سابق فوجی آمر پرویز مشرف کیخلاف سنگین غداری کیس کا فیصلہ محفوظ

Source: S.O. News Service | Published on 19th November 2019, 7:51 PM | عالمی خبریں |

 اسلام آباد / 19 نومبر (آئی این ایس انڈیا)سابق صدر پرویز مشرف کے خلاف سنگین غداری کیس کی سماعت کرنے والی خصوصی عدالت نے 28مقدمے کا فیصلہ محفوظ کرتے ہوئے اسے 28 نومبر کو سنانے کا اعلان کیا ہے۔عدالت نے وکیل صفائی کی جانب سے التوا کی تیسری درخواست بھی مسترد کرتے ہوئے انہیں 26 نومبر تک اپنے تحریری دلائل جمع کرانے کی مہلت دی ہے۔اسلام آباد کی خصوصی عدالت میں منگل کو سابق صدر پرویز مشرف کے خلاف سنگین غداری کیس کی سماعت ہوئی۔دورانِ سماعت تین رکنی بینچ کے سربراہ جسٹس وقار احمد سیٹھ نے کہا کہ استغاثہ نے تحریری دلائل جمع کرا دیے ہیں، جو کافی ہیں۔ انہوں نے استفسار کیا کہ پرویز مشرف کے وکیل کہاں ہیں؟رجسٹرار نے بتایا کہ وکیل رضا بشیر عمرے پر چلے گئے ہیں۔ جسٹس وقار احمد کا کہنا تھا کہ وکیل کو دلائل کے لیے تیسرا موقع دیا تھا لیکن وہ پیش نہیں ہوئے۔ اگر وہ تحریری دلائل جمع کرانا چاہیں تو 26 نومبر تک جمع کرا سکتے ہیں۔اس سے قبل بینچ کے سربراہ نے ڈپٹی اٹارنی جنرل سے استفسار کیا کہ کیا استغاثہ کی ٹیم کو ہٹانے سے پہلے عدالت سے پوچھا گیا تھا؟اس پر ڈپٹی اٹارنی جنرل ساجد الیاس بھٹی نے کہا کہ حکومت کی تبدیلی کے بعد پراسیکیوٹر اکرم شیخ نے استعفیٰ دے دیا تھا۔ اکرم شیخ کی ہدایت پر استغاثہ کی نئی ٹیم مقرر کی گئی۔ حکومت نے 23 اکتوبر کو استغاثہ کی ٹیم کو برطرف کیا۔عدالت نے ڈپٹی اٹارنی جنرل سے استفسار کیا کہ آپ کس کی نمائندگی کر رہے ہیں؟ ڈپٹی اٹارنی جنرل نے کہا کہ میں وفاق کی نمائندگی کر رہا ہوں۔بینچ میں شامل جسٹس نذر اکبر نے کہا کہ وفاقی حکومت تو کیس میں فریق ہی نہیں۔اس موقع پر بینچ کے تیسرے رکن جسٹس شاہد کریم نے ریمارکس دیے کہ اس کیس میں سیکریٹری داخلہ شکایت کنندہ ہیں۔جسٹس نذر اکبر نے استفسار کیا کہ کیا وزارتِ داخلہ کو معلوم نہیں تھا کہ پراسیکیوٹر کے استعفے کے بعد بھی استغاثہ کی ٹیم کام کر رہی ہے؟ ڈپٹی اٹارنی جنرل نے جواب دیا کہ شاید وزارتِ داخلہ کو اس بات کا علم ہو۔اس پر جسٹس نذر اکبر نے کہا کہ شاید والی کیا بات ہے؟ وزارتِ داخلہ کے حکام کئی بار عدالت میں پیش ہو چکے ہیں۔ یہ کیسے ممکن ہے کہ انہیں علم نہ ہو۔بعد ازاں عدالت نے ڈپٹی اٹارنی جنرل کو یہ کہتے ہوئے روسٹرم سے ہٹا دیا کہ اٹارنی جنرل آفس کا اس کیس میں کوئی کردار نہیں ہے۔یاد رہے کہ سابق صدر پرویز مشرف کے خلاف سنگین غداری کا کیس دسمبر 2013 سے چل رہا ہے جس میں پرویز مشرف صرف ایک بار عدالت کے روبرو پیش ہوئے ہیں۔گزشتہ ماہ وفاقی حکومت نے اس مقدمے میں استغاثہ کی پوری ٹیم کو فارغ کر دیا تھا جس پر خصوصی عدالت نے حکومت سے وضاحت طلب کی تھی۔ جسٹس وقار احمد نے استفسار کیا تھا کہ بتایا جائے کہ استغاثہ کی ٹیم کو کس قانون کے تحت فارغ کیا گیا؟البتہ اب عدالت نے اس مقدمے کا فیصلہ محفوظ کر لیا ہے جو 28 نومبر کو سنایا جائے گا۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...