد کے مقابل آدھی سے زیادہ ہے۔

بنگلورو میں گزشتہ 6 دنوں سے لاک ڈاؤن جاری ہے اس کے سبب چھٹویں دن متاثرین کی تعداد میں قدرے کمی واقع ہوئی ہے گزشتہ تین چار دن سے جہاں بنگلورو میں متاثرین کی تعداد 2 ہزار سے متجاوز ہورہی تھی اب لاک ڈاؤن کے چھٹے دن بنگلورو میں متاثرین کی تعداد میں تقریباً 25 فیصد گراوٹ آئی ہے۔ ماہرین کی طرف سے کہاجارہا ہے کہ بنگلورو میں اگر سختی سے لاک ڈاؤن نافذ کیا جائے تو اس تعداد کو آنے والے دنوں میں اور بھی کم کرنے میں مدد مل سکتی ہے۔ پچھلے 5 ؍ دنوں کے مقابلے میں ریاستی راجدھانی بنگلورو میں کورونا وائرس کے معاملات میں بتدریج کمی دیکھی جارہی ہے۔

ایک نظر اس پر بھی

28ستمبر کو کرناٹکا بند کے پس منظر میں ایس ایس ایل سی سپلمنٹری امتحان کیا گیا ملتوی

کرناٹکا ہائی اسکول اکزامنیشن بورڈ کی طرف سے جاری کیے گئے اعلامیہ کے مطابق ایس ایس ایل سی کا جو سپلمنٹری امتحان  28ستمبر کو منعقد ہونے والا تھا اسے کسانوں کے احتجاجی بند کے پیش نظر ملتوی کردیا گیا ہے۔

بھٹکل جامعہ اسلامیہ کے صدر مولانا عبد العلیم قاسمی صاحب کی بنگلور میں شال پوشی

آل انڈیا ملی کونسل کرناٹک کے نائب صدر اور الجامعہ الاسلامیہ بھٹکل کے نو منتخب صدر ، حضرت مولانا عبد العلیم قاسمی صاحب کی بنگلور آمد پر ،، ملی کونسل کرناٹک ، بنگلور ،، کی جانب سے شال پوشی کی گئی ۔

ایڈی یورپا حکومت کے خلاف تحریک عدم اعتماد پیش۔ حکومت اکثریت ثابت کرے گی، اشوک کا دعویٰ۔وزیر اعلیٰ کو مستعفی ہوجانا چاہئے:سدارامیا

اپوزیشن کانگریس لیڈر سدارامیا نے وزیر اعلیٰ بی ایس ایڈی یورپا کی قیادت والی بی جے پی حکومت کے خلاف آج ریاستی اسمبلی میں تحریک عدم اعتماد نوٹس پیش کردیا ہے۔

کاروار: ایس سی؍ ایس ٹی کی جعلی سرٹی فیکٹ جاری کرنے کے معاملے میں ضلع شمالی کینرا دوسرے نمبرپر

سرکاری نوکریاں پانے کے لئے غلط طریقے اور بدعنوانی کے ذریعے درج فہرست ذات (شیلڈولڈ کاسٹ) اور درج فہرست قبائل (شیلڈولڈ ٹرائب)کی سرٹفکیٹس جاری کرنے کے معاملے میں ضلع شمالی کینرا ریاست میں دوسرے نمبر پر آگیا ہے۔  کرناٹکا سول رائٹس انفورسمنٹ    کے    ایڈیشنل ڈائریکٹر جنرل آف پولیس ...

بنگلورو: کووڈ مریض کی نعش دینے کےلئے اسپتال نے کیا 5.70 لاکھ روپے کا مطالبہ۔ رشتے داروں نے لاش لینے سے ہی کیاانکار

بنگلورو کے ایک اسپتال میں کووڈ مریض کے فوت ہوجانے کے بعد اسپتال نے گھر والوں کو لاش سونپنے کے لئے 5.70 لاکھ روپے علاج کا بل ادا کرنے کا تقاضہ کیا۔گھر والوں نے  2 لاکھ روپے ادا کرنے کی بات کہی تو اسپتال نے لاش دینے سے انکار کیا۔ اس پر مشتعل ہوکر مرنے والے مریض کے گھر والے لاش کو ...