بھٹکل میں اب کورونا کا قہر؛ 45 معاملات سامنے آنے کے بعدحکام کی اُڑ گئی نیند؛ انتظامیہ نےکیا دوپہر دوبجے سے ہی لاک ڈاون کا اعلان

Source: S.O. News Service | By I.G. Bhatkali | Published on 6th July 2020, 8:30 PM | ساحلی خبریں |

بھٹکل 6/جولائی (ایس او نیوز)  بھٹکل میں کورونا کو لے کر گذشتہ چار پانچ دنوں سے جس طرح کے خدشات ظاہر کئے جارہے تھے، بالکل وہی ہوا، آج ایک ہی دن 45 کورونا کے معاملات سامنے آنے سے نہ صرف حکام  کی نیندیں اُڑ گئیں بلکہ عوام میں بھی خوف وہراس کی لہر دوڑ گئی۔  حیرت کی بات یہ رہی کہ آج جن لوگوں کے رپورٹس پوزیٹیو آئے ہیں، اُس میں تعلقہ اسپتال کی اہم  ڈاکٹر کا بھی  نام شامل ہے ، ساتھ ساتھ ایک دوسرے  معروف   ڈاکٹر سمیت ایک پرائیویٹ اسپتال کے دو اسٹاف  و ایک لیب اسٹاف وغیرہ بھی شامل ہیں۔

سرکار کی جانب سے جاری کی گئی لسٹ کے مطابق آج کورونا کے جو معاملات سامنے آئے ہیں، اُس میں زیادہ تر لوگ مریض نمبر 17121 کے پرائمری رابطے والے ہیں، مریض نمبر 14556 کے پرائمری رابطے والے دو لوگ بھی آج کی لسٹ میں شامل  ہیں جبکہ  ایک 56سالہ خاتون مہاراشٹرا سے لوٹی تھی۔اُس کی بھی رپورٹ پوزیٹیو آئی ہے۔ 45 میں بارہ خواتین ہیں، ایک  لڑکی، تین لڑکے اور24 مرد حضرات ہیں۔

ویمن سینٹر میں مزید80 بستروں کا انتظام:   بھٹکل ویمن سینٹر جہاں کورونا سے متاثرہ لوگوں کو کورنٹائن کرنے کا انتظام کیا گیا ہے، یہاں کل تک تنظیم کی جانب سے 92 بستروں کا انتظام کیاگیا تھا، آج کاروار سے ضلعی انتظامیہ کی جانب سے  مزید 80 بیڈ مع  بیڈ شیٹس روانہ کئے گئے تھے، مگر صبح اچانک بھٹکل میں 45 کورونا کے معاملات سامنے آنے کے بعد پلنگ لگانے اور بستروں کو بچھانے  کے لئے سرکار کی جانب سے جن مزدوروں کو  تعینات کیا گیا تھا، اُن کے ہاتھ پیر پھول گئے اور انہوں نے ویمن سینٹر کے اندر  جا کر کام کرنے سے انکار کردیا، مگر تنظیم کی جانب سے سرگرم رکن محمد صادق مٹا نے  دوسرے متبادل مزدوروں کا انتظام کرتے ہوئے  بستروں کو بچھانے کا کام انجام دیا۔ آج پوزیٹٹیو آنے والے کئی لوگوں کو  شام تک ویمن سینٹر منتقل کیا گیا تھا۔ بتایا گیا ہے کہ   جن کی عمر 60یا اس سے زائد ہیں انہیں سرکاری اسپتال میں ہی رکھا جائے  گا تاکہ وہ ڈاکٹرس کی نگرانی میں رہیں۔

دوپہر دو بجے سے ہی بھٹکل میں لاک ڈاون:   بھٹکل میں کورونا کے بڑھتے معاملات سے ایک طرف حکام کی نیندیں اُڑ گئیں ہیں، وہیں سرکاری اسپتال میں بھی اسٹاف کے ہاتھ پیر پھول گئے ہیں۔

حالات کی سنگینی کو دیکھتے ہوئے  ضلعی انتظامیہ نے کل منگل سے دوپہر دو بجے سے ہی بھٹکل میں لاک ڈاون کا اعلان کیا ہے اور عوام الناس سے درخواست کی ہے کہ دوپہر دو بجے کے بعد وہ اپنے گھروں سے باہر نہ نکلیں۔ ڈپٹی کمشنر ڈاکٹر ہریش کمار کی جانب سے  جاری کئے گئے اعلامیہ میں کہا گیا ہے کہ میڈیکل کی اشد ضرورت ہو تو  ہی لوگ باہر نکل کر میڈیکل کی ضروریات پوری کرسکتے ہیں، ورنہ کسی بھی دوسری صورت میں لوگوں کو گھروں سے باہر نکلنے کی اجازت نہیں ہوگی۔ اعلامیہ کے مطابق دوپہر دو بجے سے صبح چھ بجے تک مکمل لاک ڈاون رہے گا۔

