اومیکرون بحران: کورونا کے معاملوں میں اضافہ کے سبب فضائی خدمات پر قدغن، دنیا بھر میں 11500 پروازیں منسوخ

Source: S.O. News Service | Published on 28th December 2021, 11:50 AM | عالمی خبریں |

نیو یارک، 28؍دسمبر(ایس او نیوز؍ایجنسی)  کورونا وائرس کے نئے ویرینٹ اومیکرون کا پھیلاؤ وسیع تر ہوتا جا رہا ہے۔ امریکہ اور برطانیہ سمیت کئی ممالک میں اومیکرون کے خطرے درمیان کورونا کے معاملوں میں اضافہ درج کیا جا رہا ہے، لہذا حکومتیں سخت پابندیاں عائد کرنے پر مجبور ہیں۔

یورپ اور ریاستہائے متحدہ امریکہ کی کئی ریاستوں میں کورونا کے معاملے ریکارڈ سطح پر پہنچنے کے بعد پروازوں کو منسوخ کیا گیا ہے۔ یہ پروازیں ایسے وقت منسوخ ہوئی ہیں جب کرسمس کے موقع پر دنیا بھر کے سیلانی سفر پر نکلتے ہیں۔ پروازیں منسوخ ہونے سے مسافر پریشان نظر آ رہے ہیں۔

سفر کے لحاظ سے کافہ مصروف ترین ایان کے دوران جمعہ کے روز سے اب تک تقریباً 11500 پروازوں کو منسوخ کیا جا چکا ہے، جبکہ ہزاروں پروازوں کو منزل تک پہنچنے میں تاخیر ہوئی۔ کئی فضائی کمپنیوں کا کہنا ہے کہ کورونا وائرس کے اومیکرون ویرینٹ کے معاملوں میں تیزی کے سبب عملہ میں کمی واقع ہوئی ہے۔

پروازوں پر نظر رکھنے والی فلائٹ اویئر کے مطابق اس کا اثر دنیا بھر میں پڑا ہے۔ پیر کے روز تقریباً تین ہزار پروازوں کو منسوخ کیا گیا جبکہ منگل کے روز 1100 مزید پروازیں منسوخ ہو گئیں۔

لوگوں کو جلد کام پر لوٹنے اور وسیع پیمانے پر ’لیبر فورس‘ کی کمی کے خدشہ کو کم کرتے ہوئے یو ایس سینٹر فار ڈیزیز کنٹرول اینڈ پریونشن نے پیر کے روز غیر علامتی کورونا کے معاملوں کے لئے قرنطینہ کی مدت کو 10 دن سے کم کر کے 5 دن کر دیا۔

امریکہ میں کورونا کے معاملے جنوری میں ریکارڈ بلندی تک پہنچنے کا خدشہ ہے۔ ٹیکہ نہیں لینے والوں کی بڑی آبادی اور فوری اور آسان ٹیسٹنگ کی کمی اس خدشہ میں اضافہ کر رہی ہے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...