بنگلورو: کارپوریٹر مجاہد پاشاہ بھی کورونا کی زد میں

Source: S.O. News Service | Published on 27th June 2020, 6:30 PM | ریاستی خبریں |

بنگلورو،27/جون (ایس اونیوز) بنگلورو شہر کے سداپورہ وارڈ کے کارپوریٹر مجاہد پاشاہ بھی کورونا وائرس کی لپیٹ میں آگئے ہیں۔ اب ان کے رابطہ میں رہنے والے تمام لوگوں میں یہ خدشہ پیدا ہوگیا ہے کہ کہیں انہیں بھی کوارنٹائن نہ کردیا جائے۔ کورونا کی زد میں آنے والے مجاہد پاشاہ کو پچھلے کئی دنوں سے سردی زکام اوربخار بھی تھا، اس لئے ان کی جانچ کروائی گئی تو وہ کورونا پازیٹیو نکلے۔ پچھلے دنوں مجاہد پاشاہ بی بی ایم پی کارپوریٹر کی حیثیت سے کھلے عام کورونا سے متاثر علاقوں میں جا آرہے تھے۔ جس کی وجہ سے وہ کورونا سے متاثر ہوگئے ہیں۔ پچھلے 4؍دنوں سے مجاہد پاشاہ پلکیشی نگر میں واقع اپنی بہن کے مکان میں قیام پذیرہیں۔ فی الحال مجاہد پاشاہ اور ان کے رابطہ میں رہنے والوں کو کوارنٹائن کیاگیا ہے۔

ایک نظر اس پر بھی

کورونا سے متاثر ہو کرمرنے والوں کی تدفین میں رکاوٹ درست نہیں، لاک ڈاؤن ہو یا نہ ہو اپنے آپ احتیاط برت کر وائرس سے بچنے کی کوشش کریں: ضمیر احمد خان

شہر بنگلورو میں کورونا وائرس کے کیسوں کی تعداد میں جس طرح کا بے تحاشہ اضافہ ہو رہا ہے اسی رفتار سے اس مہلک وباء کی زد میں آکر مرنے والوں کی تعداد میں بھی اضافہ ہو تا جارہا ہے۔ اس وباء کا شکار ہو کر مرنے والے افراد کی تدفین اور دیگر آخری رسومات کے لئے عالمی صحت تنظیم کی طرف سے جو ...

کوروناروک تھام اورکووڈطبی آلات کی خریداری میں 2,200کروڑروپے کا غبن

عالمی وباکوروناوائر س کی روک تھام اورمتاثرین کے علاج ومعالجہ کے لیے درکارطبی آلات کی خریداری میں 2,200کروڑروپے کابڑامالی گھوٹالہ ہواہے۔یہ گمبھیرالزام اپوزیشن لیڈروسابق وزیراعلیٰ سدارامیا نے عائدکیاہے۔

کوروناکاقہر جاری،کرناٹک میں ایک ہی دن 21اموات، 24گھنٹوں کے دوران بنگلورومیں 994سمیت جملہ 1694کووڈکاشکار

ریاست میں آج ایک ہی دن کوروناوائرس کی زدمیں آکر21مریض ہلاک ہوگئے جبکہ 1694 کووڈمعاملات کا پتہ چلاہے۔ کرناٹک میں بھی کوروناوائر س کاخوفناک پھیلاؤ رکنے اورتھمنے کا نام نہیں لے رہاہے،ہرگزرتے لمحے اوردن کے ساتھ کوروناوائرس کے نئے معاملات میں اضافہ ہی ہوتاجارہاہے،