بھٹکل میں45 سمیت ضلع اُترکنڑا میں  کورونا کے 81 معاملات:   یاد رہے کہ آج پیر کو بھٹکل میں کورونا کے 45 معاملات سمیت ضلع اُترکنڑا میں جملہ 81 پوزیٹیو معاملات درج کئے گئے ہیں، ان میں کمٹہ میں 20،  ہوناور میں 9، کاروار میں 5، یلاپور اور سرسی میں ایک ایک معاملات شامل ہیں۔

ایک نظر اس پر بھی

ساحلی کرناٹکا میں موسلادھار بارش؛ انکولہ ۔یلاپور ہائی وے پانی میں ڈوب گیا؛ چلتی کار پرردرخت گرنے سے کاروار کا ایک شخص ہلاک؛ ہوناور کے ولکی میں پانی کمپاونڈوں میں گھس گیا

ساحلی کرناٹکا میں گذشتہ تین چار دنوں سے زوردار بارش کا سلسلہ جاری ہے جس کے نتیجے میں مختلف علاقوں سے نقصانات کی خبریں آرہی ہیں۔  یلاپور سے ملی اطلاع کے مطابق زبردست بارش کے نتیجے میں انکولہ۔یلاپور ہائی وے  پانی میں ڈوب  گیا ہے۔ یہ سڑک بند ہوجانے سے   انکولہ۔ ہبلی نیشنل ہائی ...

بھٹکل: مرڈیشور میں علاج نہ ملنے سے مریض کی موت۔ ڈاکٹر کے خلاف کارروائی کے لئے اے سی کو دیا گیا میمورنڈم

دل کا دورہ پڑنے پر مریض کو کورونا وباء کے شک میں مرڈئشور سرکاری اسپتال میں علاج کی سہولت فراہم نہ کرنے سے موت واقع ہونے کا الزام لگاتے ہوئے مریض کے گھروالوں کے علاوہ مقامی افراد نے بھٹکل اسسٹنٹ کمشنر کو میمورنڈم دیا جس میں سرکار ی ڈاکٹر کے خلاف قانونی کارروائی کا مطالبہ کیاگیا ...

کاروار؛ شمالی کینرا میں چار طلبہ نے پاس کیا سول سروس امتحان؛ ضلع میں پہلی مرتبہ 2لڑکیوں کو بھی ملی کامیابی

یونین پبلک سروس کمیشن(یو پی ایس سی) کے تحت منعقد کیے جانے والے امتحان میں امسال شمالی کینرا سے کُل 4طلبہ نے کامیابی حاصل کی ہے۔ جس میں شمالی کینرا کی تاریخ میں پہلی مرتبہ 2لڑکیاں بھی شامل ہیں۔

بھٹکل میں طوفانی ہواوں کے ساتھ زوردار بارش؛ کئی درخت اُکھڑ گئے، الیکٹرک ٹرانسفارمر سمیت کئی کھمبوں کو نقصان؛ بجلی کی انکھ مچولیاں

بھٹکل میں آج منگل صبح سے طوفانی ہواوں کے ساتھ زور دار بارش کے نتیجے میں کئی علاقوں میں درختوں کے اُکھڑنے کے ساتھ ساتھ بجلی کے کھمبوں کے گرنے اور کئی مقامات پر الیکٹرک ٹرانسفارمر کو نقصان پہنچنے کی اطلاعات موصول ہوئیں جس کی وجہ سے پورا دن  بجلی کی انکھ مچولیاں جاری رہیں۔

بھٹکل میں پرائمری کوویڈ کیئر سینٹرکا خوبصورت افتتاح؛ اب سانس لینے میں تکلیف یا اکسیجن میں کمی پائی جانے پربھٹکل میں ہی فوری ابتدائی علاج ممکن

کوویڈ وبا کے بعد حال ہی میں کئی لوگوں کو سانس لینے میں تکلیف اوربدن میں اکسیجن کی کمی کی وجہ  سے مینگلور شفٹ کیا گیا تھا، بعض لوگوں نے اس دوران  دم بھی توڑ دیا، جبکہ کئی لوگ  صحت مند ہوکر واپس آنے میں کامیاب ہوگئے،  ایک طرف عوام کورونا کے بڑھتے معاملات سے پریشان ہیں تو وہیں ...

بھٹکل: ایم ایل اے سنیل نائک کے ہاتھوں سرکاری فرسٹ گریڈ کالج کا سنگ بنیاد

بھٹکل میں سرکاری فرسٹ گریڈ کالج کی اپنی کوئی عمارت نہیں تھی اور اب تک کرایے کی عمارت میں طلبہ کی پڑھائی انجام دی جارہی ہے۔ اس کالج کی اپنی عمارت کے لئے منظور شدہ سرکاری منصوبہ کافی عرصے سے التوا میں پڑا ہوا تھا۔اب بھٹکل جالی پنچایت کے تلگیرے میں 6.7 ایکڑ زمین پر فرسٹ گریڈ کالج ...